ههههههه والله ياقلبي انتي اللي مدري وين عايشه
متكيه في بيتكم وتشيشين خلق الله
انتداب ونقل وندب هاذي مقدوووور عليها :::في اغلب الوزارات ماتحتاج واسطه وتنتقلين بطلب شخصي ماحاجه تدخلين ناس بينهم::
واللي تقولين توظفو انا اقول لج
اذا رقمج من واحد الى 5 بالديوان الوظيفه تهلي وترحب فيج وواسطتج تمشي وهي على زل احمر
بس اذا رقمج فوق ال5 انسي تتوظفين
واذا صج على قولتج الناس قاعده تتوظف بواسطه عطينا دليل يعني اسم البنت اللي توظفت وكم كان رقمها بالديوان يوم توظفت وانا مستعده اوظفج واوظف ينات المنتدى بس عطيني حجه اواجه فيها الرجال اما تجين وفلانه توظفت وفلانه توظفت وانتي ماتدرين كم رقمها هذا غير مقبوووووول لان الواسطه اخوي وولد عمي مستحيل يعزون علي الوظيفه
اي صح على فكره قبل سنه عمي مشى بواسطه حق بنته اقول شلون:
كلم رفيجه بالديوان منصبه قوي بالديوان وهي كان رقمها 25
طلع ترشيح 24 مرشح حق وزاره الصحه بما ان الصحه هي اللي تطلب اعداد كبيره
وصار رقمها 1 من باكر جابلها كتاب ترشيح للتربيه وتوظفت
طبعا اللي ترشحو للصحه راجعو الصحه وارفضتهم وصارو مرفوضين
واحد منهم استنذل وراح راجع الديوان ومع التحقيقات ومدري شنو اكتشفو ان السالفه تلاعب
اسحبو اوراقها من التربيه وخلوها اخر وحده
للعلم كان ماشي لها معاشين يعني يوم توسدت الراحه جكوها
فانتي عطيني اسم وحده بالخاص وبكرا كلنا نتوظف
مو تقولين مابي اشهر بالبنت وماترضى
هالسوالف ماخوذ خيرها وعارفين اقصاها
