ديوان الخدمه المدنيه

[meen_ana]

سلام عليكم
بنات انا شهادتي كان قايلين المفروض تطلع تاريخ 15 يعني يوم الخميس بس الحيم بعد وفاه الشيخ الله يرحمه
اكيد تأجل الموضوع لي يوم الاثننين وديوان الخدمه المدنيه اخر يوم تسجيل تاريخ 16- تعتقدون راح يروح علي التسجيل ولا راح يوقفونه الانه التسجيل عن طريق النت تلفون ولا شنو انا في ناس قالو كل شي راح يتوقف بالديرة بليز طمنوني حدي خايفه يروح علي الانه ماتسوى علي انطر لي شهر عشره واكون شاكره لكم بنات

 

[ام قدووور]

والله مادري والله ....الله اعلم

واتوقع كل شي راح يوقف

 

[meen_ana]

مشكورة حبيتبي باميه على مرورج وانج رديتي علي

 

[كويتية أصيلة]

ان شاء الله ماكو شي راح يروح عليج .. مادامهم موقفين كل شي اكيد راح يمددون .. والله أعلم

عسى الله يرحمه برحمته الواسعه

 

[meen_ana]

الله يسمع منكم يارب ويمددون المده ويمديني اسجل الانه حرام تروح علي وانطر لي شهر عشره

 

[خوش بنيه]

سلام عليكم
بنات انا شهادتي كان قايلين المفروض تطلع تاريخ 15 يعني يوم الخميس بس الحيم بعد وفاه الشيخ الله يرحمه
اكيد تأجل الموضوع لي يوم الاثننين وديوان الخدمه المدنيه اخر يوم تسجيل تاريخ 16- تعتقدون راح يروح علي التسجيل ولا راح يوقفونه الانه التسجيل عن طريق النت تلفون ولا شنو انا في ناس قالو كل شي راح يتوقف بالديرة بليز طمنوني حدي خايفه يروح علي الانه ماتسوى علي انطر لي شهر عشره واكون شاكره لكم بنات

ليش ماتسجلين بالديوان!

شنو شهادتج من وين !

 

[meen_ana]

الله يسلمج التطبيقي مو راضي يطلعون الشهادات مطولين السالفه وهى قصيرة كل يوم يقولون شي والحين قالو يوم الخميس تطلع بس عقب وفاة الشيخ مااعتقد تطلع الا يوم الاثنين

بس مايندري الحق على الديوان ولالا بنات للي تعرف خبر تقولى

 

[خوش بنيه]

الله يسلمج التطبيقي مو راضي يطلعون الشهادات مطولين السالفه وهى قصيرة كل يوم يقولون شي والحين قالو يوم الخميس تطلع بس عقب وفاة الشيخ مااعتقد تطلع الا يوم الاثنين

بس مايندري الحق على الديوان ولالا بنات للي تعرف خبر تقولى

لا انتي الحين دشي السايت وسجلي ليش تنطرين !!

لانه اصلا الديوان يودون بياناتج عند الديوان ماراح ينادونج الا لمى يرشحونج للوظيفه وجذي تاخذين الشهاده
واوراقج وتروحين الوزاره اللي رشحوج لها و الديوان بعد

فاسجلي الحين انا شهر 2 اللي طاف جذي وسجلت عادي

اذا ماسجلتي راح تنطرين الى شهر 8

والله يوفقج إن شاءالله

 

[meen_ana]

حبوبه المشكله لمن بسجل يكتب لي انى ما زلت مقدية في التعليم التطبيقي يعني قايلين انه يوم الخميس يدخلون اسمي بالخدمه عشان اقدر اسجل بس عقب للي صار اعتقد كل شي تأجل وراج يدخلون الاسم يوم الاثنين مايندري يمديني الحق على الديوان ولا يطوفي بعد بليز طمنوني بنات

 

[خوش بنيه]

ايه جذي يعني عيل يمكن يمددون التسجيل
الله يوفقج إن شاءالله

 

[meen_ana]

الله يسلمج يارب وايد قالو لي زين خليتوو عندي ذره تفائل الانه مساكت صكرت فيني الدنيا يعني حران انطر وايد
يارب يمددون لنا الفتره ياريت للي يوصل لها خبر تبشرني

 

[zeeta]

ترى يوم الاحد دوامات عادي

تقدرين تروحين تستلمين شهادتج

و الديوان قدمي من النت

او من التيلفون

و مايطوفج شي

باذن الله

بعدين راح ينادونج تودين شهادتج

على ما ينادونج الا شهادتج عندج في البيت

 

[meen_ana]

مشكورة حبيبتي زيته بس مشكله انه مو راضي يدخل اسمي بالخدمه المدنيه الحين

الانه بعدني معقيد بالتطبيقي بشووف لي يوم الاحد واروح اكلمهم

 

[خوش بنيه]

و حاولي كل ساعه تجربين بالسايت وبالتلفون وإن شاءالله يصير

يمكن السايت معلق او شي والله كريم إنشاء الله

 

[meen_ana]

ان شاء الله بجرب والله كريم ويكتب للي في خير

 

[خوش بنيه]

آمين

 

[meen_ana]

مشكورة حبيتبي على دعواتج الحلوة والطيبه

 

[meen_ana]

للرفع بنات وينكم طمنوني بليز

 

[Kaifaniya]

والله ما ادري .. بس انا قاعده احاول اسجل من اول ما فتح التسجيل و مو قادره مادري ليش!!!! انا مو اول مرة اسجل سجلت مرة و انقبلت في التربية و رفضتها و لا نزل اسمي مرة ثانية و الحين بالسايت ما يصير !!! و انا جامعية !! و شلون طريقة التسجيل بالتلفون و جم الرقم الله يعافيكم ؟

 

[meen_ana]

كان خاطري افيدج بس الرقم تلقينه بالموقع الانه مضيعته