السلام عليكم ورحمة الله وبركاته
شلونكم بنات ..بغيت اسالكم وخاصه بوتمه
شرايكم بجنطة جيمي جو او ملبري ؟؟
انا مو بالكويت بأمريكا اذا تعرفون اسعارهم بالكويت بقارن
ملبري مالها محل اهنيه بس بالسايت وخايفه اطلب.. جيمي جو عندي وعاجبتني بس شرايكم انتم
وشكراااا
الاثنين انا احبهم وخصوصا جيمي شو وايد راقيه ومحد هاب فيها
المولبري سعرها ارخص نوعا ما من جيمي شو
وللاسف ما اعرف الاسعار بالكويت
بس الجيمي شو اخذي اما ال saba او riki هذول الاكثر الي اشوفهم على البنات
بو تمبه
عيل انا ما تعجبني عروس السعوديه طريقه اغانيهم ورقصهم غير عنا
:bbbiu:
كله رقص خليجي واحد والاغاني وحده يغنون بنغالي وانا مادري ومرات نجيب طقاقات من عندهم موضي ووطختها ..:eh_s(10):على حسب العرس الي انتي رحتي له .. اصابعج مو سوا ..ولاتخافين ترى عندهم فطور في الصباح وقهوه عربي وامريكي وتركي والي تبين طبي وتخيري هههههههههههههه وفي كل عرس بعد مب مرات :eh_s(9):
شكل العرس الي رحتي له مو شي .. تعالي معاي عروسنا هناك ازبطج انا :eh_s(15):هههههههههههههههههههه
انا الي اشوفه عروسهم غير واذا انتي بدويه شوي بعض السعوديين فيهم من طريقه البدو عندنا
لان احنا الحضر ما انييب طقاقات يا دي جي ويكون مغني واحد مو المشكل
مثلا نختار اسماعيل كرم وتكون كل الاغاني اسماعيل كرم و يسوي لنا الردحه باسامينا بصوته ومو كل الحضر يسوون هالطريقه بس احنا جذي نحب شغلنا مرتب
او انييب مطربه فطومه والا اسما منور والا منى امارشا والا احلام سواء نص الحفله تدخل مع العروس او في ناس ايبونهم كل الحفله
ورقص السعودين مهما كانوا هاي هاي رقص السعودين غير بالكويت احنا الحضر هادي مو هز هز
ومادري ولا مره رحت عرس سعودي في ريوق اذا العشا الساعه 3 لووول
وبس بعد العشا يقدمون جاي اخضر وهالسوالف
بوتمباااااااااااااااااااااااا
انتي اول كويتيه تسب عروس السعوديه غريبااه
عروسهم ريلاكسسسس وكذا فنان وفنانه وبوفيه عشا وبوفيه ريوووق ( حظرت مره عرررس جايبين بياااانو ابي اروق !! خخخ )
وتروحين له على راحتج مو بالصالون اذا زحمه على اعصابج الساعه تسع يبدون يتجهزون لووول
واالرقص اشوفه واحد خليجيييي تمخطر وكم حركه باليد خخخ ض1
انا ما سبيتهم !!!
انا قلت طريقتهم ماتعجبني و مانفس ستايلنا وطريقه اهلنا =)
وادري ايبون مغنيين وجذي واحنا العرس الي رحناله كله ايبون مغنيين معروفين بس طريقه طق الطار عندهم غير
يعني مثال امس حطوا اغنيه دار الهوا
دار الهوا عندنا اغنيه سامريه اهما بالسعوديه مايعترفون بالسامري نفس طريقه البدو عندنا ولا مره رحت عرس بدو فيه سامري يا نقازي يا بداوي وهالشي عادي كل ناس وطريقهم
المهم اهما سووها نقازي !!
ومثلا احنا بعروسنا كله اغاني سامري و نقازي ما نحط بداوي الا اغنيه وحده عن خاطر الي يبي بداوي وعادي احنا طريقتنا جذي مافيها شي
وبوفيه عشا السعوديه مايعجبني لوول مو نفسنا احنا بالكويت كل ما لذ وطاب
مايبقى تفنتق ماينحط
بالسعوديه اهم شي العيش واللحم اوكي يحطون اشياء ثانيه بس الضروري عيش ولحم
وعلى قولتج تروحين على راحتج مادري احنا مو متعودين نقعد لول نمل
بس تعودنا على طريقه الكويت وانا عن نفسي اشوفها اهيا الصح
ما احب عرس يبدي 11 !!
