<miss botamba>
New member
قبل ساعه صار معاي موقف بط جبدي ..
كنت رايحه الجمعيه (السوبر ماركت) والي مايعرف نظام الجمعيات بالكويت احنا بالكويت يكون في مثل اشتراك معاهم كل ما اشتري احط رصيدي مال التسوق برقم صندوق و نهايه السنه حسب المبلغ الي شريت فيه بنسبه يعطوني ارباح
المهم
كنت طاله الصبح على اساس اروح الاداره مالت الجمعيه استلم الشيك مال ارباحي و اخواني و ماما
دخلت السلام السلام
عطيت الموظقه بطاقاتنا المدنيه
طبعا اول شي الغلط الي سوته كان يمها موظفه قاعده عالكرسي الي يمها تسولف
المفروض احتراما لي دام اهيا في مؤسسه محترمه تقومها و تقولي تفضلي
المهم تميت واقفه جان تقولي ماعندج ارقام الصناديق
قلتها لا بس اعرف رقمين وعطيتها جان اقولها انزين كتبي بالاسم يطلع قالتلي لاا ارقام عطيني
اتصلت على امي ماترد .. اتصلت على اختي عطتني رقم وباقي رقم
جان تقولي خلاص خلاص بس اكتب الاسم بالجهاز ويطلع
انا قالت لي جذي بققت عيوني وعطيتها نظره وبغيت اخذ الدباسه واهفها على ويها
عقب جان تقولي تفضلى !!
شعقبه !!
جان اقعد وانطرها مده جان تقوم من المكتب مثل بطئ السلحفاه وتدش مثل مخزن
نطرت بعد شوي جان اتييب معاها الاوراق و الشيكات
عاد شنو اهوا المكان غرفه فيها مكتبين واحد للموظفه وواحد للمديره
جان تقول للمديره ترا بطاقتها (الاثبات) مو كلهم اصلين بس واحد اصلي و الثلاث الباجي كوبي عاادي
قالت لها عادي وانا بس قاعده واشوفها متى تخلص علشان اخلص انا بعد واطلع
جان تقولي المديره وين حساباتهم
قلت لها شحساباته
جان تقولي ما انسلمج الا مع رقم حساب البنك !!
قلت لها انزين انا معاي اثباتهم و اثنين اخواني ونفس الاسم وامي !!
جان تقولي لااا الحين قانون لازم رقم الحساب مال البنك علشان المره اليايه ينزل على طول ما اتييون تستلمون الشيك
قلت لها زين انتي عطيني الشيك الحين ودقيقه ارجع البيت اطرش السايق مع رقم الحساب
جان تقولي لااا ما اعطيج
قلت لها زين بالله انا كيفي مابي افتح حساب بالبنك شلون السالفه غصب
جان تقولي لا الوزاره تلزمج !!
بغيت اقتلها بطت جبدي دقيقه واقولها يااا طوووووووووووووووط ماتعرفين من الاول تقولين لي معاج رقم الحساب والا لا تخليني انطر وانزرع واخرتها ما اخذ شي
جان انفس بويها واطلع
كنت رايحه الجمعيه (السوبر ماركت) والي مايعرف نظام الجمعيات بالكويت احنا بالكويت يكون في مثل اشتراك معاهم كل ما اشتري احط رصيدي مال التسوق برقم صندوق و نهايه السنه حسب المبلغ الي شريت فيه بنسبه يعطوني ارباح
المهم
كنت طاله الصبح على اساس اروح الاداره مالت الجمعيه استلم الشيك مال ارباحي و اخواني و ماما
دخلت السلام السلام
عطيت الموظقه بطاقاتنا المدنيه
طبعا اول شي الغلط الي سوته كان يمها موظفه قاعده عالكرسي الي يمها تسولف
المفروض احتراما لي دام اهيا في مؤسسه محترمه تقومها و تقولي تفضلي
المهم تميت واقفه جان تقولي ماعندج ارقام الصناديق
قلتها لا بس اعرف رقمين وعطيتها جان اقولها انزين كتبي بالاسم يطلع قالتلي لاا ارقام عطيني
اتصلت على امي ماترد .. اتصلت على اختي عطتني رقم وباقي رقم
جان تقولي خلاص خلاص بس اكتب الاسم بالجهاز ويطلع
انا قالت لي جذي بققت عيوني وعطيتها نظره وبغيت اخذ الدباسه واهفها على ويها
عقب جان تقولي تفضلى !!
شعقبه !!
جان اقعد وانطرها مده جان تقوم من المكتب مثل بطئ السلحفاه وتدش مثل مخزن
نطرت بعد شوي جان اتييب معاها الاوراق و الشيكات
عاد شنو اهوا المكان غرفه فيها مكتبين واحد للموظفه وواحد للمديره
جان تقول للمديره ترا بطاقتها (الاثبات) مو كلهم اصلين بس واحد اصلي و الثلاث الباجي كوبي عاادي
قالت لها عادي وانا بس قاعده واشوفها متى تخلص علشان اخلص انا بعد واطلع
جان تقولي المديره وين حساباتهم
قلت لها شحساباته
جان تقولي ما انسلمج الا مع رقم حساب البنك !!
قلت لها انزين انا معاي اثباتهم و اثنين اخواني ونفس الاسم وامي !!
جان تقولي لااا الحين قانون لازم رقم الحساب مال البنك علشان المره اليايه ينزل على طول ما اتييون تستلمون الشيك
قلت لها زين انتي عطيني الشيك الحين ودقيقه ارجع البيت اطرش السايق مع رقم الحساب
جان تقولي لااا ما اعطيج
قلت لها زين بالله انا كيفي مابي افتح حساب بالبنك شلون السالفه غصب
جان تقولي لا الوزاره تلزمج !!
بغيت اقتلها بطت جبدي دقيقه واقولها يااا طوووووووووووووووط ماتعرفين من الاول تقولين لي معاج رقم الحساب والا لا تخليني انطر وانزرع واخرتها ما اخذ شي
جان انفس بويها واطلع
