ديوانيــة المنتــدى .. سوالف و وناسه .. حياكم الله

[أحلى الجياكر]

شوفى ...زينه ...الموديل واحد بس ..و يصير أوردر ..يعنى ما يطيح بالجبد ....و الخياط ..أكو 2 فى بالى ....واحد عطيه موديل يصبه صبابه ,,,من غير تفصال (على ورق) ممكن يخوره

و الثانى مدحوه بس ما جربته ....حبيبتى ..تعالى شوى ..شفتى الموديلات بالسوق ..قص و لزق و منسل و مشقق و دانتيل و خامات مرقعة !!!! عدل ...يعنى حتى إذا مخرب الموديل كلفة هالصوب و إكسسوار هالصوب و نقزى

 

[زيـنـه]

جرح .. خوش شغل ما شاء الله .. تسلم ايدياتج

 

[أحلى الجياكر]

جرح ....ما سوتى الرابط ؟؟؟؟

 

[جرح الليالي]

عقب ما نزلت الصور سويته خيتووو


زيون الله يسلمج حبوبة

 

[زيـنـه]

احلاهم .. عندي جم موديل بس اتعب عليهم .. لاني اركز على الفينيشينق وايد ..على قولة امي زين ما يعصب عليج الخياط و يقط شغلج بويهج .

 

[أحلى الجياكر]

لوووول أبيه زينه هذا إالى ناقص

 

[زيـنـه]

احلاهم ..بس من كثر ماني دقيقه بالشي ..

انزين اشقلتي بالمشروع..؟

 

[أحلى الجياكر]

يلا ...على إيدج والله....إالى سوو و عرضوا مو أحسن منا ...
جم موديل عندج ؟؟؟أنا عندى بس حق الصيف ....حسافة ....بس إشتانا مو مال قمصلن ..تهقين ...

 

[زيـنـه]

ليش مو مال الشتا .. انتي لو تشوفين الخامات الشتويه بالبلوكات و تفصلين يصير احلى من الجاهز .. بس الخام الشتوي اغلى من الصيفي .. و الله الوحده ساعات تكون عندها افكار احلى من خماجير المعارض !

 

[al-3azeza]

ابيه يا احلاهم اختي سوت جذي بدت الحين فيه بالمدرسه نشفوا ريجها هالدعل تخيلي تتفق مثلا وياها ان سعر البدله مثلا اب 45 واهيا بالاساس مكلفتها 30 وتروح اختي وتشري الخامات وتركبلج هالموديلات اللي مشاءالله حلوين وتاخذ المقاسات اخر شي لمن اتيبهم اتقول حق اختي ايهبلون بس اتقولها اشدعوا عاد احنا رفيجات وترى كله من سوق الخامات وموجودين نزلي واختي الهبله اتبيعها لها اب 35 يعني ربحها 5 دنانير ما تسوى هدت اعيالها وركضتها بالسوقه والخياط ومن مكان لي مكان والافكار والتصميمي واخر شي اتقول سهل ؟؟؟ اي واللي ياب الفكره الحمدلله والشكر

 

[زيـنـه]

ام حمني .. هذه ضريبة التعامل .. و لو من اختج اخذ عربون على الاقل نص القيمه .. قيمة الخام و اللويه ..و اخلي هذا اساس تعاملي !

 

[أحلى الجياكر]

لا عاد أم حمنى ..خل تتقاطع وياهم أول ..و تاخذ عربون ..و تالى تقول :إحنا شراكة و متحاططين أنا و إختى ..و ما أقدر أنزل .. و بس ...لا يغلبونها...

زينة ....انا ليلحين ما رحت البلوكات ....بس شفت سوق دبى ...شوفى يوم الريوع أكو ببيت 23 معرض خنروح ناخد فكرة ....

 

[al-3azeza]

ونفس الهبله ليليحين اتسويلهم وتستحي منهم واتقولي دشي شراكه وياي اقولها ادش شراكه ماربح شي اذا بتقعدين تخصمين ومادري شتسوين ويطلع الربح 5 دنانير يعني انا 2.5 وانتي 2.5 ؟؟؟ والله قتلها شوفي البيوت اللي يعرضون يلوعون الجبد واقل شي تلقينه اب 60 والا 70

 

[زيـنـه]

ما رحت بيت 32 .. و لا احب اقلد افكار الناس .. ما ابوق
و البلوكات تشكيلتهم ارقى و احلى و اكثر .. المهم .. شرايج نفكر بالموضوع و ندرسه .. و معرضنا اذا الله احيانا للصيف الياي .. يعني انمخمخ عدل الشغل .. و نعرض على شهر 2 او 3 للصيف

 

[زيـنـه]

ام حمنى .. اختج تخسر و لا هي حاسه ! خل تغير سياستها .

 

[أحلى الجياكر]

صاجة والله ام حمنى ....خلى التعامل عليج إنتى ...خل تتطلع منها ...أكيد تستحى منهم

 

[أحلى الجياكر]

والله يبيله ..و المكان زاهب و بدون أيجار
بس تهقين على 2 و 3 الخامات الصيفية نازلة ؟؟؟

 

[زيـنـه]

اييييي .. اكيد نازله الخامات ..

 

[أحلى الجياكر]

و عندى ما شاء الله جمهور الحمدلله

 

[al-3azeza]

الله يوفقكم