ديوانيــة المنتــدى .. سوالف و وناسه .. حياكم الله

[مسك 3]

أبليسه شلونج وشلون النونو؟

 

[ebleeesah]

زيونه بيتنا مسيوم على 140 .. و ريلي لو شنو ما يبيع .. .. مستفيدين .. مأجرينه .. و انا ساكنه بشقه مع حمولتي .. و مدخلي منعزل و مومتضايجه .. بالعكس عيالي 24 ساعه تحت .. و ماني معتازه اطلع بيت الحين .. احس بضيع ان سكنت بيت دورين .. على الاقل انا عند حمولتي اكلي زاهب عيالي لاقيت اللي يستقبلهم 24 ساعه 7 ايام بالاسبوع .. باجر لي صرت بروحي بالبيت .. واي لا عيالي بيحطون دوبهم و دوبي يما وين رحتي وين بتروحين ووين ووين ووين

 

[al-3azeza]

هي هي هي وازينها الله يحفظها لج اشوه مديركم ما زفج لانج يايبتها

 

[طوق البنفسج]

السلام عليكم

اشلوونكم كلكم

الي يبون بيت الله يرزقكم من عنده ان شاء الله و صج الاسعار بينون

الشاليهات و اهي الشاليهات طايره اسعارها تخيلو اكو شاليه يمنا ببنيدر بايعينه بميليون و 200 دينار بالله ماتبون اسعار البيوت اتطير

 

[مسك 3]

بنات بيتنا بالمنقف مساحته 375متر
دورين و ربع
الدور الارضي صاله استقبال + غرفه + حمامين
الدور الاول 4 غرف + 3 حمامات + صاله
غرفه سايق
مطبخ خارجي
اللي تبي تشتري يالله ابيعه بـ240 الف ((مالي امل))0

واي شايفه بيوت بالروضه كبر بيتي بـ240 ايننون صغار و كيوت حق عوايل عنونه و مرتبين و نظامهم حلو. بس مصيبه اسعارهم صلخ

الله يبارك لج في بيتج وريلج وعيالج

 

[زيـنـه]

ابليسه صاجه .. و نطروا عليه اذا ناوين تبيعونه .. تو الناس .

 

[جرح الليالي]

شوفو انا اقول لكم

انا العام خذيت بيت في بيان طبعا حكمة ريلي ان بيان بوسط الديرة وان بيت اهله يمنا وهذا الاهم


خذينا بيت بقطعه 8 مجدد بس هم يحتاج لمسات داخلية وحوسة

قبل انا ما كنت افكر ببيوت الحكومة موووووولية بس بصراحة لما خذيتا ارتحت

واااي صج الاستقلالية حتى لو بخيمة

الحين اطلع ادش محد له شغل يتكلم حتى لو من باب بلاغة الشف يقول وين رايحة

والحمد لله بيت خذناه وفي بالنا تقزار ويمكن الله يفرجها ونتوسع تالي

كل شي حبه حبه

 

[al-3azeza]

اي صح ابليسه دام انهم مو ماذينج اشلج ابدحره اليهال كل اشوي ناتقنلج واحد متى بنطلع انتي ماطلعتينا

 

[زيـنـه]

طوق .. الشاليهات هذه بعد قصه ثانيه يبلها يوم ثاني هههه

 

[مسك 3]

هلا طواقه شلونج
اي والله الشاليهات حتى الخيران أسعارهم ألحين ضربت

 

[مسك 3]

جرح حبيبتي شلونج اليوم؟

 

[al-3azeza]

انا كانت هذي فكرتي جرح بس ريلي الاخ الفاضل يبي بالمناطق الداخليه قتله انا ام المناطق الداخليه ما تفلسفت المهم بيت وخلاص

 

[مسك 3]

بنات انا أستأذن
بروح أزهب أغراضي عندي دوره مغاوير باجر

 

[al7reyaa]

مسك

صج شوفي لي جدام وخلي علاقتج مع الحموله اوكي سيده بس رسميات ابرك لج
مو تاخذين شقه واتقلقصين ولدج لي بقا يتزوج لا تسوين لا ملجه لا وملجة الرياييل في بيتكم تخيلي الا انتي بشقه


زينه
اي والله الضيج ضيج القبر بس ما عليج الله يوسع عليج منازله


ام حمني
ييبي لج 70 التسليف
و80 من التمويل
واشتري لج قرقور بس اسمه بيت

ابليسه
لا تودينها دوامج الفهره ينظلونها

 

[زيـنـه]

جرح .. زين سويتوا .. ساعات ابونا يقول اخذ لج بيوت 400 متر في صباح السالم .. مثل كلامج على الاقل يم اهلنا و بالديره .. و على 130 و الا 140 الف .. و نزيد شوي و انسنع .. بس انا اقوله لا يبلنا ميزانيه ثانيه نعدل فيها .

 

[ebleeesah]

مادري اي عضو اقترح ان ينقلون الجي ون .. لي بر كاظمه ... لان المكان صار بين بيوت .. و السكان اولى من العسكريه ... نطروا باجر يسوونهم بيوت و يبيعونهم بالملايين .. و انتو تقصقصو و حتى بامبرز لا تشترون اشفيها الخرج .. حق عيالكم .. اهلكم ماضرهم يوم ربطو مكــ.....ـكم بالخرج .. و الحليب ردو على الرضاعه الطبيعيه .. و اشفيها اذا ما رحتو السوق وعشاكم و غداكم معدس و مموش و ريوقكم حليب و خبز ايراني .. ترا و الله تيمعون .. و اقول بنات .. بجذي راح تيمعون حق بيت المستقبل هالتقشف بس يدوم 15 سنه بس و ثم بحبحوها لما تشترون البيت و الله ولي التوفيق.

 

[طوق البنفسج]

اقولج يا زين الي الشاليهات الي بقلعه وادرين هذي اسعارهم اشلون البيوت و خاصه الي بالفيحا و الشاميه و السره و قرطبه طايرين فوق اقل مت 250 ماكو و تلقين المساحه يدوب

الله يرزقكم و يوسع عليكم الي تبون بيوت

 

[al7reyaa]

بنات فكروا اعيالكم الحين صغار وبيقصون منكم القسط 15 سنه ما يمدي قسط البيت يخلص الا اعيالج يبون سيايير وبتيمعين حق زواجهم ولا بتيمعين اتصلحين اليت 15 سنه اكيد اندثر لا واذا انتي اماجرته اكيد بتصبغينه واتغيرين الحمامات

بس انا اقول الله يعين والدعااااااااااااااااااااااااااااء الدعااااااااااااااااااااااااااااااااااااااااااااااااااااااااء

 

[New Mum]

ابليسه عساه منزل مبارك و سعسد و زين ما سويتي
الحريه صاجه انا ما افكر بالشقق كلش كافي اليران من كل مكان عماره كل من داش و طالع من يأمن
الله يسهل علينا و عليكم

 

[al-3azeza]

والله يا زينه البيت اللي يم حمولتي باعوه اب 105 كنت وقتها مو موظفه والا جان خذيته لان صج 400 بس اللي يصيرون بطن وظهر

خذا واحد من يرانهم هدمه وبنا المساحه كلها دورين ونص سوا 5 شقق والحين ماجر الشقه اب 250