ديوانيــة المنتــدى .. سوالف و وناسه .. حياكم الله

[رقي]

فلانه ليش ؟؟؟
شنو دوامج اللي يتحكم بلبسج

 

[al7reyaa]

انا لابسه جوتي رياضه امشي بالكليه ابرك ظهري شب علي واريولي واجتوفي

 

[LaSt WoMeN]

واي زينة من له خلق يداوم

حاطة 3 منبهات و اسكرهم و ارد انام غصصصصصب قعدت
واي باقي 3 ايام على يوم الاربعا الله​

يصبرنا

 

[زيـنـه]

الحريه زين ما تسوين ..

فلانه .. تشتغلين في بنك ؟

 

[رقي]

خخخخخخخخخخخخخ

فلانه 3 منبهات

الحمدلله علي كل حال

 

[LaSt WoMeN]

رقي .. محد راح يقول لي لا تلبسين عباة .. بس اهي العباة ما تصلح ..

مجال شغلي بالاعلام و العلاقات العامة​

 

[LaSt WoMeN]

اي رقي .. 3 والله و مو ملحقين يبيلي ساعة بيج بن ههههههههه

و وحدة حاطتها على الشفنيرة بعيدة عني علشان اقوم غصب ..

احيانا اخوي يقعد من صوتها و يقعدني ههههه هذا اذا كنت بحالة مزرية من فقر النوم ..

و اليوم سكرتها .. جان اطالع فراشي بنظرة شوق و حنين ..

جان اقول خأقعد عليه شوية اودعه ..

ها .. خلأ،سدح شوي .. بس اغمض دقيقة .. و بعدين ..

خوووووووووووووخششششش ..

و الا طق طق .. امي مقعدتني الساعة 7 متأخررة ​

 

[رقي]

واي معاناة

 

[al7reyaa]

فلانه عادي العباة اذا صارت ذربه اهيه وملفعها والله اكشخ من التبدل كل يوم اخذي لج 5 اعبي ولافعهم ولبسي كل يوم وحده وعليج بالعافيه

 

[رقي]

انا مع الحريه

وزياده عليهم ستر

 

[al7reyaa]

اييييييييييييي بس مو تلطخين مكياج كفايه كحل علشان لا تروح هيبة العباة

 

[زيـنـه]

وينكم لا حس و لا خبر ؟

 

[LaSt WoMeN]

الحرية .. والله اذا شفت شي يصلح باخذ لي ان شاء الله
انا برمضان لبست عباة جم مرة استانست ..

انزين ابي عباة فيها قصات وين القى ؟
المشعل زين ؟؟​

 

[al7reyaa]

فلانه اذا لبستي عباة حق الدوام بتصيرين مليارديره
لانج ما تشترين خرابيط حق الدوام تصير بس عباة وملفه وجنطه وجوتي ويزاج الله خير ساعه وخاتم ونزااااااااكه

 

[زيـنـه]

الحريه .. بداية طريق المليون .. لبس العباة
بس ترى هم العبي مو رخيصه الطقم من 50 و طالع و على حسب .. حتى العبي فيها ماركات وخامات و موديلات .

 

[al7reyaa]

اكو عبايات الشهد بالخالديه بداية من 50 بس حلوييييييين ونازكين ورا بيت السعدون اييب لج عنوانهم بالضبط

اكو حناين بالنقره الشمالي

اكو في ليليى جاليري تحت بالسرداب

 

[LaSt WoMeN]

الحرية ..
لا شنلطخ من الصبح من له خلق ..

رقي ..
وفوق الستر اختصار للوقت ههههه يصير عندي 10 دقايق زيادة انام فيهم

زينة :

انا كااااني كاااني قاعدة ابمكاني ..

امنياتي :

شسالفة الهدوم ؟؟​

 

[al7reyaa]

زينه انا اتمنى اني افتك والبس عباة بس هم حرام هدومي وايد ومتى اكرفهم ساعات اقول حق الدوام بس انا اخاف ان ريلي يجللللللللللللب فيها ويقولي ما تقطينها خليني على بنطروناتي والله الهادي

 

[رقي]

شتقولين بتفلسين
الشهد عبيها الزينه تبدي من 70
وعباية نجد غايله موت
بس تبين شي اتوايهين فيه جدام الناس

انا ماعندي عباة ب50 كله فوق

 

[زيـنـه]

الحريه .. مشكله هالريايل .. بس على قولتج متى تنكرف الهدوم هاللي ترس الكبت و خاصه لا وصلتي مرحله ما تقدرين توزعين ؟