http://www.q8yat.net/showthread.php?t=9548
احلى الجياكر
بس هذي طريقتي القديمه
طريقتي اليديده
الدياي قسليه وقصصيه ولا تفوحينه لالالا
وبدال الكريمه الحمرا والجبن حطي قيمر وخلاص
تزهبي حق الغيله والتبربس
يعني تحمسين البصل والجزر والثوم والزنجبيل عن الزفره والفلفل الاخضر ومكعب ماجي عدل عدل وتالي حطي الدياي وحمسيه لين ينضى حطي القيمر والاتش بي فروتي والاتش بي الاسود والكتشب وحطي نص قلاص ماي وخلطيه
عندج لهانه بنفسجيه قصصي 3 ورقات شرايح وغسليهم وفوحيهم بنفس الكميه اللي بتكتينها على العيش
شخلي الماي وخشيه
وتالي كتيه على العيش عادي جنج مسويه عيش مشخول
لونه مقارب للنيون
احلى الجياكر
تدرين تعالي انا اسويه لج وتعالي مريه لان ماعندي سايق
وماعوني الله يعافيج لا تردينه خالي لالا سويلي فيه شي بس علميني قبل علشان لا اطبخ ( مو تزعلين ... اللي بقلبي على لساني وهذي طريقتي مع رفيجاتي )لان بنتكل على غداكم وبس زين مو زين حار بارد المهم ما اسوي شي
