ديوانيــة المنتــدى .. سوالف و وناسه .. حياكم الله

[رقي]

شدعوه الحريه
الحين حق امج وخالج لج خلق
حق حمولتج مالج خلق
ياحافظ

 

[LaSt WoMeN]

السلااااام عليكم و رحمة الله و بركاته

شلوونكم كلكم ..

أحلاهم , نيوموم , رقي , توفي , الحرية

من زمااان مادشيت الديوانية .. شخبااركم ..

 

[al7reyaa]

نيو مام
حياج الله والله لاهين بهالدنيا

رقي
في بيت اهلي خواتي يساعدوني
في بيت خالي كل من يساعد مو بويه احد كل من يساهم ويخف الشغل
في بيت حمولتي انا بويههي من طأطأ لي سلامو عليكو وخلاص سويت ذاك اليوم قريش حمواتي العزيزات وحده يابت بس بيبسي وسفن اب ووحده ايد ورا وايد جدام الله يعافي امي وخواتي وخالاتي ومرت خالي كل من ياب معاه ماعونين

 

[رقي]

بخير فلانه انتي شخبارج

 

[al7reyaa]

هلا والله فلانه
شخبارج انشالله تمام


يالله بنات شنو اسوي اليوم حق فطوري للعلم محد يجيسه الا انا ماياكلون من اكلي خخخخخخ احسن عاد قمت انزل ماهون كبر الاستكانه قد بطني وبطن ريل ي

 

[LaSt WoMeN]

الحمدلله الله يسلمج رقي ..

كالعادة دايخة و مو شبعانة النوم ..

الله يرحم ايام قبل لما كنت انام 10-12 ساعة والحين اذا نمت 6 ساعات يعتبر انجاز

 

[keeka]

صباحوووو شلونكم انا لما الحين ما تحركت ولا طلعت من البيت ولا شريت شي كلش مافيني طاقه الله يعيينا على زحمة السوق وانا بسرعه ادوخ

 

[LaSt WoMeN]

هلااا والله الحرية

تبين مقبلات ؟ أشياء خفيفة .. و الا دسمة ؟

 

[LaSt WoMeN]

هلا فيج كيكة ..

روحي ايام الاسبوع عقب التراويح على طول أو قبل الفطور راح تنصدمين ان ماكو احد ..

 

[al7reyaa]

انا اتحالف مع اللي تقول اذا نامت 6 ساعات يعتبر انجاز انا عيل اكت نون

 

[al7reyaa]

فلانه
ابي شي انا اكله لان اكلهم يسبح دهن وكيلوين ابهارات
يمكن اسوي شوربة بصل
تبوله
شنو بعد ؟؟

كيكه
روحي الحين استأذني
وله صبر صبر انتي شنو تبين بالضبط انا اقولج انا توني مخلصه
بس باجي لي هدوم الخدم

 

[al7reyaa]

كيكه اذا بتطلعين عقب الفطور طلعي من البيت 7.15 الشوارع خاليه بس من تصير 8 الا ربع مووت ما يمشي الشارع

 

[رقي]

الله يعينج فلانه

 

[keeka]

مو يا الحريه انا مشكلتي مشكله قبل الفطور ماقدر امشي وبعد الفطور ماقدر اتحرك مادري شسوي الدوخه ذابحتني مع انا اخذ الفيتامينات بس ماكو فايده ونساتي جايده حيل الله يعيين
شوفي يا طويل العمر انا ابي حق صبياني هدوم كشكه وطبعا ابي حقي مادري القا لبس حوامل ولا اخذ لبس عادي بس قياس كبير شوي

 

[أحلى الجياكر]

السلام عليكم ..فلانه ..كيكة ..نيو مم...شخباركم ...ولهت عليكم
الحريه .... أنا القرقيعان بس حق المدرسة...راحت أيام التوزيعات ...و الهدوم بس حق يوم واحد ...فما أختب ...انا حالتى حالة مع التدريس بنتى تكتب معكوس ..وايد خايفه عليها عسى ما فيها شى ..والثانى طاير قلبه مع التلفزيون و م بى سى 3 ....و عندنا إمتحان السبت علوم مو عارفه أدرسه ..بنات شسوى ؟؟؟

 

[رقي]

الله يعينج
ليش ماتيبين مدرس وتفتكين

 

[al7reyaa]

كيكه
الله يعينج
روحي سيده مجمع مريم عندهم خوش سوالف حق الصبيان لا تروحين مكان ثاني
حقج اخذي وسيع شوي وله موديل قصات وسيع

احلى الجياكر
بنتج خليها تكتب واااايد
اسمها واسمج واسم ابوها وكل اسامي العايله
وجم عمرها جان دخلتيها القاعده الحلبيه ولا النورانيه يعلمون اللغه العربيه
واذا على الام بي سي 3 لالا احنة اصغر اسبيستون
درسيهم كل واحد ساااعه وخلاص اذا اهمه ابتدائي الواجبات ساعه والتحضير شوي شوي

 

[keeka]

سوري الحريه باذيج وياي بس مجمع مريم شنو المحلات اللي فيه وحقي وين اروح

 

[al7reyaa]

كيكه
بنيتون منزل قمصان جمومها طوال وفيهم نقشه بالظهر ولبسيهم جينزات وفكي روحج
جيس اللي بمجمع مريم خوووووش خرابيط
زارا منزل قمصان مبكره حطي تحتهم تي شيرتات وبنطرونات وفكي روحج الولد يلوع الجبد ما اتحلين عليه


يا ويييييييييلي فشششششششششششششششله دقيت على شيخ بستفسر وانحرججججت ومت من الحر والعرق اول مره اكلم ريال جذي يا وييييييييييللللللللللللللللللللليييييييييييييييييييييي

اول امس نزل علي شويه دم وامس نظيفه ماكو شي واليوم بعد هم نظيفه انا فطرت امس واليوم
الريال يقول لالا صومي لين تشوفين دم اسود

واااااااااي حر احراج اشوه ماشاف ويهي

 

[LaSt WoMeN]

احلاهم هلا والله حبيبتي ..

شيلي الريسيفر .. و عطيهم ياه اذا خلصوا دراسة .. قبل امي كانت تسوي
جذي مع اخواني

و كافئيه اذا ياب لج درجات سنعة أو وصليه السما .. و لو تشوفين تحسن بمستواه الدراسي حتى لو ما كان التحسن اللي انتي تبينه مدحي فيه .. قولي اييي هذا ولدي البطل ..

و خلي ابوه يشجعه و يمدحه ترى غيــــر اذا ابووه مدحه يتشقق ولدج ..

و كله كلميه عن مستقبله الوظيفي اذا درس عدل يصير دكتور و يشتري السيارة اللي يبيها و يسافر المكان اللي يبيه و يشتري له بانشي و حصان

يعني السوالف اللي تهمه اهو ..

اما بنتج توها عنونة و متدودهه .. علميها كلمة كلمة .. على مهلج خلتستوعب شي علشان تعطينها شي ثاني .. و أيضا شجعيها و لميها لما تسوي شي صح ..