رد : ديوانيــة المنتــدى .. سوالف و وناسه .. حياكم الله
صباح الاااااااااااااااااااااش
يعني لاتتكلمون
لي الحين ماني قادره اتكللم
ويهي مورم يابنات
بعد راس مالي جمالي (عشتو) الجسم وخربان
والحين مورم جني حاشيه خدي قطن ، عرفت شعور راشد الماجد
وماقدر اتكلم وايد يالله اتكلم
ولي ييت اسجد احس بالم بخدي وجنه في كره تتحرك
والانذال الاوباش دكاتره الاسنان محد راضي يستقبلني
اروح مركز جنوب السشره يقولولي الدكتور شاف 20 حاله مايبي يشوف احد ثاني هلاحجي عقب اذان المغرب سيدا
يعني طول اليوم حظرته شنو ناوي يسوي؟
يطق سوالف ويا النيرس او يدش شات
خو دشي كويت 25 تلقين الدكاتره والمهندسين والمناصب الهمجات بالبترول داشين شات
وان ييتيهم سوو عمرهم اقتصاد الدوله واقف علي ايدهم
ورحت اليرموك (هالمركز اللي ابرك لهم يشيلونه يقعد المريض نص ساعه عند الطبيب واهو فيه انفلونزا والا خدامه صبعها يعورها وقاعده ثلاث ارباع ساعه واحنا لي دخلنا 5 دقايق وبنفس شيييييييينه)مره نطروني دوري ساعه ليش؟ الدكتوره تتكلم بالتلفون ويوم دخلت عليها عصب والا تصرخ علي وتبهدلني وتسوي سوالف
ويلوووومونا ليش نروح خاص
بس المشكله الحين الخاص صار جنه الاميري طوووووووارئ وجدامج 8 الي 10
اشوا ان لامواساه في مكان اليهال يلعبون
وفيه ستار بكس
المهم
رحت اليرموك والا الطبيب يرفض رفضا باتا يشوف بشر
وطرشوني الصقر
جان اروح الصقر ([شوف اخرتها)
والا من عند الباب الكاتبه تاشرلي تبين اسنان ؟
قلت لها شدراج ؟؟؟؟ جان تقولي من قياس الورمه اللي بخدج
وتمسك الورقه بتكتب معلوماتي جان اقول جنوب السره ابد انقلبت من ام ثانيه وحمل وديع الي غول
ماااااااااانبي جنوب السرررررررررررررررره (]مكن فينا طاعون) مانستقبلكم (مو بمستوا الجمال المطلوب) لا لا مايصير عندكم مركز روحي مركزكم يالله يالله
يعني انطردت شر طرده وبالمؤثرات الصوتيه وحسيت احساس الطفيلي
ويمر رئيس المركز وتناديه الكاتبه
وتشرحله الموضوع الني كائن طفيلي ياي من جنوب السه اللي عنده مركز عالمي يتحدث عنه الشرق الاوسط وهديتالعز مالنا ويايه ااذي المساكين بعشتهم واناجر الفقير علي موته اليمعه
جان يقولي يبا روحي مركزكم انتي شيايبج عندنا
قلت له رحت وطردني الدكتور وطرشني اليرموك واليرموك طردوني وقالي روحي حق مركز الطوارئ بالعاصمه اللي اهو انتو
جان يضحك ويقولي شفتي سوء الفهم بنتي
مو احنا مركز الطواررررررررررررئ روحي الاميري
جان اقول انا ليش قاعده اناجر؟؟؟
وخذيت عمري ومشيت والله دمعتي بعيني انا قعدت افكر لو اني واحد شايش ع ليه العصب وبيموت من الالم وسوو فيه كل هالاشياء؟ جان شيصير فيه
ويلومونا ليش نروح خاص
طلعت محطمه الخطوات تسبقني عبرتي
جان يدق رييلي وقلت له السالفه وانا ابجي من الحره من طريقه المعامله الجميله قالي شننو بتسوين ؟ قلت له لو رخت الاميري بيطلبون بصمه ريل وزير الصحه مابي اروح حكومه وقعدت اعيييييييييييط واعيييييييييييييط وماني معالجه ضرووووووووووووسي خل يطيحون واحد واحد ( جنه بقا فيهم شي يسوا يطيح) واعند واهو يقنعني واروح بيت اهلي واحط ريل علي ريل واطلب شاي واخذ صنيه الحلو الهمدها كلها (ماكو ضروس ازرط زراط)
واهم من كثر ماكان شكلي لاين كنج محد يحاجيني
وتاليتها دق علي ريلي راح شرا ماجله البيت كلها والايدام وداق يقولي امشي اشتريلج النظاره الشمسيه الللي تبينها
وحطلي موعد عند دكتور ممتاز بالعاصمه (علي قوله ربعه) بعد شوي
والله يستر
