ديوانيــة المنتــدى .. سوالف و وناسه .. حياكم الله

[فروحة توحة]

رد : ديوانيــة المنتــدى .. سوالف و وناسه .. حياكم الله

تسلمون يا بنات
للنصيحة

وخلاص شلت سالفة الحبوب من راسي
واشوا اني استشرتكم

الحمدلله الحين ارتحت

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

دايما فروحة استخيري ربج بهالأمور احسنلج من استشارة اي شخص ثاني.

 

[فروحة توحة]

رد : ديوانيــة المنتــدى .. سوالف و وناسه .. حياكم الله

اي والله صح رقيقة بس والوقت مضايقني
وانا بالدوام ولازم اطلع واستلمهم

بس الحمدلله ربي هداني

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

كيكه روحي السوق مبجر

من تطلعين من الدوام على طول


ترى مو زحمه

الا ما في مواقف

و لا في مكان تمشين فيه

من كثر الزحمه

ديري بالج

 

[keeka]

رد : ديوانيــة المنتــدى .. سوالف و وناسه .. حياكم الله

شسوي والله ما كو وقت ويمكن اطلع من الدوام اليوم الساعه اربع من كثر الشغل

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

سيم هير كيكهب
س شكلي رايحه رايحه اليوم سوق السالميه ياولد الحجيه
بروح اشتريلي بجامات
نسيت اشتري بجامات مادري شنام فيه هناك؟؟
ماعندي جم طويل وطويل
كل اللي عندي ماينفعشي


وبروح اشوف جواتي لبناتي اكو بعد شوو بوكس اهناك
وادمز
والدو
وكل حاجه
بروح اجرب حظي

 

[roro]

رد : ديوانيــة المنتــدى .. سوالف و وناسه .. حياكم الله



افا ياذا العلم ولا احد سأل عني وانا اسأل عنكم ما عدا بعد قلبي ورفيقة دربي ؟ رفرف ؟

الله يسامحكم صج انكم بم بم

 

[رفرف]

رد : ديوانيــة المنتــدى .. سوالف و وناسه .. حياكم الله

قوه بنات شلونكم ؟؟؟

روروووووووووووووووووووووووووو شلونج ؟

بنات حرام عليكم دلعو بنيتنا رورو تراها بغربه ...
اذا انتو ماتدلعونها منو يدلعها ؟؟؟


اتصدقون من الفراغه امدهنه شعري وشعر بنتي وحاطة ماسك روب وخميرة وماي ورد ابويهي ....
لحد يسألني شيسوي لأني مادري ...
لقيت الروب منتهيه صلاحيته قلت لا والبته ويهي اولى فيه قمت وخلطت معاه اللي شفته بالمطبخ ...
عاد شلونه مادري لا تسألوني بس اتصدقون امطلعه الروب من الثلاجة بااااااارد ( هوه احنا نائصين؟؟)
ايه ونسيت اقولكم رحت نيكست شريت خرابيط حق بنتي بس الصراحة سيلهم مو مثل كل مرة والناس مطيرين الأكو والماكو وزحممممممممممممممممممممممممممممممممة ...

 

[keeka]

رد : ديوانيــة المنتــدى .. سوالف و وناسه .. حياكم الله

صباح الخير .. الله ايسر درب حجاجنا اللي راحو والله يتقبل منهم
والله يا رورو على البال والخاطر افا عليتش كنتي امس على بالي ولهيت بالدوام وما قدرت ادرش المنتدى ما عليه سامحينا باجي
والباجي اشلونكم جميعا فروحه رفرف رقيقه زوزو جوريه نفيشه وينها ما شفناها كم يوم

 

[حبيبة حمني]

رد : ديوانيــة المنتــدى .. سوالف و وناسه .. حياكم الله

صبااااااااااااااح الخير
شريت لي بدله العيد وخلصت الدراعه بس ناقصه الكماليات لهم
وقصيت شعري بجاك وصبغته يعني متجهزة للعيد لانه اول عيد اكون مع زوجي الحبيب
وانتو شنو سويتو ا خلصتو او لا؟؟

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

السلام عليكم
بنات و لهت عليكم

بس اليوم جنكم ناقصين


شخباركم


رورو شخبارج شنو سويتي حق العيد و اشلون الجو عندكم
للحين برد

رفرف عاد علمينا شنو صار مع الماسك
عسى النتايج جيده

كيكيه ها بشرينا رحتى السوق و لا لا
خلصتي حق العيد؟؟؟؟

حبيبه حمني اشلونج عاد اتصدقين انا مشتهيه اصبغ شعري
بس ما عندي وقت
مادري متى اروح شوقتيني

باجى البنات وينكم

 

[keeka]

رد : ديوانيــة المنتــدى .. سوالف و وناسه .. حياكم الله

اي والله يا زوزو رحت وعنيكي ما تشوف الا النور اطلعت عيني على ما خلصت زهقت والله ركبت شي على شي وطلع شي
رحت مارينا عسى ما كو مارينا واي زحمه مو طبيعيه خذيت من Promod تنورتين وما لقيت لهم توب وفترييت لما طاحت ريلي ورديت البيت وطلعت مره ثانيه قلت حق ريلي ودني الكوت
والله اهون من مارينا والحمدلله لقيت لكل تنوره توب وخلصنا ورحت فوق و شريت لفه مره وحده
وخلصنا الحمدلله ... يمكن اليوم اروح الصالون اول بعدين بروح اشتري دشاديش حق عيالي من محل الزي الشعبي يا مشرف او بيان جاهزين
زين سويتي حبيبة حمني التغيير حلو عليج بالعافيه

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

عليج بالعافيه كيكه
زين تسوين

افتكيتي

عاد الحين روحي الصالون و تسنعي

وكل عام و انتي بخير

 

[فروحة توحة]

رد : ديوانيــة المنتــدى .. سوالف و وناسه .. حياكم الله

السلام عليكم

بنات اللي راحو الحج الله يوفقهم ويوصلون بالسلامة وان شالله سهاله

بنات اللي ما حجو اشلونكم شخباركم
الحمدلله كلكم خلصتو بس انا ما ادري وين اروح
وتبون الصراحة مالي خلق هالعيد ما ادري ليش
جني بفج كشتي وبلبس دراعة ام دينار ونص واقعد خخخخخ

رورو ازيك يا بنت

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

هلا و الله فروحه

لا يبى لا تتهورين

روحى و تعوذي من ابليس

و اشتريلج شي حلو حق العيد

ترى السوق مليان

بس يبيله تركيز

الله يعينج

 

[فروحة توحة]

رد : ديوانيــة المنتــدى .. سوالف و وناسه .. حياكم الله

ههههههههههههه
زوزو

انا بعد شوي بطلع ان شالله بس عسى ما يمنعوني

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

لا فروحه ان شاء الله ما يمنعونج

اذا احد قالج شي

قولي عزيزة قالت لي

و اهما راح يمشون على طووووول

 

[فروحة توحة]

رد : ديوانيــة المنتــدى .. سوالف و وناسه .. حياكم الله

هههههههههههههه

الله يحفظج يا زوزو

على طول هااااااااااااااا

 

[فروحة توحة]

رد : ديوانيــة المنتــدى .. سوالف و وناسه .. حياكم الله

امس رحت بيضون علشان بشتري زري على قولت يدتي حق عيالي
وشفت عندهم ماركة جديدة

وقعدت اتعبت واشوف الالوان ولا تدرين شنو صار

اندلق الماعون مال الزري

وافشيلتاة
واللي تبيع ودها تصفعني خخخخخخخخخخخخ

تقولي لا لا معلش والنار تقدح من عينها

كله بسبت عيالي صج اليهال مو مال سوق

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

السلام عليكم جميعا

شمسوين وشمخربطين هههههههه ؟ اللي ملطخة ويهها واللي شعرها واللي جسمها ، عاد آنا جني ادري يوم السبت رحت الصالون وحفيت شواربي وشلت شيرة وسويت بديكير وافتكيت، مع اني كنت اقول شفيني مبجرة ! اثار زين سويت الحين كل مكان زجمة

رحت امس نكست واي شنو هالعالم ماشءالله، بس الحلو فيه كل شي 50% خصم ، وشريت خرابيط حق بنيتي ورديت البيت، وشكلي بعد شوي بزوغ واروح مذركير وبي اتش اس ادور شغلات ثانية ، ابي جوتي وهلاهوب وشباصات حق العيد.

وشنو بعد ياربي كنت بقول شي ونسيت ، يمكن بعد شوي اتذكر ..