ديوانيــة المنتــدى .. سوالف و وناسه .. حياكم الله

[فروحة توحة]

مشاركة: ديوانيــة المنتــدى .. سوالف و وناسه .. حياكم الله

اذا انتي يالحريه على قولتج ماشيه وبحالج وضعفانة وموديه ولدج عيل على سالفتي شتقولين وانا حامل بالثامن وحالتي حاله ويالله امشي لاحقني واحد وغصب غصب يبي يتعرف ويبي يتلزق واخاف اسوي له يعربجني واطيح على ويهي ولا يطق بطني حسبي الله عليهم اللي ما يخافون من الله وايد

 

[فروحة توحة]

مشاركة: ديوانيــة المنتــدى .. سوالف و وناسه .. حياكم الله

لا تقولين كوين صج عاد

 

[فروحة توحة]

مشاركة: ديوانيــة المنتــدى .. سوالف و وناسه .. حياكم الله

روحي كلميهم حسبي الله عليهم ليش
لا تخلينهم واذا مالج خلق صكيها اجازة حرقيهم

 

[Dancing^Queen]

مشاركة: ديوانيــة المنتــدى .. سوالف و وناسه .. حياكم الله

اي زالله يافروحه كاني قاعده بالبارتشن واللي مايشتري يتفرج وكل كم يمر ويشتمت سمع يالتلعيقات عاد
ها شمقعدج اهني وضعج مؤقت والا علي طول؟
ابيه ماكنت ادري ان الشماته وايد
ولا كله بكوم واللي يطوفون بالممرات وخزهم كوم ثاني ودهم يطلون بكمبيوتري يشوفون شنو قاعده اسوي
وانا ماودي اتكلم ان بطلت حلجي بطقها بجوه من القهر

 

[فروحة توحة]

مشاركة: ديوانيــة المنتــدى .. سوالف و وناسه .. حياكم الله

اسم الله عليج يا كوين امرج لله والله دعيتلج ما تدرين وين الخيرة لج

اذكري الله وان شالله مؤقت قعدتج بالبارتشن

 

[Dancing^Queen]

مشاركة: ديوانيــة المنتــدى .. سوالف و وناسه .. حياكم الله

انا كل حرتي من ريلي اللي كل شغله واسطاااااااااااااااااااااااات واول وحده حقرها مرته
شفو وحده متزوجه واحد كل شغله انه يتوسط حق الناس وان مرته بغت شي حقرها او حطلها احد طمبو طين واسطته مثل ويهه وجوده زي ئلته
حسبي الله ونعم الوكيل بس
اجازه خاشتها حق المستقبل
والحين الاستئذانات والمرضيات مانقدر ناخذهم اللي مايحبونه يخصمونهم من راتبه وانا عارفه مقدار حبهم لي فماجازف فيهم مضطره اني اجابل ويوهم واسمع تعليقاتهم واحقر





حريه
هالاشكال الجوتي يربيهم

 

[زيـنـه]

مشاركة: ديوانيــة المنتــدى .. سوالف و وناسه .. حياكم الله

كوين .. مبروك المكتب اليديد .. و عسى الشغل يخف على البارتيشن .

 

[فروحة توحة]

مشاركة: ديوانيــة المنتــدى .. سوالف و وناسه .. حياكم الله

شتسوين يا قلبي ويا عووووووووووووومري والله انتي يا كوين قدرج انج ارتبطتي في انسان شقردي

وكلي امرج لله وتتعدل ان شالله
وان شالله ريلج ما راح يرضى اذا عرف

 

[زيـنـه]

مشاركة: ديوانيــة المنتــدى .. سوالف و وناسه .. حياكم الله

هونيها يا كوين .. و تذكري رويشد و بو اصيل لما قالوا مافي احد مرتاح

 

[omneyaty]

مشاركة: ديوانيــة المنتــدى .. سوالف و وناسه .. حياكم الله

كوين الله يعينج والمصيبه تبدي كبيره وسبحان الله مع الايام تصير صغيره


انا حاسه فيج لان يوم من الايام المدير استغنى عني وبدلني بوحده كانت مشخلعه فلله الحمد الموقف

كان من صالحي لاني اكتسبت احترام الجميع وهو وياها كلوها من الحجي وعسى ان تكرهوا شيئا وهو خير لكم



وبعدين راجعى نفسج شوفي اذا انتي مقصره بداومج لسانج طويل عليهم ترى ما يحبون جذيه


حاولي تبدين من جديد دوري وين السبب وعالجيه

 

[زيـنـه]

مشاركة: ديوانيــة المنتــدى .. سوالف و وناسه .. حياكم الله

انا ادافع عن طبجتي كوين .. كوين مو نوعها ام لسان طويل ..و كله تسوي اشغالها و محترمه الناس ..بس القانون قانون ..و الله يعين .

امنياتي الحمدلله على كل حال و انج طلعتي بالزينه

 

[Dancing^Queen]

مشاركة: ديوانيــة المنتــدى .. سوالف و وناسه .. حياكم الله

زينه تتطنزييين علي شنو تباركيلي عليه
علي الهم اللي انا فبيه
الله يسامحج ياطبجتي
والله مشاعري انجرحت من النقله هذي وكل مايه احد يباركلي حنه سابني لان تغيير لاسوأ

 

[omneyaty]

مشاركة: ديوانيــة المنتــدى .. سوالف و وناسه .. حياكم الله

زينه شوي شوي انا ما قلت كوين لسانها طويل بس احيانا لمل تكونين بموقف يحر ويزعل تختلف


ردود افعال الناس فناس من حرتهم يعصبون ويطلعون كل االلي بقلبهم فتعتبر في مجال العمل طوالة لسان


لانج ما تقبلتي الامر بسعة صدر فهني تكونين خسرتي لكن لما اتقبل الامر واقلبه عليهم بطولة بال يكون


هني فن التعامل صدقيني

 

[Dancing^Queen]

مشاركة: ديوانيــة المنتــدى .. سوالف و وناسه .. حياكم الله

زينه مشكوره اوي اوي اوي علي الدفاع عني هذا لاعشم ياطبجتي ماتقصرين



امنياتي
صباح الخير
وعلي انا والدوام انا من نومنه اذا حروني رحت سكرت مكتبي وحقرت ولاكلم احد
عمري ماتهاوشت والا ارتفع صوتي علي احد
حتا لما واحد قل ادبه بمعني قل ادبه علي حقرته ومشيت وقلت حق مديري هالانسان قليل ادب مابي اشتغل وياه

 

[omneyaty]

مشاركة: ديوانيــة المنتــدى .. سوالف و وناسه .. حياكم الله

كوين انا ما عرفج بس صج احتريت عليج كان كلامي اني انبهج واعينج مو مجرد كلمات تنكتب


بس لما قريت رد طبجتج ضاق خلقي لاني انفهمت غلط على العموم المؤمن مبتلي واحتسبي الاجر


الله وياج

 

[فروحة توحة]

مشاركة: ديوانيــة المنتــدى .. سوالف و وناسه .. حياكم الله

يا بعد قلبي يا كوين هدي نفسج وزباله الدوام حشاج
لا تحترين على اشكال وسخة

 

[jolie_q8]

مشاركة: ديوانيــة المنتــدى .. سوالف و وناسه .. حياكم الله

السلام عليكم

بنات

جنه الوضع متأزم

ازمه وتعدي كوين !! اشتدي يا ازمه تنفرجي

رفعي تظلم !

 

[Dancing^Queen]

مشاركة: ديوانيــة المنتــدى .. سوالف و وناسه .. حياكم الله

مايدور عندنا تظلم اللي يرفع تظلم جنه يقول تعالو ظلموني زود وزود وطقوني بنعل ان قدرتو



امنياتي
انا احب اشكرج علي النصايح وانا ادري انه القصد كان مصلحتي وشكرا


زينه
رحتي بعد ياطبجتي وين



مخليني اباترشن
اتصدقون انا بالسابع اسمع الرياييل يضحكون بالثالث

 

[كويتية أمورة]

مشاركة: ديوانيــة المنتــدى .. سوالف و وناسه .. حياكم الله

الموووووورنينغ الجيد يالربع

والله ضاق خلقي اول مادخلت ولا اشوف موضوع عزا خال نفيشة ورفرف وسندريلا
الله يرحمه ويغفرله
مسكين ارتاح تعب من المرض وعليه
انا خبري فيه يوم بيودونه المطار بيسافر يعالج ولايردونه الجلاب عليه مخالفه مرورية 15 دينار وماكو مكتب مرور بالمطار عشان يدفع فردوه وهو مريض لين يدفع ال 15 حسبي الله عليهم صج قوانين خره

 

[فروحة توحة]

مشاركة: ديوانيــة المنتــدى .. سوالف و وناسه .. حياكم الله

حيالله امورة

امورة اهو الله يرحمة كبير بالعمر