ديوانيــة المنتــدى .. سوالف و وناسه .. حياكم الله

[& ياملحي كيوووت &]

مسااااااااااء النور

 

[رقي]

مساء النور ياملحي كيوت

ام بدور انا احب كل انواع الاكل
بس السوشي ماحبه كلش

 

[αlωαяdн]

السلام عليكم

شلووونكم؟؟ شخبااااركم؟؟

>> بس داشه وتسلم اليوم

 

[& ياملحي كيوووت &]

صباح الورد كالعاده الديوانيه مافيها احد

 

[LaSt WoMeN]

يا ملحي كيووووت

لا مو كالعادة كااني كاااني .. هااا منو قعد مكاني طوول هالمدة ترى المكان اللي بالنص تحت الدريشة مااالي لحد ياخذه

جاندرااا وين الدراابيل < شخبااري جاندرا ههههههه الحين كله اليزابيث و لورين و جاكلين عشتووو لاا و درابيل بعد عيل وين الدونت و الكرواسون شفيني اليوم داثرة هههه بس لا لا اللي ماله أول ماله تالي < امبيييه صايرة عيوز اكلم روحي يا حسرتي تعالوا قعدوا معاي لا أشغل الرادو الأدعم ههههههه

 

[& ياملحي كيوووت &]

لا لا ابشرج للحين فيه جاندرا يعني اسم مخضرم عندهم يعني زي حصه ومنيره وهيا وسبيكه ولولوه للحين موجودين ويييييييه ماخليت اسم ماعديته
المهم شلونج فلانه شخبارج صباحج عسل وقشطه مع خبز حاااااااار وييييييه يعت

 

[& ياملحي كيوووت &]

قلاته ويييييييييينج رحتي وخليتيني ترى قلبي متروسه ابي اسولف

 

[& ياملحي كيوووت &]

قلانه = فلانه بدليه عوووووووده
العتب على النظر

 

[أحلى الجياكر]

السلام عليكم و الرحمة ,,
شلونكم بنات عساكم بخير ...
ولدى الكبير زلق على السلم و تكرفس من أوله لى أخره و رضة شكبرها على ظهره بعد قلبى ....بجا بجى ..أول مرة بحياتى أسمعه ..راح نص عمرى

 

[أحلى الجياكر]

الحرية ..أستانس لما أسمع سوالف التجديد ...الله يهنيج

 

[& ياملحي كيوووت &]

يووووووووووووووه مايشوف شر ولدج يااحلى الجياكر والله كسر خاطري الله يعينج بس لازم تودينه المستشفى وياخذون لظهره اشعه تتطمنين بس
وماتشوفون شر

 

[أحلى الجياكر]

يا ملحى يا كيوتى ..الشر ما يجيج حبيبتى ...

 

[mrmr mrmora]

السلام عليكم

أحلى سلامته ولدج وديتيه الطبيب؟
مايشوف شر إن شاء الله
إنتي شلون نفسيتج الحين؟

كيووت وفلانه شلونكم؟ شخباركم؟

 

[mrmr mrmora]

دقت ساعتي 12 وثلث

مع السلامه

 

[أحلى الجياكر]

هلا مرمر..شلونج حبيبتى ..الشر ما يجيج ...
وداه أبوه ..الحمدلله ..رضة ..بس قوية شوى ..الله فكه بعد عمرى

الله معاج ..تصبحين على خير

 

[New Mum]

المورنينج الجيد

 

[New Mum]

وي وي بعد قلبي مايشوف شر ولدج احلاهم

شلونه عساه اشوه ؟؟؟

 

[دلوش]

؟؟ منو الي مريض بس هم مايشوف شر

 

[LaSt WoMeN]

يا ملحي كيوت .. وينج امس نطرت نطرت نطرت جان انطر بعد و ارد انطر
جان ما تدشين جان افكر جان اقوول .. خلأنطر بعد .. جان انطر و انطر بعد جان ما دشيتي جان اطلع جان انتي تدشين < مو جنه اسكت احسن لي هههه
عاد صج صايرين ميري و جاندرا مسرع ما طيحنا الميانة خخخخ

 

[LaSt WoMeN]

احلااااهم واااي زاغ قلبي !!!
وديتيه المستشفى ؟؟
اسم الله عليه .. الله حفظه ..