ديوانيــة المنتــدى .. سوالف و وناسه .. حياكم الله

[al7reyaa]

اليوم بوديهم حولي بارك مواعده بنت خالتي

ولازم اسنع الجنطه الحين باجر معزومين و اليمعه الله يعيننا ورانا درب
من الكويت لي الرياض جم ساعه ؟؟اذا طريج السالمي

 

[أحلى الجياكر]

انا إالى اعرفه : من الكويت للخبر حوالى 4 ساعات مع الحدود و جم وقفة سريعة .

الحرية ..الصراحة مو وقته حولى بارك !!!!!!!!!!!!
خلصى شغلج أهم ...
تبين شغلة حلوة ؟؟
أنا شريت لهم بورتبل دى فى دى ...و جنطته تتعلق بالكرسى الورانى ..و أحط لهم بارنى و يطخون والله فكه

 

[زيـنـه]

احلاهم .. واااااي هم كابه النفاس و هم بوشنيتر !
انزين اشلون انخففه .. كاسره خاطري الخادمه اكثر من ولدي ..الله كريم

الحريه .. سنعي شغلج و لاحقه على حولي بارك .. مري الجمعيه و الا مركز سلطان تلقطي الاشياء ملوت السفر .. و زهبي ايس بوكس حطي فيه ماي ببيبسي و حليب كاكاو للعيال ..و شوي خيار و طماط مقصص بتبر وير ..و جيس توست و جبن سلايس .. و شوي شبس و شوي كاكاو للدرب .. و مطارتكم حطي فيها ماي و يبي معاج تي باق لا اشتيهيتوا جاي و جم كوب فلين .
و لليهال .. شوي العاب من بو ميه .. بيستانسون ..و فكره ال ميني دي في دي بلاير زينه .

 

[زيـنـه]

كوين .. يعني اشتري زوفراكس للخدامه .. البيبي سالت الصيدلاني قال صغير و قوي عليه .

 

[سياسية]

السلام عليكم


شلونكم بنات


اول مره امر موضوع الديوانيه و حبيت اسلم

 

[أحلى الجياكر]

زينه مادرى عن التخفيف والله
انا كنت شابة ضو من الاساس ..فكل شى ساح على بعضو ...

 

[زيـنـه]

احلاهم .. الحمدلله ازمه و عدت .

 

[Dancing^Queen]

حريه تروحين وتردين بالسلامه انشاءالله ولاتنكدين علي عمرج ولاعليه علشان يسفركم كل سنه ياموعده كله منشكحه اساريج وابتسمي وانشاءالله تستانسون واخذي تلوين الوان غيم بوي

 

[أحلى الجياكر]

زينه
لو تشوفين الشيخ احمد فقيييييييييييييييير جسمه ليلحين مبقع
ياله و أهو بو 20 يوم !!!!!!!!!!!!!!
يقولون الياهل خفيف !! أى خفيف !!! جسمه و فخوذه جنه أحد مطفى سجاير فيه و ليلحين !!!
الأخوان الكبار ياهم ثالث دفعه ..الحمدلله ..ولا نقطة بينت فيهم ..مع انه هذول كنت خايفة منهم ..كونهم يفهمون و يمكن يحكون الحبوب

 

[al7reyaa]

اعيالي ما يعرفون لا قيم بوي ولا غيره يعرفون يتهاوشون بس

 

[أحلى الجياكر]

علميهم الحريه ..كل شى بالتعلوم
لا تقولين ما و ما ..صيرى شويى ديكتاتورية ..هذول صبيان الله يحفظهم ..كسرى شوكتهم

 

[al7reyaa]

احلاهم انتي كاتبه انج شاريه ديفيدي حق السياره من وين وبجم؟؟؟

 

[al7reyaa]

مساكين انتي شفتي العود خوااااااااااااااااف حده
المهم خل اخلص شغلي دقي علي بردتج ولا كيفج؟

 

[زيـنـه]

احلاهم ... لا تقولين .. العود نص ويهه ماكله الجدري .. لا يكون ما يروح .. انا قالوا لي اذا اليلد مستوي و بس لون البقع .. اللون يروح ..بس اذا اليلد مو مستوي ومحفور بيظل على طول !

الحريه .. المفروض يلعبون مع بعض عيالج .. علميهم المشاركهه اسم الله عليهم حليوين .

كوين .. شنو اسم دوا الشكسن بوكس اللي بمركز سلطان .. يمكن اقز هناك اليوم .

 

[al7reyaa]

اسم الله عليهم ربع بس لازم يتهاوشون

ابي اعرف الديفيدي مال السياره من وين ماخذته وبجم لقيت لج مشاركه بموضوع ثاني تقولين انتي شاريته من وين عفيه ماعندي وقت واهم شي بجم

 

[al7reyaa]

احلاهم ردي علي

 

[al7reyaa]

وي وينكم محد موجود انا افتر بالمنتدى واسنع الجنطه واكتب وادور اي خربوطه تنفعني عن الطايف

 

[GAP]

الله يعينج الحريه...

 

[al7reyaa]

gap

اي والله قاعده اشوف حالة الطقس
واسنع الجنطه
وريلي مصر نروح شاليه باجر علبو خواله وحده فراغه الحين بروح الجمعيه يالله بيباي

 

[فراولة^فوشيا]

مساكم الله بالخير

شنو اليوم عشان ويك اند مافي احد

انا ويك اندي باجر
يالله سولفوا معاي