ديوانيــة المنتــدى .. سوالف و وناسه .. حياكم الله

[Loora]

يوووووؤؤؤؤؤؤؤؤؤؤ

>>> الجورية الحمراء

منين يانى لورا ؟؟
الظاهر بنتى مسجلة هالنك

>>> حبيت أوضح

الجورية الحمراء ؟؟
عسى عرفتونى؟

 

[فراولة^فوشيا]

مرموووره يا قلبي ما تقصرين
الحين حجزت اول شي فندق شيراتون هيثرو عشان ببنزل ننام ليله بفندق المطار ابوي مايقدر يواصل سحبه وحده طيران

لوووورا شلوونج يا حلوو اسمج

 

[رقي]

هلو لورا

 

[رقي]

فرفر بتنزلون لندن
اذا ماعندكم فيزا
ماتطلعون من المطار

 

[mrmr mrmora]

هلا الجوريه شلونج؟ وأنا أقول لورا منو تخرعت

قاعده أحاول أتذكر

 

[رقي]

لورا اهيا الجوريه

 

[فراولة^فوشيا]

لا والله رقي مو خووش خبريه بس اكيد مو طايفه على ابوي

انزين احنا العام رحنا لندن ما ينفع فيزت العام

امبيه جنه خرعتيني خل أسإله

 

[فراولة^فوشيا]

لا الحمدلله والشكر اشوه اني ما رحت سألت مادري شفيني حاشني غباء خخخخخخخخخ

صج احنا بنروح لندن بالروحه بس ننزل بالمطار وبالرده بنقعد جم يوم

 

[رقي]

اشوة
زين انج تطمنتي
شكثر سفرتكم

 

[mrmr mrmora]

أمي بلندن الحين

تقول مطر قوي عندهم

المستشفى إللي خالي يراجع فيه طافح من المطر

عاد انا أقول لها اشوه إحنا مطرنا وقف اليوم

الحين ماشاء الله مطرررررررر قوي جنج فاتحه الشور وحاطه مضخه ماي عشان تقويه

 

[رقي]

ماشالله
احنا لواهيب
امس رحت البنك شويه
كنت بطير
من الهوا والساعه ست درجه الحراره شي واربعين

 

[فراولة^فوشيا]

اقل من شهر

وااي مرمووره الله يعينكم ويعين اللي بلندن

عاد انا طفارتي مطر بالسفر احسه يبهذل ومانستانس بالطلعه مادري شلون

 

[رقي]

وانا بلندن مكه قبلتن لي

فرفر

اذا بنروحين لندن هاردوز منزل كياس يديده
لذر حق ريوقج بالدوام

 

[فراولة^فوشيا]

طافكم اليوم قاعده الصبح متأخر حق الدوام

صليت الفير ورديت نمت عاد راحت علي نومه

المهم ييت الخدامه قعدتني متأخر جان اقوووم وماااوديي ما شبعت نووم
جان اقوول شحقه اروح الدوام صج احنا باجر بنسافر خل ادق عليهم اقولهم اجازه لووووووووووول

امبيه الحمدلله والشكر احلام اليقظه بعدين جان استوعب

 

[فراولة^فوشيا]

الله امووت على هارودز العام فندقنا كان حده عجيب

باب يودي على هارودز وباب على هارفي نكلس

 

[رقي]

الله احلا محلين

تدرين بالرياض في هارفي نيكلز

وهني نوب

شفت وحده مصممه مادري شصلها ريلها كويتي
اتسوي ملابس سهره ودراريع وقفاطين واتبيعهم بهارفي نكلز
اللي بالرياض
ويابت لنه نمونه
بس ده من سنتين تقريبا

 

[mrmr mrmora]

حتى أنا نفسج

أحس إنه المطر يخرب علي الطلعه

 

[رقي]

انا احب المطر
بس الرذاذ
مو القوي اللي يخرع

 

[أحلى الجياكر]

السلام عليكم بنات ..شلونكم ,,

رقى ..شلونج اليوم عسى أحسن
مرمورا ..شلونج و شلون اليهال
فراولة ..الله يعينكم على السفر
صايرة أكره شى إسمه طيارة و سفر

 

[GAP]

ونااااسه ..بنااات انا ييت >>> من معبرج اصلا هههههه

ديوانيتكم شكلها ونيس بس ماني قاريه كل الصفحات وايد ههههه

عطوني هيدلاين شنسوي هني علشان اطب معاكم ... وترا اعجبكم كلشي في قرقه وهذره عند ويهكم هههههه