ديوانيــة المنتــدى .. سوالف و وناسه .. حياكم الله

[أحلى الجياكر]

هلالالالالالالالا مسوك .. شلونج ...لج وحشة مو طبيعية يلا خلصى و جابلينا


رقى ...عسى على دوووووم

مرمورا ...ها لقيتى المسلسل ؟ ترا يبيعونه بالأمازون و بالكويت السى دى على دينار

 

[أحلى الجياكر]

رقى ..شكرا على الإهداء .. شطارى عليج ؟؟

 

[New Mum]

المورنينيغ الجيد

 

[زيـنـه]

صباحكم خير يا وجوه الخير

 

[أحلى الجياكر]

أهلا و سهلا ..نيو مم و زينه ...شلونكم

 

[New Mum]

اسعدتم صباحا كيف حالكم جميعاً

 

[al7reyaa]

السلام عليكم
اشلونكم
انشالله بخير

 

[al7reyaa]

انا كل يوم احن بسافر
اشرايكم في بومبي .... او .. سيريلانكا ... او .. ماليزيا

 

[al7reyaa]

ما ادري وين اروح وريلي يلبح الا اعيالي معاي وانا عادي عندي بس طعا اذا انا بروحي ابرك مليونين مره

 

[زيـنـه]

اهلا اهلا

احلاهم .. شمقدج اليوم و اهو اجازتج يا بونياتي ؟
و عاشت الكاميرا ام 6 صور .. شوقتيني اصور

نيو مام .. مالاخبار يا فتاة ؟

الحريه ..احنا بخير دامج بخير .. و على السفر انا احن اكثر منج بس ادري ماكو سفره هالصيفيه ..و الله كريم
كل الوجهات حلوه .

 

[زيـنـه]

الوجهات اللي قلتي عنها ما تنفع حق يهال الا اللهم ماليزيا ليش فيها وناسات بس جوها رطب .
و الا بومبي مو مال يهال .. و سريلانكا اعرف وده راحت لها مع عيالها بس عيالها شوي اكبر من عيالج تقول استانسوا ..بس الديره راحه و استجمام منتجعات ووناسه مو للسوق .

 

[زيـنـه]

وينكم ؟

 

[al7reyaa]

ماكو الا انا

 

[al7reyaa]

زينه
انا مابقى مكان ما قلت عنه
برايتون
الهند
سيلان
ماليزيا
المانيا
اسبانيا
مصر
اخرتها ابها
والحبيب حاقرني امس عصب علي قال سكتي جنج ياهل ماتدرين وين بتروحين
وبالليل قال واحد من الربع يمدح سيلان وسوقها قلت له ما اصدق بس انا اسال شنو مستوى رفيجك يبين اذا اهوه زايغ على سيلان جان يقول اهوه اقل من العادي طبعا خلاص عرفنا السالفه

المهم انا بسافر ابي يختمون على جوازي قميضه اجازتي 60 يوم خل اسافر فيهم

 

[زيـنـه]

و الله قلت لج ..بس اتوقع ماليزيا اونس لكم و لعيالج .. رديت على موضوعج بالسياحه .. بس عيبها الرطوبه .

 

[mrmr mrmora]

السلام عليكم

شلونكم؟ شخباركم؟

أحلى لقيت المسلسل بس ناطره أرجع قواعدي عشان أشوف الريرنز بالتلفزيون وبشوف أي وقت يحطونه

الحريه رفيجتي كانت رايحه سيلان مع زوجها مدحولها السوق بعد يقولون مصانع المحلات البريطانيه هناك وحتى فكتوريا سيكرت عندهم
بس ماستانست ولالقت شي يسوى

ماليزيا حلوه بس قالت لج زينه رطوبه

وصج إذا إجازتج طويله حرام تروح عليج

 

[رقي]

سلام بنات

سبحان اللي يغير ولا يتغير

امس المود فوق النخل

اليوم المود تحت التراب

سويت سونار قالت لي مافي نبض
والمشيمه نازله وانا الحين بالرابع

ادعولي ربعي

نراكم علي خير

 

[New Mum]

رقى الله يكتبلج اللي الخير والصالح

 

[New Mum]

صباح الخير

 

[أحلى الجياكر]

صباح الوردات الحمر
شلونكم يأحلى بنات ....

زيون أمس إالى قعدنى حالة الإستنفار الله لا يوريكم..بنتى من الصبح تستفرغ و إنتو بكرامة ..من جذيه طارت النومة ....

و يوم صار المسيان صارت أشوى الحمدلله ..عاد كنا معزومين على ميلاد ولد صديقتى و تنكرية و عفسة و أحلى الجياكر شارية اللبس و مختبة و يوم وصلنا المكان و قاعدة أدور مصفط و يقوم الشيخ أحمد و يستفرغ هو أيضا جان أقوم و أرد البيت ...لا عيد ميلاد و لا بطيخ ...و كان الله غفورا رحيما .


مرمورا ...أشوى لقيتيه عفية على الشاطرة إالى تسمع الكلام ...


الحرية ...شوفى حبيبتى ...حطى فى بالج شى واحد ...السفر مع اليهال ..تعب جسمانى و هلاك ..بس راحة بال إنهم حواليج ..و تغيييييير من قلب ..قولى شلون ؟؟ بيكونون 24 ساعة جدامكم ..لا خدم تشيل و تحط و لا شى ..و تقوى الروابط بينهم و بين الابو ...و إذا رديتو بالسلامة ..زرقى 3 أيام دبى هيصى مع الابو إذا ذيج الساعة فيج حيل

رقى ...بعد قلبى إنتى مالج إلا العافية إن شاء الله ...و السونار مالج شغل فيه ...و المشيمة النازلة يبيلها راحة حبيبتى ...الله يثبته يا رب و لا يخيب التعب ...

نيو مم ..حبيبتى شلونج
أمس إختى تسولف على ..خدامة ولدها سافرت إجازة شهرين على بو بترد ..و دقت قالت مانى ياية فقيرة جنتها لومية معصورة ويها .. حايسة مع وليدها بو سنه و كسور ..أشوا إنها توها متخرجة و قاعدة بالبيت و لا جان علوم ..عاد طريتى على ...بس الحمدلله ..ربى يلطف بعباده ..لو إنتو أهل دوام جان شسويتو ا ؟؟