ديوانيــة المنتــدى .. سوالف و وناسه .. حياكم الله

[زيـنـه]

هلا غاب هلا كراميلاه

 

[جرح الليالي]

قوووووووووووووووووووة


شلووووووونكم وشخباااااركم

 

[mrmr mrmora]

شلونكم؟

أنا الحمد الله بخير وحمودي لي الحين يغار من مساعد ومايبيه

 

[دمعة يراع]

السلام عليكم

شلونكم بنات ...؟؟

اتمنى تقبلوني انا اختكم وهج .. عمري 22 سنه .. خريجه وانتظر الوظيفه:tomato2:

احب المنتدى كتير كتير .. هو منتداي المفضل مع منتدى بدايه التابع لقناة بدايه

ان شاء الله يكون بينا تواصل

بس مو مبين عندي اذا في احد متواجد ولا لأ ..:eh_s(4):

شاكره لكم .. ​

 

[CaRaMeLaH]

صبااااااااااح الخييييييييييييييييييييير
اليوم يايه الدوام عيوني متفخه من كثر ماشبعت نوم
وإدعولي ماكو زحمه بالطريج وأنا رايحه البيت <------------------ بسم الله مامداج تفكرين بالطلعة من الدوام

 

[زيـنـه]

صباح الخير و التاخير

شلونكم ؟

 

[فراولة^فوشيا]

صباحكم الصباحيي

زيونه شلونج وين بقية اعضاء الدوانيه غياب

نيو وكوينه وينهم

واي مابغى ايي الخميس جنه شطوله هالاسبوع

 

[New Mum]

مرموره الله يعنكم فتره وتعدي اهم شي خلي عينج عليه اليهال ما ينغفل عنهم
اليوم بنتي بغت توقف قلبي اشوف امي تحط قطره بعينها قومي واخذي عود التنقش توها يايه بتقز عينها جان اركض صرت سوبر ومن وايييييييييييييييييييييييييييييييييييييي خبصتني خبصتني !!!
فوشيا متابعينج بالتقرير ونستينا الله يونسج بالعافيه
وعلى هالاسبوع صج ماطولني ماطولني

زينه شلونج و ابله كوكو وينج

 

[GAP]

صباح الخير على الكل ...مجتمعين عند النبي ان شاء الله

مرموره الله يعينج من الغيره ... ترا كلهم جذي بالبدايه وبعدين يتغير الوضع ... الله يعين


جرح الليالي ... شلونج وشخبارج... وشنو غداكم اليوم لووول


وهج الكويت .. حبيبتي هذا المنتدى صار له جم يوم جذي ما عليه المهم اهلا وسهلا فيج بينا وان شاء الله تحصلين ذيج الوظيفه المفصله تفصيل على مزاجج


كراميلا .... هههههههه عادي بيوم الخميس كلنا نفكر جذي ... وين تشتغلين ؟؟؟

زينه الغاليه.... هلا فيج جنج حاسه فيني اليوم متاخره 30 دقيقه ترا ترا ترا...ههههه


فراوله ... شلونج يا قلبي وشخبارج؟؟؟؟.... حسبوني بموضوع السفره انا لحقتكم بالعربيه ههههههه... وصاجه هالاسبوع مليييييق ... وهابي بيرذداي ... انا ادري ان عيد ميلادج عقبي بس ما ادري بجم... اذا مبجر جنج ما قريتي واذا متاخر سامحينا على القصور

نيو مام... وي وي وي اشوه انج لحقتي عليها ... الله ستر والحمدالله



شنو مخططاتكم بالويكند؟؟؟

 

[فراولة^فوشيا]

غااابييييييي يا قلبي انتي واي وناسه احد مذكر عيد ميلادي ببجي
ايي انشالله الأربعا الياي
وانتي هابي بيرثدي بعد العمر كله وانشالله تكون هالسنه سنة خير عليييج يارب

اييييه حاسبتج من امس ويانا لوووووول اللي مالحق خل يلحق ترى بنختمها اليوم :d

نيوووو سا فا؟؟ ايي والله هاليهال ماينغفل عنهم اسم الله عليهم الله حافظهم والله

شبتسووون اليوم
مشتهيه نفيييش بس ماكو فيلم سنع

 

[زيـنـه]

مام .. اشوه صرتي سوبر وومن ..و الله عداها الشر يا حب اليهال للتقليد !

غاب .. تاخير نص ساعه .. انا ساعه و نص !!

فراوله .. انا زينه .. و صج عيد ميلادج ؟؟ لازم نسوي لج بيرثداي و نصوره

 

[al7reyaa]

السلام عليكم
اشلونكم

 

[GAP]

فراوله ..ايي يبيله عيد ميلاد... وعقبال المليون سنه مقدما


زينه ... لوووول الله يعين... بس تبين الصراحه الجو زوغه مال ماكو دوام بكبره

بالنسبه حق هالويكند بيكون فراره بالسوق ادور لي لبس شتوي + نواقص بدلتي حق عرس اخوي ان شاء الله

و شعري يلوع الجبد احتمال اروح اقصه و اصبغه لان الصبغه القديمه بدت تنزل وانا ماحب شكلي جذي نص نص بس مادري وين للحين... يعني تقدرين تقولين بيكون بلنسبه لي تكلمه النواقص

وفراوله شكله هذا مال روبن وليمايز حلو اذا كان للحين معروض... انا خبري بالسينما فيلم نيكول كيدمان التعيس وعقبه ما رحت

 

[GAP]

اهلا بالحريه شلونج وشخبارك

 

[زيـنـه]

الحريه اهلا و سهلا ..شلونج ؟ من زمان عنج ؟

غاب انا اليوم معزومه على عرس .. و باجر و عقبه ماكو خطط خبرج مو من النوع اللي نخطط حق شي !

 

[al7reyaa]

انا باجر عندي استقبال ولاده وملجه

 

[CaRaMeLaH]

كراميلا .... هههههههه عادي بيوم الخميس كلنا نفكر جذي ... وين تشتغلين ؟؟؟

توني أشوفج كان عندي شغل وعلى ما طقيت فره بالمنتدى
أشتغل بوزارة العدل
دوامي من 7:30 لما ثنتين إلا ربع
وبصمه ماكو إلا أقص صبعي وأحطه بالدوام
عشان أنام الصبح على راحتي وااي بالذمة ماودكم طول السنة إجازه أدري طماعه بس من تزوجت وأنا مابي أداوم​

 

[New Mum]

happy birthdayfoshia sorry 7ade mo mestw3eba

 

[Dancing^Queen]

hi
رحبايا الربع

 

[زيـنـه]

اهلا كوين

اهلا و سهلا يافندم