ديوانيــة المنتــدى .. سوالف و وناسه .. حياكم الله

[مسك 3]

بصراحه فيني طرب
كان اسمي ......كان اسمي سامي ......... كله كتابي جدامي ...... ما أرتاح بأيامي ........ بين اوراقي وأقلامي كان اسمي ساميييييي

 

[أم بدير]

واااي الله يغربل ابليسج مرمر انا من الفكره غورقت عيوني وانا أقرا الكلمة
بس الله الحافظ ولازم يتعلم الحين واهو صغير وحبيبي يستانس مع اليهال ولا قعدته هني

خخخخخخخخخخخخخ لسش انا عادي عندي الفيرست داي إن سكول؟
وبالعكس كله فرحانه ابي اليوم يطوّل؟
لوووووووووووووووول

شلونج مسك وشخبارج حبيبتي؟

 

[مسك 3]

هلا حبيبتي ام بدير شلونج
ما ادري هالعاطفه الجياشه لأنه اول بيبي والا لأني باجازه دراسيه اتوقع اذا بالداوم مالي خلق اصير حساسه

 

[mrmr mrmora]

وي مسوكه أمس ماصدق وصل الصف عطاني ظهره وحقرني بحبه مالقاني ويه

مستانس بالمدرسه

بس صفه كله بنات
3 صبيان و9 بنات
قلت احسن عشان يتعلم شلون يتعامل معاهم

 

[mrmr mrmora]

مسوكه صاجه رقي ماأدري وينها فاقدتها

طرشت لها رساله خاصه وسألت عنها بدوانيه الحوامل

محد يدري عنها؟

ماتشبك ماسنجر؟

 

[مسك 3]

لا ما تشبك مرمر

 

[مسك 3]

يحليله الله يحفظه وليدج مرمر انا ذاك اليوم لما رحنا كان الوضع عادي عنده بس لأن ما كان فيه يهال غيره ما يندرى اذا شافهم شيسوي
وعلى ما قلتي يتعود على البنات معنهم بهالعمر كلهم نفس الشي الا نتفه الدفاشه تكون أكثر عند بعض الأولاد

 

[مسك 3]

ما قلت لكم آخر ابداعاتي الصبغيه صبغت شعري بني غامج وخلاص صار شكلي بالمتوسط لأن بنات الانويه ألحين عادي يصبغون
وبريحه جم شهر تالي بعلمه ان الشقار شر لابد منه

 

[مسك 3]

<<<<< يابت المبخر وبخرت الدوانية
وقاعده تدرس على المسند السدو خخخخخخ
لا تشاغلوني بتثقف <<<<< حاطه هالشعار يمي

 

[أم بدير]

مرمورا انتي متخفيه؟؟

مسك بضيفج ايميلج عندي وبوريج الشغلات اللي عندي بالمسنجر بس مو الحين لأني موصوب الكاميرا اولا
وموبايلي مادري ليش مو عارفه ادز منه صور على لابتوبي
مايبين عندي انه موجود بالبلوتوث مع ان باللابتوب يبين ان موبايلي موجود مبطله البلوتوث
وبعدين حدي لاهيه قاعده اصبغ طوفه بداري نموذج وكنت ناويه ان صارت حلوه اكمل الباجي لكن اكتشفت ان نوعية الصبغه كلش معقده وصعبه وتتعب فماراح اكمل باجي الدار وبخلي الطوفه بروحها غير
خخخخخخخخخخخخ

 

[al_gardenia]

مرمر الله يعينج لا انتي كلش مايبيلج حركه قعدي ريحي على ما يصير موعد ولادتج
انا والله هالسنه تعبت اكثر من السنه الي طافت في تجهيز ارمضان مع ان على راحتي بس احس بثقل مو طبيعي
واليهال اليوم اول يوم داومو مدارس ارتحت شوي وبنتي الي عمرها 3 سنين مو راضين السفاره يدفعون لها حق الحضانه وتكاليفها وايد مانقدرلها
وقاعده بالبيت معا اخوها الصغير وتعالي شوفي الشطانه طلعوا عيني
الله يعين مادري اذا ولدت شنو الوضع الي راح يصير
وانا اصلا خايفه من ولادتهم قاعده افكر اروح الكويت اولد وارد

 

[mrmr mrmora]

السلام عليكم

اي أم بدير متخفيه

مسوكه مبروك النيو لوك

الغاردينيا السنه إللي فاتت إحنا كنا ندفع حق حضانه ولدي وهالسنه يوم كمل 4 سنوات السفاره دفعوله

عيالج الكبار بالمدرسه صح؟
شلون بتخلينهم بلندن؟

 

[al7reyaa]

السلام عليكم اشلونكم

مرمورا
الله يحبب ولدي بالمدرسه

 

[mrmr mrmora]

إن شاء الله يالحريه

بس راح فتره ويتعود بعدين

أي مدرسه دخلتيه؟

 

[مسك 3]

salam

 

[mrmr mrmora]

وعليكم السلام

هلا مسوكه

 

[al_gardenia]

مرمر اي عيالي الكبار بالمدرسه الكبير كي جي 2 والثانيه كي جي 1
والصغيره تضغط عليها عشان تتعلم اتروح الحمام وانتي بكرامه وشكلي بضغظ على نفسي وادخلها اريح لي

ووقت ولادتي راح اتصادف كريسميس وراح انكون اجازه قاعده افكر مادري يطوفوني بالمطار ولا عشان اخر شهر مايطوفوني مادري

 

[mrmr mrmora]

الغاردينيا الله يخليهم ويحفظهم ويسهل عليج وتيبين البيبي بتمامه

وما أعتقد يطوفونج وبعدين الرحله طويله 6 ساعات إذا مو أكثر وتعب عليج مو زين

وتخيلي تجيج الولاده بالطياره

إذا بتولدين بالكويت لازم ترجعين الحين

إذا ولدتي ببريطانيا البيبي ياخذ الجنسيه البريطانيه نفس أمريكا وله لأ؟

 

[mrmr mrmora]

حمودي طول الليل يكحكح وخشمه مسكر ماأدري منتشل من المدرسه وله لأنه سبح بحمام السباحه أمس

ياكرهم عيالي يطبون بالحوض بعدين يطلعون يلعبون بالترمبلين ويردون يسبحون

أكيد بينتشلون

 

[al_gardenia]

مرمر صح كلامج ماراح يطوفوني يمكن
لا ماقدر ارد الحين بس يقول ريلي ما اعتقد يعطون البيبي الجنسيه قوانينهم تغيرت مدري عنهم
انتي اشلون متاقلمه مع وضع الحمال واليهال انا حاسه اني وايد تعبانه ومو ملحقه على شي اكثر الشغل متعطل مادري شسوي الله يتمم عليج الصحه والعافيه ويسهل عليج يارب