ديوانيــة المنتــدى .. سوالف و وناسه .. حياكم الله

[mrmr mrmora]

السلام عليكم

شلونكم كلكم؟

 

[زهور الجمان]

السلام عليكم ورحمة الله وبركاته

 

[mrmr mrmora]

عسى ماشر شفيكم؟
إنزين مو إتفقنا كل وحده اتقول شسوت بيومها؟

أنا ببدا اليوم

سليمان وحمني بدو مدرسه

البيت كان صخخخخخخه من غير شر

بس حمودي كان يحن ولهان على إخوانه

 

[mrmr mrmora]

كل شوي يقول خل نروح ناخذهم من المدرسه لين صارت الساعه وحده ونص جان يخدر وينام

قعدته الساعه 2 وربع عشان انروح ناخذهم

 

[mrmr mrmora]

خذيتهم وتغدوا

وفجيت جناطهم حمني مستانس إنه ماعنده واجب لي الأسبوع الجاي لما إجتماع الأبله مع أولياء الامور عشان تشرح طريقه التدريس

سليمان أبلتهم عطتهم إملاء وكتبو عن اسرتهم تعبير
والواجب لسته كلمات يكتبها مرتين باليوم ويوم الجمعه تمليهم
وتدريب 6 دقايق شفوي جمع وناقص لين تعرف مستوى الصف وينتقلون للي الضرب
وقرائه قصه لمده 20 دقيقه

 

[mrmr mrmora]

وبعد شنوووو

إي الحين قاعدين يحنون يبون يسبحون بحمام السباحه بس أنا ناطره تخف الشمس شوي

عقب السباحه أكيد بيدوخون ويتعشون بينامون

 

[mrmr mrmora]

وبعد

اليوم إحترقت إلا شوي والسبه السايق أم عيون حاره كانت يايه تاخذ أوراق

وشهقت على تي شرت عنابيه أنا لابستها وتقولي شكلج حلو

وعقب مامشت كنت فايحه لحم حق المجبوس وقاعده أطلعه
ماأدري شلون أنكب الجدر علي والماي يطبخ حاش ويهي وجسمي
بس الحمد الله بسرعه غسلت

 

[mrmr mrmora]

أدري قاعده أكلم نفسي

بس وله وحده فيكم راضيه تتكلم شسوي

إي وتره هالسايق لها سوابق يعني هذي مو أول مره يحوشنا طشار منها

 

[manaar-1978]

قوه شلونكم شخباركم ....الا قولولي شرايكم بلبس التربيه الصراحه جنه مكتبخدم

 

[جرح الليالي]

سلاموو عليكووو


خخخخخخخخخخخخخخخخخخخخخخ حلوة مكتب خدم


مرمر خطاج السوو حياتي

اقري المعوذتين على روحج وعلى عيالج

 

[حنين الايام]

السلام عليكم
انا عضوه يديده وابى اسلم عليكم واتعرف عليكم واشعر ان منتداكم حلو ووينس والله يعطيكم العافيه

 

[مسك 3]

السلام عليكم خطاج السو مرمر
شلونكم
اليوم كنت معزومه على حفله الحمدلله رحت ساعه ونص استانست الله يتمم عليهم بخير
وحايشتبي حاله مالي خلق كل شي ودوامي ما بقى شي ويبدي مأساة راح ترد الساعه ترن ترن ترن ترن واصكها تالي الموبايل يرن يرن يرن واصكه تالي ...مدام سفن اوكلوك أقوم غصب ولي الدوام افكر الى متى؟ الى متى؟بعدين اروح بسرعه الحق عالتوقيع وفي اشاعه انهم حطوا بصمة تخيلوا عاد اروح أبصم كل يوم

 

[مسك 3]

مرمر لا تنسين تقرين آية الكرسي والمعوذات و"اعوذ بكلمات الله التامه من كل شيطان وهامه ومن كل عين لامه"3 مرات

 

[مسك 3]

وبعد شنو عندي اجتماع لازم اسويه قبل لا أرد المعتقل عشان يمديني أجابل ما بقى شي على المناقشة وماني متخيله منظري واهما يسألوني وانا أجاوب قووول ياحسين يا بن عبدالرزاق بن عاقول قوووول

 

[مسك 3]

والحين الساعه 2 الا ربع وباجر ان شاء الله بصوم لحد يسألني ليش تأخرتي لأني ما أدري

 

[مسك 3]

وسجلت ولدي بالحضانه وقولولي شلون اول يوم ايي قلب واهده وأطلع من ألحين اسوي بروفه وتغورق عيوني لما اتخيل الموقف

 

[mrmr mrmora]

السلام عليكم

خطاكم اللاش مشكورين

مسوكه الله يعينج على الدواااام

أنا بعد قاعده أحاتي مع إني فاقدته وولهانه عليه

بس لاذكرت يضيق خلقي

 

[mrmr mrmora]

والله يوفقج بالمناقشه ويسهل عليج

ومبروك تسجيل الجميل بالحضانه

إن شاء الله بيستانس

وأول يوم داومي معاه عادي

أنا جذي داومت معاه

وحتى لو من ورا الباب

 

[mrmr mrmora]

جم يوم دين عليج؟

إن شاء الله مو وايد

 

[mrmr mrmora]

رقى وأم بدير قامو مايطلون علينا