ديوانيــة المنتــدى .. سوالف و وناسه .. حياكم الله

[New Mum]

والله ما اجامل الحلو حلو و الشين شين
تسلم ايدياتج احلاهم

 

[أم بدير]

حياج الله هوا الدار
نورتي الدوانيه

احلاهم والله خوش توزيعات
عسى تسوين توزيعات تخرجها من الجامعه انشالله
انا مادري شفيني
صايره مالي خلق اشتغل ولا اسوي ولا شي
ابي اتقاعد
شلون اقدر اتقاعد؟
التقاعد عقب خمستعش سنه شغل صح؟
يعني باقيلي عشر سنين ان الله احيانا :eh_s(2):​

 

[أحلى الجياكر]

بعد قلبى نيو

أم بدير ..تسلمين على هالتشجيع الحلو ...
و عادى ..ساعات تمر عليج لحظات الإبداع ...و ساعات تنساج بالمرة

 

[mrmr mrmora]

مرمورا ...شكل الدكاترة قالولج فيج بنت كل شوى والثانية حاطة سمايل فيس ...

هلا أحلى ماتدرين يمكن السمايل فيس تمويه

 

[mrmr mrmora]

أم بدير ما أبي أضيق خلقج بس إحنا تابعين القانون الجديد يعني مو 15 سنه

20 سنه عمل وشرط العمر 45 سنه

لازم أنكمل الشرطين

مثلا أنا لما أكمل 45 سنه أكون مشتغله 22 سنه

يعني باقي طريج طوووووووويييييييل لين أنتقاعد

 

[mrmr mrmora]

وين رفيقتي بالحمل اليوم مابينت عسى ماشر؟

رقي رقي وينج؟

اليوم شنو؟ الخميس؟

 

[New Mum]

salam all

 

[رقي]

احلاهم شي مرتب ماشالله ابدعتي
عيل سوي حق ولادتي توزيعات او عطيني افكار

مرمر هلا باحلي كروشه شلون البيبي ان شالله كل شي تمام وبخير
وسوري اليوم زواره وتوني راده وشابكه

 

[رقي]

هلوووووووووو نيووووووووو كيفك سس

 

[mrmr mrmora]

هلا والله رقي
الحمد الله البيبي بخير

إنتي شلونج؟

نيو؟؟ غريبه شابكه هالحزه !! الظاهر جهازج معلق

 

[أحلى الجياكر]

السلام عليكم
شلونكم بنات ...
مرمورا ..ما يندرى عنكم الظاهر تعلمتى شفرات عسكريه

رقى !!!!!!!!!!!!!1
ما عرفت لج والله !!! إهنيه تقولين لى شغلى مرتب ...و فى موضوعى قايلة سلمت يداكى أم بدير !!!!
ما عرفنالج صراحة

و على الأفكار ..والله إنتى بس روحى هناك و تييج الافكار بروحها
و حاضر من عينى أعطيج أفكار بس أسوى ...نو ..وايد تعب ووايد سترس ..و يعجب ولا ما يعجب ...سورى دارلنج بس إذا من صجج ..والله أعطيج فكيرات

 

[New Mum]

صباح الخير
ياه ياه احلاهم الطلب متزايد عليج بس ماعلى انا حليت اول
تبارك الرحمن خوش شغل والله فجيلج بزبوز صغير

 

[bambena]

صباح الخير
شلونكم حبايب شخباركم

شي شي احلاهم ماشالله الله يخليها لج وتفرحين فيها

 

[أحلى الجياكر]

نيو صباحات
أفا عليج ..أنا كلى لج بس لا تسمعنا مسك لووووووووووووووووووووووووووووووووول يادى المسك


بامبينا ...تشكرات أفندم و يخليلج عبدو و اشقائه إن شاء الله

 

[رقي]

هلا احلاهم
مخي افتر علي بالي اللي حاطه الرابط ام بدير بتخرج بنتها
عقب شفتها تمدح بشغلج وتدعي حق بنتج
لما ركزت شفت انج اللي كاتبه الموضوع
جان اكتب لج مره ثانيه هني عشان اصحح المعلومه
بعدين عادي طوفي ماتعرفيني مع التركيز مو ربع

 

[رقي]

بنات امس حاشني تسمم طول الليل ونتو بكرامه ارجع
وخشمي حيل يصب دم ليش مادري
ونمت عرقانه قعدت الصبح اذانيي مسكره وبلاعيمي مطبجه مووول
والحمدلله علي كل حال

 

[رقي]

امبيه بنات بنشتغل لما نصك ال45
بنصير عيايز وللحينه بالدوام

 

[رقي]

الصلاه بنات

 

[أحلى الجياكر]

رقى ..سلامات حبيبتى
منتى مترقعة موليه
نزيف الخشم يمكن من الضغط !!!
والبلاعيم من العرق و التكييف ....وعليه كل هذا فيج وأنا ششت عليج ليش بدلتى بينى و بين أم بدير
سامحينى ....سلامتج ألف سلامة ...

و بعدين ..أنا داقة على التأمينات ...أم العيال تقدر تتقاعد على سن ال 40 بس المعاش ينخسف عدل ..65% ما يجبرونج تقعدين ليما براغيج تتفلل

 

[رقي]

لي 65 من صجهم ؟؟ يعني يبقا بمعاشي خمس دنانير ونص
حتا ما اقدر اشتري حمره

ليش ماكنا مواليد الستينات والله عندهم ميزه يتقاعدون عقب 15 سنه