ديوانيــة المنتــدى .. سوالف و وناسه .. حياكم الله

[أحلى الجياكر]

أهلا بالحلوين

نيو مم ..شلونج ...
مسك ..قلبى عندج حبيبتى طمنينى ...

تونى أخلص توزيعات تخرج بنتى
بصورهم إن شاء الله و أوريهم لكم

 

[bambena]

السلام عليكم

 

[bambena]

صباح الخير

 

[أحلى الجياكر]

مرحبا

 

[أحلى الجياكر]

صباح النور ...هلا والله

 

[أحلى الجياكر]

ماكو زوارة النهاردة ؟؟؟

 

[bambena]

اقصد ظهر الخير وبعد شوي عصر الخير

 

[bambena]

عبود مريض اسهال وترجيع وحراره اذا صار زين يمكن امر المغرب

 

[bambena]

شلونج

 

[أحلى الجياكر]

وعليه
ما عليه ..ميخالف ..كل ما إستفرغ يتنظف البطن ...
خضى سفن أب و عطيه ..يصير جنه ماى و شكر ..خل يقظب قلبه ..و لازم ماااااااااااااااى ..و فوحى عيش و بطاطة ..حق غداه..ما بقا ..مو لازم ..بسكوت و جاى..و عصير التفاح ..عجيييييييييييييب طبعا فريش .

سلامته

 

[bambena]

توه صكت هوشه عند باب بيتنا زين ماتكافخوا !

 

[أحلى الجياكر]

أنا بخير ..الحمدلله ..
باجر بدش المستشفى بسوى تخطيط قلب
تيينى حالة هاليومين من أسوى أى شغلة لو أركب 3 درجات سلم ..قلبى يرقع و أعرق و جتفى اليسار يعورنى

 

[أحلى الجياكر]

بهالحر !!!!!!!!!!!!!!
كويتين ولا عمالة وافدة ؟؟

الناس صايرة جباريت

 

[bambena]

امس بالليل وديته الهادي
قالي عطيه بس ماي وعصير تفاح وسفن
ومن امس اعطيه عيش ابيض وروبه وبطاط مو راضي ياكل واي شي ياكله يرجعه

 

[bambena]

اسم الله عليج ماكو الا العافيه بس احسن سوي

غير كويتي وكويتي الكويتي صاك عليه الشارع بسيارته وقاعد يصرخ عليه : خل فجه بينك وبين السيارات ! يال ق و ا .....
عيب عليك !!!

وهده ومشى

 

[أحلى الجياكر]

أووخ ..يا ربى !!! هالناس ما تتعظ !!

ذاك اليوم نفس الموقف (واحد بالدوام يحجى ) واحد نام على الثانى ..قام هالريال رفع إيده يعنى آسف ..و كمل طريجه ..ما وعى إلا السيارة إالى نام عليها سبقته و وقفت جدامه و نزلو 3 مصاروه ..2 ياو يم الدريشة والثالث إيدة وراه ,,يقول لمحت مسدس ..جان أهدهم و أطير بالسيارة ..أشوه لجح الرقم ..و شرطة ودوخة ومباحث ليما صادوهم ..و لا فعلا : معاهم مسدس..

الزبدة ..الديرة ما فيها قانون ترا !! للعلم فقط ....و لا جان ما يتجرأون هالأشكال

 

[New Mum]

مساكم الله بالخير

بامبينا مايشوف شر عبودي بس وخري عن الروب ترى مو زين خليج على العيش البطاط و الكاي والسفن اب وهالله هالله بالسوائل عشان ما يحوشه جفاف و طمنينا عليه ماعليكم شر إنشاء الله
أحلاهم حبيبية قلبي ماعليج شر ترى عادي انا متعوده على السونار و التخطيط واللذي منو هذي ضريبه القلب الرهيف وانا اختج بس ليش يدخلونج المستشفى اهيا شغلة ربع ساعه اي دكتور بتروحين و لاتنسين تطمنينا مو ناقصين محاتاة
و بعد شكو ماكو ما رحتو حق ابله جروحه بليز روحو دعموها قلبا و قالبا ياحلوها سلمولي عليها وايد

 

[New Mum]

الكاي = الماي
باللغه الميزنبيقيه 123

 

[New Mum]

أحلاهم ناطرين صور توزيعات عمتج

 

[رقي]

سلام بنات
شخباركم
والله مشتائه حدي لكم
بس رييلي مسافر وانا عند اهلي ومافيه دي اس ال
شبك عادي مال ايام المراهقه
المهم
شخباركم
شفتو المرضيات حسبنا الله عليهم
بلشو خصم وانا حاليا مافكر اداوم من التعب والتخرخر
فنطلب منكم الدعاء