ديوانيــة المنتــدى .. سوالف و وناسه .. حياكم الله

[on line]

اخيرا وصلت من الساعه 1وانا احوس وساعات يفصل وساعات يشيلون التلفون
تخبرون للحين ماتطورنا نشبك بكروت
المهم احلي قلت بطلع من النت بنزل تحت مو بطلع
الجو مايساعد
نسنس هواي والدنيا ضوتت خضر ربيع الارض والديره ضوت
منو تخبر هالاغنيه؟؟
المهم
منو بيروح جرير واللي يعافيكم ابي قصص اطفال من 6 اي 8 سنوات ممكن تشوفولي مالقيت شي حلو جيتهم قبل جم شهر ماحصلت اللي ابي
دبدوبه بعد عمري ماتشوفين شر
وبعدين ليش ماتروحين الحداد يقرأ عليج دام موعارفين شفيج؟؟
نيو مام هاردلك
شوفي اخذي الكيكه وسويها بغير بيت بالكويتي يعني بيت غير بيتكم خخخخخخخخخ


بنات ادعولي احصل شاليه اشتطيت ابي شاليه ولا حصلت وعلمت الناس كلها بروح وعزمتهم وللحين ماحصلت صج صج لا صج لقافه

حياج الجوري

 

[أم بدير]

ديحانيه يوم كنت بالمعرض المعفن
كان في مكتبه مشاركه معانا
وبما ان كنا فاضين ماكو زباين وما احد يدري عن المعرض اساسا
قمنا نفتر على بعض
خخخخخخخخخخخخ

يوم مريت عند المكتبه وشفت كتبها اكتشفت انهم كتب اطفال
قصص
وتسالي
وتلاوين
والله خذيتلي ثنتين حق عيالي شحلاتهم يونسووووووون

بس قمت ادورلج توني اذا كنت ماخذه كرتهم او رقمهم ماحصلته حسافه
لكن الكتاب مكتوب عليه من مكتبة ابن كثير بحولي
عاد مادري اهي نفسها المكتبه والا ماخذينهم من ذيج المكتبه
المهم ان الكتب اللي عندي يايه من هناك
خخخخخخخخخخخخخخخ​

 

[المحامية هبة السهلي]

هلو بنات اشلونكم

 

[أم بدير]

هلااااااااااااااااااااااااااا محاميه
شلونج اخيتي وشخبارج وشالدنيا فيج

ها طمنينا عالأخبار انشالله كلو تمام
شلون الورعان؟
وشلون دراستهم والا مايدرسون؟​

 

[New Mum]

هل من احد

 

[mrmr mrmora]

أنا هنا

 

[فراولة^فوشيا]

مرموورا شلونج وشلون امريكا

وين باجي البنات
ابي دبدوب وينها

 

[فراولة^فوشيا]

صلاة الفجر يرحمكم الله

 

[كويتية أصيلة]

يزاج الله خير فراولة

 

[فراولة^فوشيا]

هلا اصوله شلونج

وينكم اليوم زام الليل

الدوانيه خرمس

 

[كويتية أصيلة]

هلا والله فراولة انا بخير انتي شلونج

شسوي قاعده اجهز حق المعرض ان شاء الله

وما تيي الأفكار إلا تالي الليل هههههههه بس فيج البركة انتي بالدوانية

 

[فراولة^فوشيا]

معرض الرميثيه ؟؟؟؟؟؟؟؟؟؟؟؟؟؟؟

 

[كويتية أصيلة]

لا العديلية بيت 32

 

[فراولة^فوشيا]

صجج والله متى

حسبت بالتجمع مال كويتيات

 

[كويتية أصيلة]

باذن الله 26 /5 -28/5

ان شاء الله .. بتروحين معرض كويتيات؟؟؟

 

[فراولة^فوشيا]

اي والله ودي اروح بشوف البنات

وانشالله بعد نيي لكم في بيت 32

 

[New Mum]

صباح الخير يا لأهل الخير

 

[أم بدير]

هلا والله نيو
صباح النور

شلونج مع الغبار؟
بتطلعين اليوم؟​

 

[New Mum]

أم بدير
أهلين حبيبتي شلونج
الحمد الله على كل حال بس الجو مايشجع الواحد يطل من الدريشه

 

[أحلى الجياكر]

السلام على الكرام
شلونكم و شلون الجو عندكم ؟ ؟ إحنا ما شاء الله كثبان رمليه
الله يرحمنا برحمته....

نيو مم.شلونج
أم بدير ..رحت حق سمير خوش شغلات ..بس حبيبتى مو حقى
حق مو محجبات و حق .....ضعاف