ديوانيــة المنتــدى .. سوالف و وناسه .. حياكم الله

[LaSt WoMeN]

انزين خلنغير الموضوع ..

بنات .. اشرايكم بموضوع الامبرالية الغربية و تصادمها مع الايديولوجية الشرقية و ضرورة تمخضها لسياسات جديدة
او تبون نبحث في نتائج هذا التصادم ؟ <هههه جني ولهت على ايام الدراسة

بنات بسألكم عن البطاقة المدنية .. تعرفون احد يشتغل فيها ؟ ودي احول هناك اذا المكان زين

 

[Dancing^Queen]

قطع
يه مديري وجفت وشاف الماسنج شاب

 

[LaSt WoMeN]

نيو موم .. آمين يزاج الله خير

 

[زيـنـه]

اغط عنكم ساعتين يا ظالمين و لا تحسون فيني .. و اقرى سوالفكم 6 صفحات كلها اكل !!

 

[New Mum]

فلانه بالضبط انا كنت ابحث عن موضوع الامبراليه !
ما عندي فكره بس جنه مكانهم داثر ؟
كوين اليوم مو يومج حبيبتي انصحج لا رديتي البيت تلحفي و نامي

 

[New Mum]

زينه والله فقدناج بس الموظفات معذورين ولا عزاء للسيدات

 

[أحلى الجياكر]

بنات مريت رامز ....خوش مواعين منزل ...والعالم جتلة .. ...شريت لى طقم فنيالين موردين مع صحونهم حق ال فرنش كوفى ....اكبر شوى من العادى ...و اكو مواعين لونهم فخار بس ملمسهم ناعم احجام صغيرة ....يهبلوون

 

[LaSt WoMeN]

لووووول كوين .. اهم شي ما يقرا انتي شكاتبه عنه قولي " و جعلنا من بين ايديهم سدا و من خلفهم سدا فأغشيناهم فهم ا يبصرون "

زينة .. ما حنا غيرنا الموضوع .. اشرايج بموضوع الامبريالية ا لغربية بس


على طاري الآية الكريمة اللي كتبتها .. تذكرت موقف ايام الجامعة صار لي .. كان عندنا دكتور يطلب منا تحضر المحاضرة الياية و اول ربع ساعة يوقف بنات منا و يختارهم عشوائي و يطلعنا على الستيج و يسألنا ..

يعني اللي ما تعرف الجواب تفتشل حدها جدام البنات ! و خصوصا انه من النوع اللي يعلق و يحرج ..

قمت اقول هالآية .. جان يقومني ؟!! و استغربت ليش قومني و انا قايلتها ..

و اخر شي اكتشفت انني كنت اقولها غلط هههه سبحان الله كنت كله اقولها غلط و من صارت لي هالسالفة
عرفتها عدل

 

[Dancing^Queen]

ومنو بس سوالف زينه الحين انا قاعده اطبق عملي
كليت سمبوسه لحم مو حلوه بس شسوي تغصبتها
وقاعده اكل ودججز
وناطره الحارج يشرف
ومر مديري لقاني فارشه السمبوسه ومشغله المسنجر وقاعده اسوي ريبورتي ومتروس مكتبي اوراق
يخز الماسنجر يشب ويطفي ومايبي يطلع من مكتبي قام يسال اساله مادري شرد عليه من الخرعه ودي اغطي كمبيوتري بشرشف
اي علشان يكمل الديكوريشن كلينكسات مقلقه علي الدرج وبطاط برنغلز حجم كبير الاحمر
وااااااااااااااي احس اني منتهي الهلاقه

 

[أحلى الجياكر]

يلا بنات ..حى على الصلاة .......

 

[New Mum]

برب جاده 7 تايم

 

[زيـنـه]

نيو مام .. يا انتي يا سيده ..

فلانه .. سوالف الامبرياله الخربوطيه مالي فيها ..

كوين .. بصراحه و لا تزعلين صج منتهى الهلاقه

احلاهم . تقبل الله طاعتج

 

[LaSt WoMeN]

بالعافية كوين .. الله يهداج بس ليش مسوية بروحج جذي هههه

و يالله .. لبينا النداء يا احلى الجياكر .. برب

 

[زيـنـه]

دامكم موجودين و لكم خبره ..

ابي هديه حق بنت عمرها 6 سنوات .. المناسبه عيد ميلاد .. و ليش ؟ لانهم عازمين البطل الصغير على العيدميلاد (عشتوا)

يلا مقترحاتكم ماكو وقت .

 

[Dancing^Queen]

احلي اليجياكر ولو اني معتزله الغرام في للقريقعان؟

فلانه
جني عرفت الدكتور؟
دكتورقباني بتاع قراءات ونصوص ادبيه؟

 

[Dancing^Queen]

انا قايله بخترع مدير داي علي غرار مذر داي
وبعطيه هديه جوتي يطلع صوت دشداشه فيها ليتات علشان اعرف لي قرب

وااااااااااي ريحه مكتبي تقمت لحظه انببخر





زينه البنت عمرها ست سنين؟ يبله لعبه من العاب نيوبوي روحي الشناكل شزين شغلهم واسعارهم حلوه

 

[زيـنـه]

فكرت بلعبه .. ساعه .. عطر للاطفال زين .. و لازم اشتري اليوم ..
يلا قولوا لي ..

 

[مسك 3]

زيونه انا أأيد العطر عندج عطر بربريز مال اليهال روعه العطر واللوشن والشاور جيل على 15
عندج جنطه مدرسه ولنش بوكس ومقلمه بس ما ادري وين حلوين

 

[زيـنـه]

مسك .. يلا .. ابي هدايا اكثر .. ابي اقتراحات ..

 

[زيـنـه]

وينكم ؟