ديوانيــة المنتــدى .. سوالف و وناسه .. حياكم الله

[فروحة توحة]

رد : ديوانيــة المنتــدى .. سوالف و وناسه .. حياكم الله

لا مو جذية انا بنتي تخرج من ال ........ الروضة
واي يا حلاتها

لا ما اقدر باروح باروح يعني ان شالله

 

[نفنوف كشكش]

رد : ديوانيــة المنتــدى .. سوالف و وناسه .. حياكم الله

الله يحييج يا بروووووحه
كيكه ......ماشر ياقلبي ادش المنتدا بس ما اقعد وايد وما امر اهني ....انتي اشلونج وانشالله الحين نفسيتج احسن كان لج رد انج متظايقه .....اتمنا انج اتكونين ابخير ديروو

 

[keeka]

رد : ديوانيــة المنتــدى .. سوالف و وناسه .. حياكم الله

والله الحمد لله بخير عساج بخير

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

زباح الخير
فري كويت فري كويت فري كويت
يالله مسيره
انا وحده توني يايه من اجتماع خارجي ومستانسه

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

سوسو مبروك الموبايل يابت يطيح ويتفلش ويرد يتركب العافيه

انا اليوم بناتي عندهم جوله تعليمه وحفله
حفله بالحضانه الصبح
وبعدين رحله علي الجمعيات وبيوزعون ورد علي الاوادم
ولبست بنايت نفانيف علم لاكويت مزريه جنهم رقاصات صغار
وشيخه فلت شعرها وحاطه شباصات علم الكويت وصبا بعد قلبي انا دوام ومادريت الا متاخر عن الحفله ماقدرت اوديها استشور شعرها ادري بينكسر قلبها وانا موجوده علشان اني اسويلها قبره بشعرها بس الله كريم
وباجات علي علم الكويت
ولويه
جنهم قالو بيحطونهم بمجله ليالينا
ونااااااااااااااااااااااااااااااااااااااااااااااااااااااااااااااااااااااااااااااااسه
حسيت بشعور وطني
واليوم بالدوام يايبين عيالهم
والصالحيه تحت يهال لابسين منافيش علم الكويت وشرايط ولويه وناااااااااااااااسه

 

[keeka]

رد : ديوانيــة المنتــدى .. سوالف و وناسه .. حياكم الله

يا انتا يا رايء يا كوين ان شاء الله دوم مستانسه

 

[ii DareeN ii]

رد : ديوانيــة المنتــدى .. سوالف و وناسه .. حياكم الله

السلام عليكم ها كوين هني ولا النمره غلط

 

[فروحة توحة]

رد : ديوانيــة المنتــدى .. سوالف و وناسه .. حياكم الله

يا حيالله كيكة

يا هلا وغلا بالكوكوكوكو

دارين حياج اغلطي معاه

هي هي كوكو بعينها وشحمها ولحمها

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

ايوا يافندم مين ضرب النمره صح
ككوين هانايم ياباشا موجوده
عاوزين بارد؟

++++++++++++++++

كيكه


ها شلون استعدادتكم للبر؟

 

[keeka]

رد : ديوانيــة المنتــدى .. سوالف و وناسه .. حياكم الله

والله امي يحليلها معتفسه بتسوي حفلة العيد الوطني في البر
وقاعده اتزهب اعلام - زينا - هدايا لليهال ولويا معاها امس رحنا فحيحيل ما شاء الله على العالم والناس والله امخامط وجنا ابلاش

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

امس قعدت ادور ثوب حق بناتي علي علم الكويت يالله لقيت واحد وغصب بس حلووووووو
ولان واحد بس ماقدرت اخذه مايصير البس وحده واخلي الثانيه



واي وناسه بديت احس بالوطنيه

 

[نفنوف كشكش]

رد : ديوانيــة المنتــدى .. سوالف و وناسه .. حياكم الله

صباح الخير ..........شخباكم صبايااا
امبيييييييييييه مزاجي مصري اليووووم رابطه علا راسي منديل ابو ئوويه ماجري اشطاري علي وليلحيني امواصله سهرت علا بباي سندباد خخخخخخخخخخخخخخخخخ واااااي شخباري
بس حبيت اعيش بجو طفولي
تدرون اشطاري علي ؟ اكل اب ايكيا اتحسون وحده موعارفه شتغبر ابروحها .....اليوم اشبتسوون بالعيد الوطني ....الله اتذكر لمه كنت اصغيره لمه انروح المسيره علا شارع الخليج وانرشش علا الناس ويرشون علينا وانحط علم الكويت وبوسترز علا بابا جابر وبابا سعد وشعار الكويت واغاني وطنيه تذكرون الاوبريت اللي غناو فيه صباح الخير ياكويت ؟ وتذكرون اكو شريط اغاني وطنيه اللي غنت فيه هدا حسين مع نوال احنا البنات ابروحنا وفيه رويشد ونبيل وتذكرون من اللي يحميهااا من اللي يراعليها احنااا احناااااا خخخخخخخخخخ اققققققدم افييييييييه ياريت الزمن ايرد لي ورا بس اعيش هالوقت يوم واحد موطمعانه باكثر بعدين ارد 2005

وامس حطينا زينه اعلام الكويت القديم واليديد .تدرون اشسويت ارفيشتي حق يهالهم ؟ خذت اعلام الكويت بس مو وايد اطول يعني يوصلون لهم تحت البطن وخيطتهممع بعظ بس خلتهم مفتوح صوب الايد يلبسونهم فوق الجينز ولا اي شي ليش مالقت لهم اهدوم علا الكويت ماشالله الناس خامين كلشي وبنات خالي امفصلين لهم نفانيف علا اعلام الكويت مع شبابصهم شكلهم ايشوق امس عاد شفت وحده لابسه حجاب علا علم الكويت وحاطه صوب اجمومها فوق عاليمين واليسار اعلام وعلا تنورتها وايد امهوله ابعمرها هههه والشباب اللي يقول لها تو الناس لاتقبسين علينا واللي يقول لها هاذي شكلها اتساحل الحكومه تبي الجنسيه واللي يقول لها بس ناقصج اتحين العلم بالطابور خخخخخخخخخخخخخخخخخ يحليلهم شبابنا تحف

المهم باجي البنات كلن ابنكه كيفكون ؟.
الا رورو وينهي ؟؟؟؟؟؟ ماتبين خير شر ....

 

[رفرف]

رد : ديوانيــة المنتــدى .. سوالف و وناسه .. حياكم الله

سلام بنات شلونكم ؟
نفنوف كشكش ويييييي طلعتي الذكريات يحليلج ... صج اغاني قديمة ...
امس بالمدرسة كانت حفلة العيد الوطني عاد طلعو الاغاني القديمة كلها ....
وحطو اغنية مستر بووش تذكرينها ؟ اي والله يستاهل يستاهل مستر بوش ...
اظن تغنيها حياة الفهد مادري مع منو عاد ...
قلنا شكلهم الزرقاوي وربعه بيون يفجرون فينا على هالاغنية ...

امس شوقتني كوين قلت باخذ حق بنتي نفنوف وشباصات على علم الكويت واوديها المصور .... بس تعييزت مالي خلق افرفر على النفنوف واصلا ماراح تلبسه مكان الا حق المصور جان اهون ... واكشخها عادي واسويلها عناقيص واصورها صور شخصية عادية ...
طبعا فضييييييييحة بالمصور ... قهرتني ... بنتي اكثر وحدة بالدنيا تروح المصور وتصور والمفروض متعودة على الفلاشات .. من اندش وتقعد عالكرسي تتلفت اول شي بعدين تبجي وتصرخ وتبيني اشيلها ...
بعرف شلون عيال الناس يضحكوووووووووووووون عند المصور ؟؟؟

 

[نفنوف كشكش]

رد : ديوانيــة المنتــدى .. سوالف و وناسه .. حياكم الله

قووووه اشلونكم نفر نفر
رفرف اييييييييه تذكرتها جنه ويا النفيسي مادري عبدالحسين اذا ماني غلطانه اغاني التحرير
عاد امس مطر اكو احد راح ؟ خبري البنات والشباب هباو ابمسيرات ابنيدر وجليعه هههههه اققققققققققققققققققدم وبنت مره ثانيه اذا بتصورينها اقوفي جدامها ولعبيها من ابعيد سويلها جذيه حركات جود انها ماتفطن علا التصوير وعلا طاري التصوير وين احسن مصور ؟

 

[رفرف]

رد : ديوانيــة المنتــدى .. سوالف و وناسه .. حياكم الله

هلا كشكش ... شلونج ؟
امس طلعت بالمطر رحت السينما بس ماطفت عالبحر مالي خلق الزحمة ومادري عن صوب الشاليهات مارحت مالي خلق الدرب ...
وبنتي اهيه جذي افا عليج العبها واصيرلها ارقوز ولافي فايدة ماتطل بويهي اصلا طايره بوهتها ..

امممم والمصور انا جربت لقطات حق التصوير الشخصي حلو ...
فوتوكينا اخترب قبل كان حلو ...
تشيكيتا يلوع الجبد بمعنى الكلمة والوانهم باهته يخلون الويه رمادي ويع ...
ارت ستديو حلو حق تصوير شخصي بس اللقطات خبري ماكان عندهم فناتق هالحجي قبل سنة بس الشخصي اوكيييييه ...
وبس هذا مافي جعبتي ...

واذا تبين صورة اي شي الحين كل المصورين اللي بالجمعيات يصورون ديجيتال انا اودي بنتي اي مصور قريب لأنها تستعسر اذا كان الطريج طويل ... بس طبعا التصوير عادي ....

 

[لبيه لكن!]

رد : ديوانيــة المنتــدى .. سوالف و وناسه .. حياكم الله

مساء الخير بنوتات

شلونكم مع المسيرات ؟؟
وين طلعتوا ؟
ههههههههههههههه رفرف يا حليلها بنوتج عندنا وعندج خير انا هم اختي جذي
ماكو فايده كله تبجي جنها اول مره تدخل المصور خخخخخخخخخخخخ
بس نلاعبها من بعيد ونرقص جدامها عشان تضحك وتطلع الصوره توب والله ينفع بس عقب ما تطلع روحي ... وعلى طاري الديجتال مره يصيب ومره يخيب انا شكثر صورت فيه والله مرات يخلي صورتي مو شييييييييي ماادري ليش؟؟ اتغير حيل لو الطبيعي احلى ومرات لا والله يضبطونه
بس الجهال شكو يصورون فيه؟ مو لايق حلو الصغير طبيعية صورته

المهم عاد وين طلعتوا في يوم الوطني والتحرير احنا امس في الجليعه <<< مسيرات ونااااااااااااااسه بس المطر خرب علينا شوي الحمد لله ما طول << صارت الارض كلها طين
وغرقونا رغوه عيال الكويت اذا ماكو رغوه ولا ما يسمونها مسيره هههههههههه يا حليلهم بس جد الجووو اكثر من روووعه صج في برد شوي بس الفرحه تطيره

 

[رفرف]

رد : ديوانيــة المنتــدى .. سوالف و وناسه .. حياكم الله

هلا بنت البدو شلونج ؟
منورة الدوانية اليوم ...
لاااااااا انا قصدي الديجيتال انهم يصورونها بكاميرا ديجيتال ويعرضون الصورة تشوفينها قبل لا تنطبع بس مايغيرون فيها وفلاتر وجذي لا بالعكس طبيعية نفس التصوير العادي بس انج تشوفينها بنفس الوقت وتختارين احلى لقطة ...

 

[لبيه لكن!]

رد : ديوانيــة المنتــدى .. سوالف و وناسه .. حياكم الله


هلا رفروفه

منوره بأهلها يا الغاليه

حلو فهمت عليج .. انا عبالي تغير << متعقده من هالشغله عقب ما اعفسوا صورتي

الا ما قلتيلي شخبار الوالده؟؟ ان شاء الله تمام

 

[نفنوف كشكش]

رد : ديوانيــة المنتــدى .. سوالف و وناسه .. حياكم الله

حي الميييييييييييييييييييييييييييد.......انا اول وحده اتطق الكرت هههههههه

صباح الخير بنات شخباركم ؟
يحليلها صبوونه الله يخليها لج ذكرتني ابنت خالي سوالفها لمه تستعسر انا سمعت مصورنا (( العديليه ))تصويره زين .....امبييييييييييه تذكرت مصور صباح خخخخخخخخخخخخخخخ واااااااااي قديييييييييييم الكويت كلها عنده قبل وفي واحد بالجابريه اذا ماني غلطانه زين بشوفلي يوم بحوس بصور حق جوازي صورتي اتييب الطاعون
وصج علا طاري الوالده لاحول الله نسيت بس ذكرتني بنت البدو...اشلونها انشالله الحين تحسنت؟
الله بنت البدو قبل مسيرات الشاليهات كانت اتحجي صج وناسه ...........اذكر هباو الشباب ايرشون نير علا الاوادم ههههههههههههههههههههه ياكرهم علا هالسوالف

 

[رفرف]

رد : ديوانيــة المنتــدى .. سوالف و وناسه .. حياكم الله

هلا بنااااااااااااااات ....
شلونكم ؟
مشكورين ياقلبي الوالدة بخير الحمدلله احسن وعندها موعد الاسبوع الياي يتأكدون من كل شي ...
كشكش غباااااااااااااااار مصور صباح كان حد الكشخة ويعميلج الملامح من الفلتر مايبين الويه عاد قلنا فلتر مو جذي ....
انا اقول روحي لقطات دام تبين بس شخصي يسوونلج حركاااات وصورهم حلوة بس تصوير اللقطات لا مو شي يحطونج بحلج حووت والخلفية مو راكبة على الصورة ....