رد : ديوانيــة المنتــدى .. سوالف و وناسه .. حياكم الله
الزلام عليكم يابنات
ازيمك اشلزنكم صارلي زمان ماشفتكم
قولولي خطاج السو
بغيت انقرض من علي الدنيا واحرمكم من طلتي البهيه وسوالفي الشئيه
مادريتو
شفتو طلعتي يوم الخميس ويا رفرف وحنمتي علي القز شنو طلعت علي من خشمي الا اككثر
مستغله الوضع ريلي مسافر بالسلامه ومتحلفه بالطلعه مالت علي وحاطه جدول
جنه مو رايح ثلاث ايام بس
ولا اقول اليمعه الصبح بقوم من صباح الله خير
وركضه بروح وبروح وبروح وبتريق بره وبسوي وبسوي
يوم الخميس يوم رديت البيت ويمكسني صداع نصفي اللي تفلشت منه
وماحس بعمري
ولا ماحسيت الا ابنتي اتقومني الساعه ثلاث الفير صبصباني وتصيح ماما انا اكااف (اخاف) اطالع والا البنت من كثر ماهي تعبانه ترجع واهي منسدحه وتنففففففففففففض انا عاد نايمه ابيت اهلي جان اقل بنتي الثانيه علي اختي واطير ابنتي الحمام تكرمون وتقعد اترجع وتبجي بعد قلبي
وعلي مالبستها وغسلتها والا تشتغل معدتي انا
وعينك ماتشوف الا النور ويمسكنا فايررس انا وبناتي اللي اهو من قلب
انا حراره وترجيع ودخلوني المستشفي
ودرب وسوالف
وبناتي كل وحده روشته دويه بروحها
وانا كل تحليل اقشر في الدنيا كتبولي اياه
مراره
وكبد
ويقولي اذا مو هذول الزايده ( طبعا مو مستشفي خاص شلون يطلعون الفلوس؟) انزين ياعبقري انا وبناتي ياينك نفس الاعراض واقولك فايريس ياي بنات اختي وقالنا الطبيب ترا بيفتر بالبيت تقولي مراره وكبد !!!
المهم انا اطلع من المستشفي اهني واشوف اختي تدش من هني
والحاله حاله
وبيت اهلي بين مصاب وجريح
وكلبونا متسدحين مرضا
بس انا كنت اجود حاله لان مسكتني صخونه مو طبيعيه ماتفج عني ساعه الاردت ساعتين
لين الحين احس عظامي متكسره
ولا ريلي اللي قايله بطلع عنه وبسوي وبسوي بعد عمري رد من سعوديه وراح يابلي شوربه يعني بيطببني (متاثر بالاجانب مادري انا طرشته الدمام او واشنطن؟)
المهم مارديت بيتي الا امس العصر وانا وبناتي حالنا احسن
بس لين الحين ماقدر اكل عدل (الحمدالله علي كل حال بس فرصه علشان انزل وزن شوي)
وصحيت بالليل وشفت اللعبه
وانا كنت عارفه ان الكويت بيفوزون 2 واحد <<<< ثقه
وكنت ااتمنا ان مانييب قول الشوط الاول لان لاعبينا مو كفو ان يابو قول اول شوط لعبو باجي اللعبه كلهااااااااااااااااااااا دفاع حتا لو قولو علينا مايدورون التعادل لا يبون دفاع
احسن شي يجوونهم بقول اول شي يحرقون قلبهم
وبالاستراحه ينزفون ويتادبون وويوكلونهم عيش ولحم علي قوله سايق عمتي
وبعدين يلعبون زين
ترا غير هالطريقه ماراح يفوزون ياجماعه ثدقوني <<< اجدع محلل سياسي
جوريه
عظم الله اجرج حجيه ، بعدين شعندج قاعده اتدومين مبجر هاليومين اخاف بتطيحين السيكيورتي علمينا؟؟ ونعيما علي القصه اليديده وانا اايد التغيير اهم شي جوزو شرايه
ررقيقه
صباح الخيرات والليرات وصباح النور علي البنور ازيك يابت وازي بتك وعاملين ايه وحتعملو ايه بالويك اند يا ام المارينا يابت
رفرف
ام صبابي ازيك وياحلاه صبصوبه اسمالله عليها كبرت وياخذديتها اتونس مالت تقرص
نفوش
وينج ؟؟؟؟ لايكون لي الحين ناقعه بالبحر يابنيه؟؟؟؟؟ ترا شتا موزين الشاليه ابدا بتاتا
زوزو النوزو
شنو هزا شنو هزاااااااااااااااااااا ، وين مديرج عنج مادرا ان موظفاته استذانات وتزريقات؟.؟؟؟
الله كريم احنا لنا البصمه امشيتنا سيدا لايمين ولايسار
ولازم هالاسبوع اتادب والتزم كلش ملش حتا قلت بداوم مبجر جان اتفاجأ بزحمه الشوارع اليوم بعد
وبصمت نفس الوقت استغفرالله ماكو فايده مادري اطلع من بيتي عقب صلاه الفير يكون مافي زحمه !!!!!!
سمسميه
اشلونج حجيه وشون الورعان ؟ وابوز الورعان وين رحتي ورديتي وشنو شريتي؟؟؟
زينه
سلامات وغدا الشر وقرت عين الكويت
ماتشوفين شر ، وديري بالج ترا جونا متروس فايروسات مع كل ذره اكسوجين قاعدين نستنشقها قاعد ناخذ معاها فايريس نيولوك وغير شكل وشي جديد نازل علي الاسواء
امس بيت اهلي يخرع
اقولهم بيت الابوئبه والامراض واللي يطيب يرد ينتكس لان في جيل ثاني من المرض طلع !! الفايريس قاعد يطور نفسه ابيت اهلي اتصدقووووووون الدكتور يقول تطور الفايري عندكم !!!
امي فقيره مبطله كل الدرايش وقاعدين يبخرون بكينا يالله شوي استصحو!
دموع الكويت
غياب جم يوم لماذا؟؟؟
بنت الكويت اضا غياب كذلك
فروحه توحه
اين انتي
حطيتلنا موضوع عن الميك اب واذا كنا نهتم بنفسنا وبلعتي النتايج علينا يابت
ابي اعرف انا اي فئه بيذبحني الفضوووووووووووووووووووووول
ووينج مختفيه عن السحه الفنيه
ترا بطرش فرقه انقاذ لايكون قليتي عمرج من القوطي؟؟
او اختفيتي من الرئييييييييم اعذوذ بالله من الشيطان الرجيم
سعوديه
مالعليه حبيبتي النساه ثلاث اشهر وتطوف انشالله بشرها
وباجر لي صار البيبي بحظنج بنتسين همها وبتنسين النساه وكل حاجه ياختجي
الله كريم
اعتبريه رجيم اجباري الله يهداج
رورو
لازم تعرضين عمرج علي دكتوره حبوبه
تدرين ان الالتهابات والفطريات اذا ماتعالجت عدل تسبب عقم؟؟؟ ديري بااااااااااااااااااااااالــــــــــــــــــــــــــــــــــــــــج حبوبه وصج ترا المضادات الحيويه مرات اتسوي جذي
وشنو سالفه هونج كونج ؟؟؟
فاصل اعلاني ونعود من جديد
