ديوانيـة --> بجريآت <-- : تعالوا نفضفض ونسولف !

[فيلسوفة تتفلسف]

غنوجه وعروسة قولولنا شنو جهزتوا ومن وين خل نستفيد

ومتى تبدي تنزيلات

 

[# غنوجة بيبي #]

هلا فيلسوفه

البيبي احسن شي ملابس مذركير و هم عنده بدل... و سنتر بوينت للاغراض الباقيه المهايد و الفوط و هالاشياء
حوض السباحه و صندوق اغراض البيبي من مذركير


----
اغراضي:
ملابس الاستقبال خذيت اثنين من محل يم الجميع بفحيحيل عجييييب

والملابس النفاس القطنيه للبيت من الجميع مع سراويل طوال و سراويل صغار قطنيه

---

شغل الاستقبال السرير فصلته من الضجيج .. و الكفر محل هم بفحيحيل بعمارة الشاهبندر

ناقصتني الجمعيه و الصيدليه و العطار حق ادويات النفاس

 

[نور الضي]

عروسه
مشكوره الصابونيه تجنن مالتها

 

[عروسة فوشيآ]

فيلسوفه
تقريبا شغلي نفس غنوجه


مذركير + رد تاغ ملابس النيوبورن حلوه لانها صغيره حيل

سنتربوينت الشويخ احلي من الافنيو فبضاعه الاطفال بس عيبهم النيوبورن مو حيل صغار يمكن ماتكون كبر البيبي

بس شريت منهم لان البيبي بسرعه يكبر
وكل شي كل شي تبينه عندهم يهبل اللي بالشويخ حيل عجبني


في محل عجبني بالفروانيه اسمه بيبي لوف او بيبي سنتر فوق مجمع كرز
هذا تلقين فيه اطقم مهاد مع قطعه نفس النفنوف او جلابيه مادري شيسمونه لووول بس مو افرول

هذا للبيبي اول فتره عشان السره لازم يلبس شي مفتوح نفس الدراعه

وعموما هالقطعه تلقينها بكل المحلات الشعبيه



تجهيزات البيبي انا جهزت لثلاث شهور بس

ملابس افرول نيوبورن وقياس 0-3
تبانات… مهادات عاديه ساده… مهادين كشخه اللي يكون تريكو او شبك… . دلاغات… دسوس… كبابيس…
جيس البيبي
مجموعه عنايه كامله اللي فيها مشط .. مقراض… الخ
بطانيه ناعمه… مخده مقعره حق الراس
فوط صغيره… فوطه كبيره للشاور



من مركز سلطان
رضاعاات وسط وصغيره زجاج انظف… حلمة الرضاعه اخذوا الشفافه مو السودا ونوعوا متوسط وصغير
حافظات ماي… حفاظات صغيره… كريم سودو للحفاض… بودر وشامبو وغسول للبيبي… صابون ملابس للاطفال

لازم صندوق من اي محل تحطين فيه الاغراض




للام تحهيزات
قمصان نفس للاستقبال
ملابس داخليه
قمصان قطن عاديه للبيت
ملافع وطواقي
كوتكس كبير
ستيانات رضاعه + لزقاتهم من مذركير

كريم تشققات الحلمه من مركز سلطان او الصيدليه


انا شريت قمصاني من محل الجميع حيل حلوه اقطانهم + ومحل اسمه فرفشه موجوده تحت بالحمرا مول بالفروانيه

وبسسس هذا اللي اذكره

واللي تبي اي شي احنا حاضرين

 

[مذهلة2013]

انا ان شاءالله على السابع ببلش تجهيز لي

 

[حبي وحياتي]

حبايبي
عندي سؤال ومحيرني
بعد الوﻻده يصير نلبس كورسيه
ﻻني سمعت بعض البنات يلبسونه بنفاسهم
هل منه مضره اخاف يزيد ترهل عضلة البطن بدال ما يشدها
وﻻ فيه كورسيهات خاصه لبعد الوﻻده واذا كان فيه من وين تشترونها ؛ بصراااحه انا احترت واخاف البسه واتندم او اخليه وهم اتندم
افيدووووووني افادكم الله.

 

[عروسة فوشيآ]

حبي

في مشد خاص للولاده

اسمه الاندونيسي تلقينه بالجرايد
او بالصيدليه مشد الولاده
مو الكورسيه العادي

وفي ناس تربط بشماغ

كلهم مفيدين ادهني بطنج قبلها وشديه ع بطنج
بس بعد الولاده باسبوع


ومع الاعشاب وادويه النفاس بيطلع الهوا ويخف البطن

انا خواتي ماشين ع النظام هذا

 

[lawyara]

لويارا حبيبتي الله يهون عليج شدي حيلج مانبي دلع هههههه..و ديري بالج من تحسين بالطلق رحتي المستشفى تعبثوا فيج

نطري لما توصلين حدج حدج و طلق منتظم كل ثلث او ربع ساعه ...بنت عمي قبل راحت من اول طلقه حطولها طلق صناعي ماتت من العوار

عاد بولادتها الثانيه تحملت و حاشها طلق طبيعي تقول اقل من ربع عوار الصناعي..جنه مغص دوره على اقوى شوي بس

الله يسهل عليج لويارا

غنوجه افا عليج داشه التاسع بحماس هههههه
بس صج اقول لامي مستحيل اروح المستشفى مبجر الا اذا نزل ماي او انتظم الطلق
الله يسهل علينا ونولد يالسلامه ♡♡

 

[قرة عيونه]

حبي لا م تلبسين كورسيه او حزام يشد بطنج

الحزام لبسيه بس يصيرلج اسبوع

والكورسيه اذا طاح الخياط

 

[HoD'HoD]

الحمدلله خلصت تجهيز البيبي و خلصت تجهيزي

امس حست خلصت اغراضي و فصلت سرير النفاس و شريت الكفر

احس انجاز ماشاءالله بس رجعت متكسرررره هههههه

ما بقالي الا اغراض الجمعيه و الصيدليه الحمدلله




هدهد ما خلصتي شغلج؟

مبروك غنوجة وتتهنين فيهم انتي والبيبي

ابشرج الحمدلله امس خلصت كللللل التجهيز بس باقيلي اروح الحواي اخذلي عدة الغسيل والتشحيم مابعد الولادة هههههه وبطلب صابونية مزيونه اول ما اولد
والتوزيعات راح اطلبهم اول التاسع لان ياخذون اسبوعين والموالح وحلو القهوة بعد الولادة ان شاءالله

 

[HoD'HoD]

على التجهيز

الجنطة البوكس واغراض السباحة من مذركير وما اخذت اها ملابس محد يمدحهم يقولون مع الغسيل يهتملون وبعض يكشون بالماي بس اخذت دلاغات

اخذت المييات بيجون زجاج وحلمات بيجون سمول وميديوم ومقسم الحليب وفوط صغار وكبار وفوطة سباحة وشامبو وبودر وصابون سيباميد ريحتهم نظافة اتينن كلنم من سنتربوينت

الملابس افرولات وبجامات والمهادات والتبانات وكبابيس ودلاغات وصدريات من سنتوبويت و h&m وماماز اند باباز

ومن عيد النصار خذيت سرير البيبي السلة والستاند ماله خذيته من ماماز اند باباز

تجهيزي خذيت نفانيف الاستقبال من محل ايفوري بالنقرة الشمالي والبجامات ستانات وقطن من النقرة والباقي من ليلى لانجري فرع فحيحيل احلى تشكيلة عنده وستيانات الرضاعة مع القطن وصراويل لبسة وحدة حق المستشفى من سنتربوينت

واخذت سليبات قطن وصراويل طويلة وشلحات قطن تحت النفانيف من فاشن مل

والكفر من بوتري بارن وسريري من الضجيج

وايكيا اخذت منهم جياس فيهم سحاب حق ملابس البيبي بالمستشفى ومطارة ماي حار صغيرة حق الجنطة للطلعات والكبيرة حق البيت ماركة بوفيل من الغانم

هذا اللي اذكره حاليا واي سؤال احنا حاضرين

 

[حبي وحياتي]

​

ما قصرتووووو
فوشيا وقرة
مشكووورين ع التوضيح :eh_s(7):

 

[# غنوجة بيبي #]

عليج بالعافيه هدهد

 

[# غنوجة بيبي #]

بنات ما حصلت مطارة الماي الحار للبيبي ماركة الفيل..درت الجمعيات... من وين تاخذونها؟

 

[Om_Sanad]

هدهد يعني شنو لبسه وحده حق المستشفي ماخذه اندروير ليش ينباع لبسه وحده؟؟ تري مافهم
غنوجه ماادري قلبي الي يفيدنا عشان انا بعد ابي

 

[HoD'HoD]

الله يعافيج غنوجة

ماركة الفيل تحصلونها في لولو هايبر والمشايخ والكترونيات الغانم تحصلون عندهم ماركة الفيل والتايجر احسن ماركتين مايبردون

ام سند اندروير تلبسينه مرة وحدة واذا توصخ تقطينه
احسن من العاديين حق المستشفى اذا توصخو وين تحطينهم هذيل تقطينهم ولي رديتي البيت بالسلامة استخدمي الاندروير القطن العادي

 

[Om_Sanad]

هدهد مشكوورة اول مره اعرف المعلومه راح اسال

بنات الي عندها فكرة جنطة البيبي شنو احط فيها بالضبط حق المستشفي بس ملابسها ؟؟

 

[Om_Sanad]

هدهد مشكوورة اول مره اعرف المعلومه راح اسال

بنات الي عندها فكرة جنطة البيبي شنو احط فيها بالضبط حق المستشفي بس ملابسها ؟؟

 

[# غنوجة بيبي #]

اي حطي 6 اطقم كل طقم حطيه بجيس ارتبلج

يكون افرول و تبانه و كبوس و مهاد

و دامج خاص ادوات التنظيف منهم بس الملابس اخذي

جنه حتى الحفاظات منهم و الحليب بعد

نتأكد من البنات

 

[# غنوجة بيبي #]

مشكووووووره هدهد ..