ديوانيـة --> بجريآت <-- : تعالوا نفضفض ونسولف !

[الـــغـــلآ]

بيور مس يووو تو حيااتي البجريه توني كتبت لج بتجمعج =*

قرة عيونه الف الحمدلله على سلامتج ومبروك شيخ الشباب الله يعينج على الخياط بياخذ اسبوعين يالله يخف اهم شي اهتمي بنفسج ولا تتربعين او تقعدين على الارض انتبهي لخياطج

 

[بدون بس مغتربه]

بسم الله ماشاء الله ولاده يسر ...
بصراحه ضحكتيني لما رحتو للطواري وان فيكم ولاده ولا يطلع صج هههههه

والحلووو انج ماتذكرين شي ان كان يعورج او لاا
شكلي بدعي مثلج على طول

 

[# غنوجة بيبي #]

ماشاءالله تبارك الرحمن
قصة ولادتج مشجعه ما تخرع
و الحمدلله ان ربج يسر ولادتج
عقبالنا يا رب تتسهل ولادتنا
قره بغيت اسألج..خذيتي ابرة ظهر؟لان ماشاءالله تقولين مو حيل عوار

الله يخليلج ولدج يا رب و تشوفينه معرس و يعينج على تربيته و يرزقج باخوان و خوات له

 

[بدون بس مغتربه]

ومبرووك ماياكم قره والله يخليه لكم ويتربى بعزكم.... العرف مستشفى خاص موو

 

[أمورته]

ماشاءالله قصتج وايد حلوه وتشجع ع الولاده فعلا الدعاء هو سر التيسر يارب تيسر وتسهل علي وع كل مسلمه
مبروك ماياج ويتربي بعزكم انتي وابووه

 

[لوولوو_88]

مشالله الحمدلله على سلامتج .. صج من قصتج استوعبت التساهيل من رب العالمين فعلا .. على كثر القصص الي الي قريتها .. ربي اتمم عليج و يخليلج شيخ الشباب و يرزقج بره يا رب

 

[Om al7la]

قرة عينه

ماشاءالله تبارك الله ذكرتيتي بولادتي في بنتي كانت
احلى ولاده واسهل ولاده كنت بجر وبالعرف ولدت عند
مدحت فوزي ومااخذت ابرة ظهر بس كمامهم عالم ثاااااني عجيب ماكان ودي اشيله

اي والله التساهيل من رب العالمين ادعوا بنات دايما
والله يتمم عليكم وتولدون ولاده سهله طبيعيه يارب

 

[# غنوجة بيبي #]

الله يسهل ولادتنا يا رب جميعا

اللهم سهل ولا تعسر يا رب يا رحيم

 

[فيلسوفة تتفلسف]

قرة ماشاء الله تبارك الرحمن قصتج تريح وتشجع على الولاده الله يخليج البيبي ويحفظه من كل شر

والله يسهل علي وعلى البنات

 

[HoD'HoD]

تبارك الرحمن قرة ولادتج ميسرة الحمدلله واذا على الخياط شدي حيلج الاسبوع يمر وان شاءالله يبرى الجرح بسرعة

صج شجعتيني على الولادة بدون ابرة ظهر وصج التساهيل من رب العالمين

الله يبارك بالمولود ويباركلج فيه ويرزقج بره ان شاءالله

 

[الأوركيد~]

غنوجة

يبارك فييج حبيبتي
عقبال لما نبارك لج بالولادة يا رب
الحمدلله
صح اللوعه للحين
بس اتوقع انها تخف
لكن بدت معاي الام خفيفه اتوقع انها توسع الرحم
الله ياجرنا
و ربي لك الحمد

قرة عيونه

ما شالله لا قوة الا بالله
:eh_s(7):
حبيبتي اللي صارت احلى ام
ربي يتمم فرحتج على خير
و يرزقج بره
و يعينج على تربيته


عقبالنا كلنا ان شالله نولد و نصير امهات
:eh_s(17):

 

[الأوركيد~]

اللهم انى استودعك جنينى الذى فى رحمى فرده إلي عند مولده مرداً سالماً معافى من كل شر وكل مرض وكل أذى
رده إلي فى أحسن حال من غير زياده أو نقصان
واجعل له جمال سيدنا يوسف وأخلاق سيدنا محمد صلى الله عليه وسلم فإنه لاتضيع ودائعك ولاخاب ولاندم من استودعك

اللهم اجعله قرة عين لى ولوالده ولأخواته والمسلمين
اللهم إني أعيذه بك وذريته من الشيطان الرجيم
اللهم سهل حمله وسهل ولادته ويسر سبيله أنت الذى خلقته وأنت الذى أنشأته وسويته
أبرأ إليك من حولي ومن قوتي لا إله إلا أنت
اللهم احفظه من بين يديه ومن خلفه و عن يمينه وعن شماله واقذف التوحيد فى قلبه و أعني على تربيته يا أرحم الراحمين

¤ (اللهم أنبته نباتاً حسناً، واجعله قرة عين لوالديه واحفظه، وبارك لنا فيه واجعله من أهل الصلاح والتقوى)

 

[منـآل]

قره، ألف مبروك
الله يخليه لكم ويتربى بعزكم إن شاء الله

وما شاء الله ع ولادتج سهله
الله يرزقنا يارب بولاده نفسها سهله وميسره ومن دون أي ألم

 

[مذهلة2013]

قره

الحمدلله على السلامه ومبروك ماجاج
هذه القصه الي تشجع مو قصص بعض البنات
والله احس الدم يوقف بجسمي

 

[فيلسوفة تتفلسف]

شلونكم بنات

انا اليوم تعبانه وبلاعيمي واحس جسمي شاب نار بنات الحراره تأثر على البيبي والله وايد خايفه

 

[# غنوجة بيبي #]

الاوركيد امين يا رب جزاج الله خير



فيلسوفه سلامات..راجعي دكتورتج افضل و خل تشوف شنو المضاد اللي ما يضر..مو كل علاج يكتبه المستوصف تاخذينه..لازم تستشيرين دكتورتج
و ماتشوفين شرر

 

[HoD'HoD]

سلامات فيلسوفة ماتشوفين شر

ديري بالج من الحرارة مو زينة على البيبي راجعي دكتورتج خل تعطيج أدوية ما تأثر على البيبي

اغلي ليمون بقشوره وشربيه مع عسل وترى البلاعيم اذا زادت يمكن تسويلج بلغم وكحة وقت الحمل وبالغصب تروح لحقي على نفسج من الحين لا تنطرين

 

[فيلسوفة تتفلسف]

غنوجه وهدد مشكورين حبايبي الشر مااييكم

ان شاء الله براجع واشوف

 

[فيلسوفة تتفلسف]

صباح الخير

مادري ليش الرد يطلع مرتين !

 

[Om_Sanad]

يالله ماشاءالله ولادة سهله قره
الحمدالله ربج يسهل الحمدالله
الله يسهل علينا وعل باقي الحبايب الي ناطرين وتجنعي الغالي يوليو ولا ان شكلي بولد بيونيو ههههههه