ديوانيـة --> بجريآت <-- : تعالوا نفضفض ونسولف !

[# غنوجة بيبي #]

مساء الورد..اللهم امين

 

[«ღ»Pure Soul«ღ»]

غلوووووووويه مس يووووو

شخبارج ؟؟

 

[HoD'HoD]

ماشاءالله تبارك الرحمن غطيت يومين عن التجمع وفتحته على خبر ولادة قرة لو ادري جان من زمان غاطة عشان تولد ههههه

مبرووووووك قرة حبيبتي عسى الله يجعله من الذرية الصالحة والحمدلله على سلامتج

الفال لكل اللي ادخلو التاسع شدو الحيل نبي القائمة تمشي من غير شر

 

[نور الضي]

الحمدالله علي سلامتج قره
والفال لج لما ولكل الي بالتاسع

 

[فيلسوفة تتفلسف]

شلونكم بنات

حمدلله اليوم دشيت بالشهر الرابع شهر الراحه ههههه واخيرا

 

[قرة عيونه]

حبيباتي والله الله يسلمكم ويبارك فيكم

عقبالكم يارب كلكم تصيرون امها وتولدون بالسلامه يارب

لما ههههه الله يسهل عليج يارب وتولدين باقرب وقت ي قلبي

وان شاء الله بس اطلع من الطبيب بكتبلكم تجربتي*

لان بكتبها لكم بالتفصيل وحالياً كل شوي ناس طالعه داخله هذا غير الخياط الله يعين يارب ويعدي هالاسبوع ع خير

 

[# غنوجة بيبي #]

حبيبتي قره

ان شاءالله تطلعين بالسلامه انتي و البيبي

بانتظارج اشتقنالج

 

[قرة عيونه]

حياتي وانا اكثر والله مشتاقتلكم

 

[أمورته]

حبيبتي قره والله مكانج مبين
الحمدالله ع سلامتج
وناطرين تجربتج

 

[أمورته]

حبيبتي قره والله مكانج مبين
الحمدالله ع سلامتج
وناطرين تجربتج

 

[HoD'HoD]

تطلعين انتي والبيبي بالسلامة قرة
وناطرينج حبيبتي

 

[نور الضي]

ارتاحي قره هاليومين
عادي ننطرج

 

[ZynaH-Q8]

حياتي قره الف مبرووك ماياج
وتطلعين بالسلامة ان شاء الله انتي والبيبي

جد فرحنالج تستاهلين كل خييير....
وبانتظار قصة ولادتج

 

[الأوركيد~]

قرة حبيبتي

مكانج مبين
:eh_s(7):
تطلعين و البيبي بالسلامة يا رب
عساه قرة عين لج
ناطرينج
:eh_s(7):


الغلا
اللهم آمين
:eh_s(7):


فيلسوفه
انا بعد دشيت ال4
بس للحين اللوعه
الحمدلله و الله يتمم لنا على خير
:eh_s(7):

الله يسهل للكل
خصوصا البنات اللي دشوا ال9
:eh_s(7):

 

[فيلسوفة تتفلسف]

اليوم رحت حق الدكتوره عطتني كالسيوم وحديد وحددت موعد ولادتي ٩/٩ تاريخ حلو ان شاء الله اولد بهالتاريخ وسألتني اذا سويت سونار قتلها لا قالت اول مره بجر للحين ماسوت بنات انا اسمعكم تقولون نسمع نبض البيبي بس موفاهمه شالسالفه ع بابي السونار بس عشان نعرف جنس البيبي صج بجر مااعرف عاد توها فهمتني الدكتوره ان شاء الله بسوي سونار واطمن

 

[فيلسوفة تتفلسف]

اليوم رحت حق الدكتوره عطتني كالسيوم وحديد وحددت موعد ولادتي 9/9 تاريخ حلو ان شاء الله اولد بهالتاريخ وسألتني اذا سويت سونار قتلها لا قالت اول مره بجر للحين ماسوت بنات انا اسمعكم تقولون نسمع نبض البيبي بس موفاهمه شالسالفه ع بابي السونار بس عشان نعرف جنس البيبي صج بجر مااعرف عاد توها فهمتني الدكتوره ان شاء الله بسوي سونار واطمن

 

[# غنوجة بيبي #]

فيلسوفه و الاوركيد الف مبروك دخولكم الرابع

احلى شهر الرابع و الخامس و السادس خفاف

السابع شوي تعب

ان شاءالله عقبال ماتبشرونا بالتاسع و ولادتكم


فيلسوفه شلون ما بين معاج النوع

النوع يبين من الاسبوع 13 عند الدكتور الشاطر بس

 

[قرة عيونه]

قصة ولادتي بشيخ الشباب الله يحفظه يارب*

الحمدلله حمداً كثيراً طيباً مباركاً فيه*

موعد ولادتي كان 28/3/2014
وولدت تاريخ 15/3/2014*
الاسبوع 38 ويوم بالضبط*
المستشفى العرف د. منتهى السالم*

كتبتلكم قبل اني رحت يوم الخميس العرف عند دكتوره دعاء لان ماكان عندي موعد عند منتهئ عشان اجيك ع البيبي واسوي سونار يعني موعد عادي وقلتلها تفحصني عشان بولد بسرعه وطلعت 3 سم بس مافيني طلوق كلش فقالتلي ردي البيت وتعالي اذا حسيتي بطلق واسمحتلي اشرب خروع*

بعدها رديت بيت اهلي وماحس باي طلق قعدت احسب وانطر واي عوار يجيني عبالي طلق كلش ماكنت افرق هههههه اخر شي زهقت ونمت لان اكتشفت ان مافيني عوار صجي قلت اذا جاني اكيد بقوم*

بعدها الجمعه بالليل رديت بيتي وريلي كنت موصيته يجيبلي خروع وع 12 ونص شربته مع عصير جوافه*

لا تشوفون اشكالنا قاعدين وننطر الطلق انا وياه وطبعاً ماكو اي شي ههههه جان نزهق وننام بس انا ماقدر انام خلاص كان السبت اخر موعد لتسجيل الروضه تاريخ 15/3 وانا من حملت ادعي اولد قبل هالتاريخ عشان يدخل صغير لوووول الكل كان يضحك ع تفكيري بس ماعلي من احد سويت اللي براسي*
المهم بعد مانام ريلي قمت وشربت خروع مره ثانيه مع عصير سانكست وحسيت بدا مفعوله شوي وبعدين وقف قلت خل انام احسن ونمت الفجر قمت ع 9 ونص وريلي توه قعد جان اقوله ها اشرايك نروح المستشفئ اليوم اخر يوم مادري ليش طاوعني كل مره كان يقولي الصبر زين ههههه*

المهم رحنا الطوارئ قلنا بنقص عليهم اقولهم فيني ولاده عشان يحولوني عند منتهئ لان ماخذت موعد*
وتجيك علي الدكتوره الهنديه مالت الطوارئ ولا تصدمنا 5 سم!!*
انا ماصدقت قلت شنو ولاده ؟ قالت ايي دخووووول ع طول قلت بس انا مافي طلق اكيد دخول ؟ يعني ادق ع ماما اقولها ؟ خفت انهم يرجعوني نفس ماصارلي الخميس ههههه

جان تقولي اكيد ولاده شلون يرجع بيت بعدين يسوي ولاده بالبيت يلا روحي مبروك بعد شوي يصير ماما هههههه انا استانست وع طول سوينا اجراءات الدخول ودقيت ع امي ورحنا غرفة العمليات وودعت ريلي اخنقتني العبره كان بيدخل قالت لا خلاص هني ولاده مايصير وافترقنا: (*

بعدين دخلت وبدلت ملابسي ولبست لبس الولاده وقالت بعطيج ابره شرجيه تذكرت حماتي كانت تذمها تقول تغث اخذي خروع احسن فقلت للسستر لا مابي انا ماخذه خروع وقالت اوك ع مابدلت وحطولي المغذي ومادري شنو كانت الساعه 11 وعشر جان تقولي السستر ماما اخذي كمام عشان تنامين يمكن اطولين قلت يلا اخذه مع اني ماحس بالم الف حمد وشكر لك يارب العالمين بس قلت اخذه عشان يمر الوقت بسرعه*

وطبعاً من اخذته دخلت عالم ثاني صج وناسه بس اللي اذكره كنت اقول للسستر شنو عطيتوني طلق صناعي ؟ كل شوي اسالها ههههه لاني متعقده منه اختي تذمه وكله كتت ادعي اني اولد بطلق طبيعي وعبالي انهم عطوني طلق صناعي يوم سالت الدكتوره ثاني يوم قالت لا ماشاء الله عليج ولادتج طبيعيه وطلقج طبيعي وكل شي تمام*
المهم اكملكم اللي اذكره ان الدكتوره جت وفحصت 6 سم بس ماكنت مركزه معاها فجاه الا اسمها تقول يلا ياسماء وانا كنت اقول دكتوره يعور يعور عبالي قاعده تفحص تعقدت من الفحص ولا طلعت تولدني وانا مو حاسه

فجاه السستر تقعدني كانت الساعه 4 ونص ولا اقولها يلاا خلصوا بوووولد كنت دايخه طبعاً هههههه جان تمسك بطني وتضحك تقول ماما خلاص انتي جبتي بيبي وانا مو مصدقه اقول صج انتي شفتي بيبي انا ؟ امانه قوليلي بيبي انا حلو ؟؟ وهي تضحك ماترد لاني حيل كنت دايخه وكل سستر اشوفها اقولها نفس الشي وقعدوا يضحكون علي وطلعوني من العمليات كنت للحين دايخه مادري انا وين اصلا ولا اسمع صوت زوجي قلت انت مني واقعد ابجي شكوووو مادري ههههههه هو خاف قال شفيج تعبانه قلت لا بالعكس ماحسيت بشي الحمدلله بس ابي اشوفه وينه انت شفته جان يوريني صورته*

هذا اللي حسيت فيه واذكره اما اهلي وزوجي قالوا اني ولدت الساعه 2 ونص يعني تقريبا قعدت 3 ساعه ونص بس بالولاده الحمدلله وقالوا ان منتهئ كل شوي تدخل وتجيك واني طولت شوي وانا 8 سم بعدها فتح 10 وولدت الحمدلله*

اول يوم كان احلا يوووم كنت للحين مبنجه وماحس باي الم ثاني يوم قمت عبالي عادي اقدر اتحرك جان ادوووخ حيل جاني هبوط لاني ماكلت عدل وبديت احس بالم الخياط: (*

اليوم ثالث يوم توني وصلت بيت اهلي للحين الم الخياط يعور بس احس اخف من امس واحس راحت الدوخه شوي

ادعولي امانه يمر الاسبوع بسرعه وافتك من الخياط حيل مضايقني*

والله يسهل عليكم كلكم يارب ويرزقكم بولاده سهله نفسي ونصيحه ع طول ادعوا اللهم يسر ولا تعسر كله كنت اقول جذي وسبحان الله تيسرت ولادتي الف حمد وشكر لك يارب*

واحساسي للحين احس اني بحلم للحين مو مصدقه كل اللي مريت فيه ومو مستوعبه اني اخيراً صرت ام لاحلا ولد بالدنيا فديته الله لا يحرم اي انثئ من هالشعور يارب العالمين

وسوري طولت عليكم بس لاني احب اقرا قصص الولادات بالتفصيل وانا حامل كنت ادورها دواره فقلت اكتب تجربتي بالتفصيل يمكن في بنات نفسي يحبون التفاصيل لووول

 

[بدون بس مغتربه]

بسك اللله ماشالله ولاده يسره الحمدلله الله يسهل علينا كلنا

 

[ElRaZaH]

واااي وناسه قره الحمدلله ع سلامتج حبيبتي
والف مبروك ويتربى بعزكم يارب والفال لنا كلنا بالولاده السهله يارب &#55357;&#56856;