ديوانيـة --> بجريآت <-- : تعالوا نفضفض ونسولف !

[بدون بس مغتربه]

نور وزنج كلش طبيعي مع وزنج انتي المفروض وزنج الطبيعي من غير حمل 45 كيلوو بس انتي 56 ونزلتي كيلوين يعني عادي مايفرق يقولون ...

لايف الله يسهل عليج يارب وتولدين بالسلامه وكل البنات اللي داخلين عالتاسع....

هدهد احلى شي النغزات صج الوالده ليش من اول يوم يزورونها لازم ترتاح كم يوم وخاصه البجريه ممكن تستحي ترضع قدام الحريم...يعني احراج واهي لها 30 ساعه تطلق والبولاده ومهدود حيلها ... الله يعين الوالدات بس

 

[أمورته]

السلام عليكم
ماشاءالله لاقوه الا بالله

بنات ابشركم اليوم سمعت نبض البيبي يارب لك الحمد وطلع بيبي واحد يارب تمم لي ع خير وتحفظه وتزرق كل البنات الي يتمنون الحمال اللهم امييييين

 

[لوولوو_88]

حياتي الف الف الف مبروووك وربي ارتحت جنا انا الي ما سمعت نبض جنيني .. الحمدلله امورته يوم تطمنتي حبيبتي

 

[Om_Sanad]

مبروك للي سمعوا نبض البيبي الله يثبته

 

[مذهلة2013]

اخيرا امورته
الف الف مبروك
ربي يتمم لج بس ديري بالج على روحج

 

[HoD'HoD]

بدون هههه صح كلامج كافي تعب الطلق والولادة وشي يديد تخيلي خياط ويالله تقعد وتقوم واكييييد راح تنام من التعب والناس فاضية تزور من اول يوم تكون توها يمكن صارلها ساعات طالعة من الولادة ماكملت يوم ونفس ماقلتي سالفة الرضاعة قصة ثانية تبي احد يعلمها ومو حلوة تطرد الناس بره

امورته
مبروووووك ربي يتمم عليج وعلى البيبي ويثبته ويحسن نموه برحمج

 

[أمورته]

بعد قلبي لولو ادري فيج تحاتيني ي غاليه ربي يطمن قلبي وقلبج دوم ان شاءالله
الله يبارك فيج ويخليج ي عمري


ام سند ربي يبارك فيج -- امين الفال للباجي


مذهله هههههه حده واخيرا ربي لك الحمد
ربي يسلمج ويخليج


هدهد الله يبارك فيج ي قلبي واللهم امين ربي يستجيب لج


والفال ان شاءالله للبنات الي ماسمعوا نبض البيبي

 

[نور الضي]

بدون
انا بالشهر الخامس لازم يزيد
حتي امي اليوم تقولي اكلي بين الوجبات فاكهه حليب طازج
البيبي ماعليه بس انتي غذي نفسج
امورته
الف مبروك والله يتمم لج علي خير

الله يرزق كل البنات بالحمل السليم يارب

 

[HoD'HoD]

اي صح نور ابدي اكلي بين الوجبات حتى لو روب فاكهة شربي عصاير وحليب او اكلي مكسرات كلها اشياء مفيدة

بس لا تحاتين انا نفسج ومراجعاتي قريبة بأول الخامس كنت نازلة والمراجعة الثانية بعد ٣ اسابيع زاد وزني ٣ كيلوات فجأة

 

[بدون بس مغتربه]

الف مبرووك امورته ابارك لج بالتجمعين وان شالله ربي يطرح البركه بحملج وكل شي يمر سهالات.
اي والله ياهدهد كلامج عدل الاه يعين بس .. عاد انا ماحب الكبسات خاصه لو كنت تعبان ماحب اراوي ويهي.

نووو التغذيه والوزن بعيدين عن بعض. اذا انتي ماتاكلين عدل وضعفج عشان قلت اكل وايد فهذا معاهم حق يقولون لج اكلي عن اثنين حتى.

بس اذا للحين تاخذين فيتامينات فهي الاي تسد الشهيه...
الحليب واي شي في فيتامين دال وكالسيوم اخذيه لان الطفل ياخذ من احتياطات الام فتتعب بعدين وعظامها تقوم تعورها .. انا اذكر دكتور قال لامي عيالج سحبو الفيتامي والكالسيوم لانها ماكنت تعرف شي.، وماتاكل

 

[نور الضي]

بحاول اكل اشياء مفيده مو خرابيط
واحاول اخفف الشاي والقهوه

 

[نور الضي]

بدون
امس الدكتوره وصفت لي كالسيوم مع فيتامين دال
غير برقنا بلان لي شهر اكله

 

[نور الضي]

تهقون قره ولدت اليوم الاثنين
غنوجه اذا صج ولدت لاتنسين تكاليف الولاده عليج
ههههه

 

[أمورته]

بعد عمري نور امين ي رب

بدون يزاج الله خير والفال لج ان.شاءالله

نور فعلا غذي نفسج
انا احاتي ازيد وايد اقول شلون اخسر هالوزن بعد الولاده
بس خلونا نحاول ناكل اكل صحي شووي
خلج ع عصائر فرش اذا ماتحبين فاكهه مثل حالتي
وصج دايما ينصحون بالحليب فحاولي ع اقل واحد باليوم

 

[لوولوو_88]

هههههه يا رب قرة ولدت يا رب و تبشرنا ما دشت اليوم فقدتها

 

[# غنوجة بيبي #]

هدهد اي ان شاءالله راح اشوف الغرف قبلها

امورته الف مبروك حبيبتي الله يثبته لج يا رب

نور لا قصدي تكاليف ولادتي اهي اللي تدفعها ههههههههه

 

[# غنوجة بيبي #]

باركولي بنات و اخيرا خلصت كل اغراض البيبي و سكرت جنطته

احس راحه نفسيه الحمدلله يا ربي

 

[بدون بس مغتربه]

والله يمكن قره بالولاده اذا كانت بالولاده الله يسهل عليها يارب.
اي نور عيل من الفيتامينات اعرفهم دايما يصير فيني جذي بس مو معناته ان الفيتامينات قلت عندي بالعكس معناته كل شي تمام بس على قولت امورته اكل صحي وعصاير فرش احسن شي

 

[بدون بس مغتربه]

غنوجه الف مبرووك عقبال ماتولدين بالسلامه

 

[بدون بس مغتربه]

بنات متى قلتو خفت النساه او راحت... يعني اكيد تروح بالرابع ولاتكملين لين تولدين.؟