ديوانيـة --> بجريآت <-- : تعالوا نفضفض ونسولف !

[أمورته]

انا بعد ريلي قالي غيري السلام عشان زحمه شارع البحر ومكانه بعيد عن بيتنا شوي
يقولي وقت صجيه نتوهق لانه بعيد وصاير بدواعيس ع ماتصفطين له

خالتي تمدح لي بدار شفاء مع انه ودي بالمواساه او السلام من زمان
بس عساها خيررره ان شاءالله

 

[قرة عيونه]

الف مبروك كويتيه حياج الله بينا حبيبتي

كتبي موعد ولادتج عشان اضيفج بالقائمه اذا حابه

بنات ادعوووولي اولد طبيعي وبطلق طبيعي هالاسبوع

يارب مايخلص هالاسبوع الا انا والده

وحيييل ودي بيوم الاثنين لان نفس اليوم اللي نولدت فيه مادري ليش احب يوم الاثنين وهم عاجبني تاريخ ١٠/٣ مع ان ماكو شي غريب بس احس قلبي حابه يمكن احساس الام ان بيكون هذا يوم ميلاد ولدي << بدينا تاليف ههههههههه

 

[# غنوجة بيبي #]

مبروووك كويتيه والله يثبته يارب...


انزين بنات يعني منو انتبه عليكم بالاشهر الاولى انج حامل ولا لما بينت البطن....؟

هههههههههههه ان احس حاله خاصه

على كثر ما كان ودي يبين جدام الناس و مستانسه راح يبين من الخامس


و دخلت السابع توه يبين

الظاهر من الشفاحه هههههه

طبيعة جسمي ماكان في كرش و. مع الحمل بطني مو كبير مع وزن البيبي طبيعي ما شاء الله


بس كبر البطن على قولة الدكتوره ماله شغل بالبيبي

اهو من طبيعة الجسم

 

[# غنوجة بيبي #]

عاد انا مااخر حملي سنتين الا هل المراقبه.....صح اساله تغث انا اغلب الاحيان الاشياء الشخصيه مااسولف فيه بس اسالتهم وكثرتها تخليني اجاوبهم اجابه سطحيه والله مع انها اجابه سطحيه بس اسد المكالمه او ارجع البيت اتهاوش مع ريلي نفس الليله........ فتوبه اي شي خاص ولاا بطريقه مودبه مااقول

انصحكم حتى لو دروا عن الحمل لاتقولون ولاتراون كل شي عندكم لاتقولين ريلي متفهم ويدلعني هل الكلمه عين ساخنه مو حاره........

اي والله الناس ما تعطي خير

انا نفسج متاخره سنتين بالحمل

حملي الاول من كثر ما يترقبون علمتهم و اجهضت بنهاية الثالث

صج ناس ما تعطي خير


هالحمل ما علمت الا لما عديت الرابع

 

[# غنوجة بيبي #]

امورته انا دار الشفاء ان شاءالله
امس بديت اراجع فيه
صج صج صج راقي و هادي و انا احب الهدوء و تحسينهم اهتمام و فاهمين
والله حتى باب السياره يبطلونه لج
امس فتحت ملف عندهم و راجعت عند الدكتور اللي ناويه اولد عنده
و من دخلته حسيت قربت الصجيه
الله يسهل هالشهرين على خير






قره يا رب تولدين طبيعي و تكون ولادتج سهلة ميسره من رب العالمين
و تقر عينج بشوفة البيبي بصحه و عافيه
ماحسيتي فبوادر؟؟شي مني منااااك هههههههههه
يارب تولدين و ترتاحين

 

[لوولوو_88]

امورته انا نفسج بطني منتفخ حملت على كريشه ههههه .. انا اهلي يدرون لأنه بطبع امي ما تخش و عودت اختي العوده و انا نفس الشي .. أهم شي الرقيه و الدعاء ربي الحافظ .. بالدوام يتني وحده قالت انتي حامل و بولد انا تنحت :/ .. قتلها على أي اساس هالحجي قالت من عيونج .. مادري أتعامل مع جن خرعتني صراحه و لبس دوامي فضفاض يعني أملها يبين ..

بنات تأمنون بالعين أكثر من الله الحافظ ؟؟ .. لا تحنون عين و عين انتو تجذبون هالشي لكم والله تفاءلو بأن الله الحافظ و اخذ و بالأسباب ..

أقرو هالموقف انا من النوع لازم أدعية صباح و مساء و دعاء خاص لجنيني .. من جم يوم نسيت اقرأ بس قريت حق جنيني .. رحت زرت خالتي بالمنتزه .. أول ما دخلت الشاليه زلقت بغيت اطيح بس بنت خالتي يمي امسكتني الحمدلله مر باقي اليوم وانا ناسيه .. صار الليل الي رايحه المنتزه خيران مو في بلكونة برا و حاطين نفس الدش برا حق الي يسبحون بالصيف ف الدش صاير مستواه أنزل من الأرض .. قاعده اتعشى ولا ارجع الكرسي بعدل قعدتي وليش يا بنات ما ينزل طرف الكرسي و انا مو حاسه و فجأه يرجع لي ورا بغيت اتكود لي ورا بس ربي فطني قبل لا اطيح لي ورا مسكت الطاولة الي جدامي ولا طحت صرخت صرخه الكل التفت بالشاليهات يمنا .. وااااي يا بنات قمت اتنافض قلت بس راح اطيح لي ورا و جنيني بطيح من قوة الطيحه .. بس ربي حفظه الف الحمدلله الف الحمدلله

الأدعية يا بنات الأدعية مهمه ربي الحافظ صدقوني

 

[لوولوو_88]

قرة يا رب تولدين هالاسبووووع ولاده طبيعيه و بطلق طبيعي انشالله و تكون سهلة و ميسرة ياااااا رب ♡

اذا على المكان أغلب المستشفيات مكانها غلط و لا نولد حزت زحمه .. دار الشفا حولي ظيم .. السلام بحر بس على الأقل أغلبه هاي وي خط فحيحيل و إشارة وحده .. المواساة بنص السالميه و دخلته يا بحر يا دواعيس السالميه صوب الجامعة الأمريكية و لويتها .. ولا رويال يا سلااااااام إشارة الرابع الجابريه ولا دخلتي من الخامس الف لفه و الف دوار عشان توصلين .. والهادي قاعد ينقرضون الي يولدون فيه صراحه .. أما الباجي ما افكر أولد فيهم امومه و عرف و سيف و غيره

نرد و نقول تساهيل من رب العالمين

 

[lawyara]

اتصدقون احس الثامن خفيف ويمشي سريع ،، يمكن ليش مشغوله بترتيب الاغراض وشغل الاستقبال

بس السابع كان ثقيل علي و ممل

 

[قرة عيونه]

غنوجه ولولو فديتكم الله يسمع منكم

غنوجه انا كله احس ببوادر بس الكل يضحك علي يقول تتهيئين هههههه

وامس حسيت عوار خفيف بغيت اقعد ريلي واسوي فيلم جني بولد بس كسر خاطري عليه دوام قلت خل اتعوذ من ابليس وانام هههههه

وطبعا قمت مافيني شيء

 

[قرة عيونه]

لوير انا حسيت السادس والسابع والثامن مروا بسرعه الحمدلله عقبال التاسع

 

[قرة عيونه]

ابشركم بنات عاشقه ولدت ولله الحمد

 

[قرة عيونه]

قائمة بجريات 2014 باذن الله


1- قرة عيونه (28 / 3)

2- (live life (31 / 3*

3- ( fo0oshy ( 3 / 4

4- (23/4) مآيكبرني نك

5- (lawyara (28 / 4

6- ( 15/5) ليالي العاشقينه

7- (hod'hod (26 /5*

8- رفيعة الشآآن ( 27 / 5 )

9- # غنوجة بيبي # (4 / 6)

10- ( Zynah-Q8 ( 14 / 6

11- شربات لوز ( 24 / 6 )

12- سور المدينه (28 / 6)

13- ( 4 / 7) om_sanad

14- (bnt-usa (7 / 15

15- مذهلة2013 (16 / 7)

16- (al_sheikha (29 / 7

17-18 ( 20 / 7 ) تدخلين القلب & ElRaZaH

19- نور الضي ( 6 / 8 )

20- سكر معقود ( 8 / 8 )

21- آشوآآآق ( 2 / 9 )

22- طموحه بزياده ( 4 / 9 )

23- فيلسوفة تتفلسف ( 8 / 9 )

24- الأوركيد~ ( 17 / 9 )

25-26-27 ((هايدي)) & أمورته & لوولوو_88 ( 7 / 10 )

28- ( BaRBya ( 26 / 10

29- بدون بس مغتربه ( 30 / 10 )


♥♥♥♥♥♥♥♥♥♥♥♥


عاشقه هواك طلعت من القائمه من غير شر الله يحفظلها البيبي ويبلغها فيه يارب

واخيراً وصلت رقم 1 احم احم :$

صارلي شهووووور انطر هاللحظه ونااااسه

 

[بدون بس مغتربه]

قاعده اقراا وبقول ان شالله تولدين الاثنين ماشالله تبارك الرحمن مبرووك ماجاج قره ويتربى بعزكم وتفرحين فيه وبعيال عياله

 

[بدون بس مغتربه]

هاا انا ضيعت عاشقه اللي ولدتت الف مبروووك لها والحمدلله على سلامتها يلااا قرب دورج وباذن الله سهالات...وتولدين بيوم الاثنين.. واذا الاحد عادي علي خخخخخخخخخخخ لا اتغشمر....

 

[lawyara]

الله يسهل عليج قره وتولدين بالسلامه

 

[قرة عيونه]

ههههههه بدون حلووو فالج ان شاء الله اولد قريب


امين حبيباتي ويسهل عليكم يارب

 

[لوولوو_88]

مبروك ما ياها عاشقه يتربى بعزهم انشالله ♡

 

[نور الضي]

الحمدالله علي سلامه عاشقه
والفال لج ياقره بيوم الاثنين
لولو
ضحكتني سالفه الي معاج بالدوام
كل شي يقول فيج ولد
الله يجعله من الذريه الصالحه
خلاص صدقت ان فيج ولد قبل السونار


بنات
اليوم رحت موعدي
وتاكدت ان فيني بنت الحمدالله
بس زفتني لاني نازله كيلوين

 

[نور الضي]

بنات
موشرط رقم 1باللسته تولد قبل
يمكن رقم 2تولد قبلها
ان شاء الله رقم 1و2بيوم واحد
ويمشي دورنا?

 

[lawyara]

جان يصير رقمي 5 @@
يمه قربت