ديوانيـة --> بجريآت <-- : تعالوا نفضفض ونسولف !

[مذهلة2013]

قرموشه
كللللوووشششش الف الف مبروك حبيبتي

 

[أمورته]

قرموشه الف مبروك ويتربى بعزكم

 

[قرة عيونه]

قرموشه الف الف مبرووووووك حبيبتي الحمدلله ع سلامتج

بلنتظار قصة ولادتج لما ترتاحين نبيها بالتفصيل بردي قلوبنا وشجعينا حنا البجريات

 

[قرة عيونه]

قائمة بجريات 2014 باذن الله


1- عاشقة هواك ( 22 / 3)

2- قرة عيونه (28 / 3)

3- (live life (31 / 3*

4- ( fo0oshy ( 3 / 4

5- (23/4) مآيكبرني نك

6- (lawyara (28 / 4

7- ( 15/5) ليالي العاشقينه

8- (hod'hod (26 /5*

9- رفيعة الشآآن ( 27 / 5 )

10- # غنوجة بيبي # (4 / 6)

11- ( Zynah-Q8 ( 14 / 6

12- شربات لوز ( 24 / 6 )

13- سور المدينه (28 / 6)

14- ( 4 / 7) om_sanad

15- (bnt-usa (7 / 15

16- مذهلة2013 (16 / 7)

17- (al_sheikha (29 / 7

18- تدخلين القلب ( 20 / 7 )

19- نور الضي ( 6 / 8 )

20- سكر معقود ( 8 / 8 )

21- آشوآآآق ( 2 / 9 )

22- طموحه بزياده ( 4 / 9 )

23- فيلسوفة تتفلسف ( 8 / 9 )

24- الأوركيد~ ( 17 / 9 )

25-26-27 ((هايدي)) & أمورته & لوولوو_88 ( 7 / 10 )

28- ( BaRBya ( 26 / 10

29- بدون بس مغتربه ( 30 / 10 )


♥♥♥♥♥♥♥♥♥♥♥♥

 

[قرة عيونه]

يلاا بنااات استانسوا تغيرت ارقامكم لوووول

عاشقه شدي حيلج ودي بصير رقم 1

 

[قرمووشه]

يابعد قلبي كلللللكم
الله يبارك فيكم
والله يسلمكم من كل شر

اي اي تغيرت ارقامكم عقبالكم الولاده الطبيعيه السهله يااااارب

 

[قرة عيونه]

امييين يارب حبيبتي قرموشه فديت اللي صارت ام انا

 

[lawyara]

اميين يا رب يسهل عليناا
قربت الصجيه ههههههه

 

[نور الضي]

الحمدالله علي سلامتج
قرمووشه

 

[مآيكبرني نك]

Omg


صرت رقم 5

يآويل قلبي *.*

 

[# غنوجة بيبي #]

الف مبروك قرموشه و يتربى بعزكم يارب

 

[# غنوجة بيبي #]

وناسه صار رقمي 10

و اخيرا تحرك هههه


عاشقه و قره يلا اولدو ابي يصير رقمي 8

 

[نور الضي]

عاشقه وقره كلهم تجمع مارس
الله يهون عليكم
ونشيلكم من اللسته

 

[قرمووشه]

بعد قلبي كلكم
الله يبارك فيكم
ويارب يسهل عليكم

 

[قرمووشه]

قصه ولادتي

يوم الثلاثا الساعه ١٢ الظهر قعدت من عوار ببطني تحت
وفجأه راح العوار قمت وغسلت
وبعدها بنص ساعه رد العوار
عوار مغص بلبطن تحت اخر البطن
بس العوار ماكان وايد
كان مغص خفيف
كنت اقدر امشي واتحرك لمن يجيني يعني مغص خفيف


دقيت على امي وقلت لها فيني مغص خفيف
قالت اذا زاد عليج روحي الطبيب

المهم تم هلمغص نفس عوار ومدته من الساعه ١٢ الظهر ليما الساعه ٦ المغرب

قلت ماني رايحه لطبيب الا اذا زاد علي العوار

يوم صارت الساعه ثمان ونص العوار زاد علي
المغص صار اقوى ولمن يجيني مااقدر اتحرك
كان يعوور

رحت العدان الساعه تسع بليل

دقيت على امي عشان تجيني للعدان
قلت ابيها عندي

المهم دشيت ع الدكتوره وفحصتني قالت ثلاثه سانتي
وقالت روحي سوي تخطيط

رحت سويت التخطيط مدته نص ساعه

بعدها امي قالت لي امشي الحين عشان يتوسع الرحم

تميت امشي بلعدان رايحه وراده
مشيت تقريبا ثلث ساعه

بعدها قعدت ماقدر اتحمل العوار

عاد قالت امي الحين روحي افحصي

وروح للدكتوره واعطيها التخطيط
ولا تقول فيج طلق وحامي بعد

المهم فحصتني جان تقول اربعه سانتي

يلااا يلااا انتي ولاده

واااااي بنات ماتدرون شنو صار فيني
شعور لايوصف

بجيت دمعت ماقدرت امسك نفسي
بعد قلبي امي حرام توترت لمن شافتني

شاسوي والله مو مني بس صار جذي

المهم جينا لوقت الصجيه
قطو ملابسي ولبسوني اللبس الاخظر

حطوني بلكرسي ودزوني لسرداب قسم الولاده

عيوني تدمع قلبي يطق

استغفرت ربي وقريت المعوذات

دخولوني غرفه رقم ثلاثه فيها ثلاث سسترات
سدحوني ع السرير
طقوني ابره الدرب بلايد

فحصوني اربعه سانتي

الطلوق تجيني وتروح تجي وتروح
وانا كل ماتجيني طلوق استغفر واستغفر واستغفر

وامن تروح احس يجيني النوم
يمكن من الدرب فيه شي يخدر الجسم

الوكاد دخلت غرفه الولاده الساعه ١٢ ونص
لمن صارت الساعه ٢ جتني الدكتوره فحصت ولا خمسه سانتي

قالت تبين ابره ظهر عشان ماتحسين

قلت لها لا مابيها
قالت تتحملين

قلت لها اي قادره اتحمل الحين

قالت قادره تتحملين ليمن يصير ثمانيه

قلت لها ان شاءالله اقدر

المهم ماخذيتها

وتم الطلق يجيني ويروح كل خمس دقايق
اون من عًواره بس احاول اني استغفر واقول استغفر الله

ليما صارت الساعه ثلاث خلااااااااص صارت الصجيه

صار الطلق حامي وانا ماخليت الاستغفار واني اولد طبيعي وادعي ربي يسهل علي

فجأه ولا ماقمت اقدر اتحمل خلاق بموت من العوار قمت اصيح
وتجيني الدكتوره وتفحص ولا عشره سانتي قالت يلا ولاده

قمت اقول للدكتوره ابي الحمام بروح الحمام
جان تقولي لا خلاص البيبي راح يطلع
انتي الحين ولاده

قالت اذا جا طلق شدي

والطلق كل دقيقه كان
ولا اصيح طلق طلق

وتقولي يلا بوووش بووش

واسوي بوش حدي حدي
ويروح الطلق

وقالت اذا جا سوي بوش قوي

ويجيني طلق واصيح واقول طلق دكتوره
وتقولي يلا سوي بوش بوش

واسوي بوش حدي حدي
خذيت هوا وسويت بوش

وفجأه طلع
خذوه وحطوه على صدري

ربي لك الحمد الله لايحرمكم من هلحظه

قالتلي الدكتوره ممتازه انتي ممتازه
لاني ماكنت اصارخ

المهم راحت الدكتوره

وجا الدكتور عشان الخياط

وااااي طلعت روحي من الخياط
الله يسامحهم البنج مو وايد قوي

احس بغرزه الابره لمن يخيط
صحت منها
قالي معلش يابنتي شوي بس

شاسوي بعد تحملت

والله حيل تعورت من الخياط

الوكاد خلصت وحطوني بملاحظه
من الساعه خمس الصبح ليما الساعه عشر ونص الصبح

لمن صارت الساعه عشر ونص الصبح
جاني الدكتور اللي خيطني
وقال بشوف الخياط

انا على نيتي عبالي العوار اللي احسه عادي وكل الناس جذي

اثاري لا وانا مادري

المهم قال بفحصج
فحصني قالي ترا انتي وقت الخياط صار فيج نزيف
وحاولنا نوقفه ماوقف فحطيت لج قطعه قماش صغيره

جيكو قال صغيره

قلت اوكي دكتور

فحصني وفجأه ولا انا قمت اصيح
عًار عوار مت منه
ولا شنو ??????

طلع قماش والله والله يابنات طول ايدي كلها تحيلة

طالعت انصدممممت شنو هذا
كل هذا هني!!!!!

بنات طول ايدي بس ظعيفه وكلها دممم

المهم يوم طلعها خف العوار بنسبه خمسين بلميه

كان عذاااب بس لمن طلعت الحمدلله خف

وكانت كلهااااا متروسه دم
ماقدر اقوم ولا اقدر امشي ولا حتا الف على جنبي وانا منسدحه

اذا بتحرك لازم انادي سسترر

خلوني بلملاحظه
يوم كامل وعندي بنتي
يوم الخميس الصبح
صار لي يوم كامل على ولادتي
طبعا مانمت لان بنتي عندي
ونظام العدان يخلون عندج البنت ماياخذونها

بس اهم يغيرون لها ويسبحونها ويرضعونها

والحمدلله صعدوني للجناح انا وبنتي

باقي التحاليل حاليا للبيبي

نصيحتي لكم لاتخلون الاستغفار ابد ابد ابد

في بدايه طلقي تسبحت غسلت جسمي وشعري
ماستشورت شعري >>مالي خلق له
قريت المعوذات والاذكار وقريت سوره البقره بنيه تسهيل الولاده وبركه وتكفيني شر العين
ماقريتها كلها لاني رحت لطبيب
وشربت ماي مقري وتوكلت على الله

والحمدلله
عسى الله يسهل عليكم ويقر عيونكم بشوفت بيبياتكم بصحه وسلامه
امين يارب

وااب ااب

 

[RamoOosha]

مشكوووووره

 

[قرة عيونه]

حبيبتي قرموووشه الحمدلله ع السلامه كل شيء باجره يارب

عسى الله يحفظلج بنوتج ويبلغج برهاا

 

[بدون بس مغتربه]

الحمدلله على سلامتج قرموشه ويتربى بعزكم
والله دمعت عيني وخفت بصراحه من الولاده يايمه ماقدر اتخيل

انا شفت الولاده اللي هني اذا صار نزيف او دم يضغطون عالمعد ويطلع غيربه يحط لج خرجه يايمه شلون تحملتي

اجر وعافيه ان شالله

الحين نناديج ام شنوو..؟

 

[بدون بس مغتربه]

ها سوال اخر قرموشه مو جنج ولدتي قبل وقت باسبوعين؟؟؟

 

[عطر الدوحه]

بدووووون بس مغترب ممكن سوالل ماعليج امر اول ماحللتي كم كانت النسبه واي يوم لج