ديوانيـة --> بجريآت <-- : تعالوا نفضفض ونسولف !

[سور المدينه]

بدون الف مبروك وربي يثبت حملك ويتمم لك على خير

انا عني مابديت تجهيز ولا شيء

 

[نور الضي]

سور
زوجج مو راضي تراجعين بالمره؟

 

[HoD'HoD]

غنوجة
لا والله !!!! موعدي الياي بعد اسبوع خطتي اطلع من الموعد واروح اجهز ملابس البيبي وبهجم معاهم ههههه

بدون
في اشياء اساسية مثل المميات ولبس محايد ومهادات وكبابيس وفوط واغراض السباحة والجناط وغيرها خلو الملابس اخر شي لما تعرفون الجنس ان شاءالله

 

[نور الضي]

هدهد يمكن الشهر الجاي
ابدي بالتجهيز للشغلات هذي
او اشتري محايد

 

[سور المدينه]

نور الضي للاسف رافض اني اراجع ابدا
رحت بدايه الحمل لانه قلت له مايولدون اذا ماعندي استمارة حمل
والحين مايرضى لي اروح المراجعات

 

[مذهلة2013]

سور
مايصير هذا ولدج وانتي حره
سوري على هالكلام بس ريلي عالعين وعالراس
بس مايقعد يحط هالموضوع اعناد او من باب الرجوله
فهميه قوليله في اي وقت ممكن اولد لازم اروح اراجع
اجيك على الوزن وحاله الياهل

 

[# غنوجة بيبي #]

قره تحركو شوي اولدو هههههههه

ليلحين رقمي 11 لووول ابي يتحرك

 

[بدون بس مغتربه]

الله يبارك فيج سور المدينه... بس ليش ريلج رافض على اي اساس رافض ؟ فوق ماجايبه له عيال هم مو من حقج تهتمين بصحتج وصحة الطفل؟؟؟
ماعليج منه شوفي لج اي احد وروحي معاها وراجعي. طاعت الزوج عل العين والراس بس مو من حقه يحرم زوجته مثلا من اهلها او الطبيب..!!!

انا يمكن فهمت الموضوع غلط لكن ماكو سبب يخليج ماتراجعين لان هو مايدري عن صحتج وصحة الحامل بالحمل ابد.

 

[نور الضي]

سور
الله يهديه
روحي مع امج وسوي سونار واعرفي جنس البيبي
لانج بجر وانا حاسه فيج
ولا تعلمينه شنو فيج
انا زوجي عنده نفس الاعتقاد
ان ماله داعي تراجعين

 

[نور الضي]

انا ترتيبي 20
متي اصير 1
الله كريم

 

[أمورته]

صح كلام بنات سور
اغلب الرياييل يشوفون مراجعه مالها داعي
عيل انا ريلي يقول كاه حريم.اول حملو ولدو من غير مراجعات ههههت عباله زمن واحد
بس حاولت حاولت وايدد اقنعه والله يهديه لي ويهدي لج زوجج

 

[لوولوو_88]

يا سور خافي على نفسج و على الي ابطنج الله يكافيكم الشر و يحفظ اجنتكم .. والله رووووح ربي بسألكم لا صار فيه شي .. شلون قلبج مطاوعج اصلا .. شوفيني اول الحمل و احاتي الي كبر حبه العيش عسى ربي ينفث فيه الروح و يطمن قليبي .. ربي يهدي زوجج قلبه صخر .. انا ريلي يركض قبلي للمراجعات .. الله لا يقسي قلوبنا

 

[لوولوو_88]

بنات تكفوووووون ادعولي باجر موعد سوناري دعوة بظهر الغيب عساها تستجاب منكم و ايي ابشركم يا رب ♡

أثقل اسبوعين مرو علي بحياتي جد طمن قلبي يا رب و اتمم فرحتي .. يا رب ظني بك جميل فحقق لي الهي حسن ظني ♡

 

[أمورته]

ربي يبشرنا ويبشرج ي لولو بلي نتمنى يارب يارب رلكل من قالت امين

 

[نور الضي]

بنات
جهاز سونااااار توصلينه بالتلفون
Smartphone Ultrasound, MobiUS SP1 | Mobisante
ههههههههههههههه
يبيلي واحد ولا كثر مراجعاتي عشان نوع البيبي

 

[نور الضي]

يارب تبشرينا يا لولو

 

[# غنوجة بيبي #]

الله يطمن قلبج يا لولو

 

[قرة عيونه]

غنوجه هههههه

اتوقع توو الناس علينا يمكن عاشقه وقرموشه توهم اليوم دشوا التاسع

وانا بعدهم بكم يوم

الله يسهل واولد بالاسبوع الثاني يارب

 

[نور الضي]

قره اهم شي السلامه
ولا ولاده اول التاسع واخره مو مهمه

 

[قرة عيونه]

اي والله الله يحفظهم يارب

بس دايم يقولون الافضل يمر اسبوع بالتاسع عشان تكتمل الرئه

وانا صراحه مافيني ضبر فقاعده ادعي اني اولد ثاني اسبوع ع طول ويكون ياربي مكتمل نموه وكل شيء

والله يسهل على الكل يارب