ديوانيـة --> بجريآت <-- : تعالوا نفضفض ونسولف !

[مآيكبرني نك]

هد هد امشي ع احسآسج

انا من قبل لآ يبين بالسؤنآر واحساسي متنبئ بالجنس

وفعلآ طلع احساسي ف محله

فديت احساس الآم ياربي

 

[# غنوجة بيبي #]

هدهد شناطره روحي لاشرف بالسلام

يصيده صدقيني

و طييييب

و احلى مافيه انه اذا ما بين يردلج كل فلووسج

يا بلاش

 

[قرة عيونه]

انا اللي اعرفه بالحمال يزيد الشعر اول مره اسمع ان يقل

وانا مع اني مسويه ليزر بس لما حملت احس قام يطلع شعر صج مو نفس قبل الليزر بس هم في شعر لازم اشيله

واكثر من وحده جذي معروف الحمل يزيد شعر الجسم

صج بنات احساس الام هو الصح والله انا الكل كان يقولي حاسين فيج بنت

الا انا بقلبي احساس ان ولد حتى لما كنت اسولف عنه اسولف جنه ولد يقولون شنو عرفتي جنسه اقول لا والله بس مادري كله احس ان ولد

وطلع صج ولد لوووول

 

[HoD'HoD]

انا ماشية على احساسي حاليا بس اخر مراجعة قالت لي احتمال بنوتة

ومن الحين اهلي كل يوم شارين شي وردي لووول اقولهم نطرو انا حاسة ولد مو بنت

غنوجة موعدي عقب باجر بروح وان شاءالله هالمرة البيبي فاتح ريوله واذا ماصار يمكن اسوي الرباعي مو اكيد بعد

مادري ليش مو متحمسة وايد اعرف عادي عندي بنت او ولد بس احاتي صحته يمكن عشان اجهضت ٣ قبله صاير تفكيري بس ان يولد بالسلامة

 

[قرة عيونه]

هو اكيد بنت ولد كله نعمه من ربي واهم شي الصحه والعافيه

بس عشان التجهيز نطري لا تجهزين وردي او ازرق اشتري اوفوايت وفواتح تنفع للجنسين ولما تتاكدين عاد بدعي بالتجهيز ع راحتج

 

[HoD'HoD]

اي والله قرة كلهم نعمة من الله

وهذا اللي راح يصير بشتري كله محايد والوان محايدة اصفر برتقالي اخضر فاتح

 

[قرة عيونه]

اي زين تسوين

 

[# غنوجة بيبي #]

هدهد سوي رباعي و ريحي مخج

اهو الحمدلله كلهم نعمه

بس هم الام ودها تعرف

 

[مذهلة2013]

هدهد

غريبه مابين ؟؟؟؟
المفروض من الرابع يبين

 

[الأوركيد~]

بنوتات
انا احس باللوعه و الصداع و النوم و الخمول
بس ما احس بآلام قوية فالحوض او البطن و الظهر
و هالشي يخوفني لا سمح الله
مع ان باخر موعد كان كلشي تمام الحمدلله
و راوتني النبض ما شالله
بس اشوف اغلب البنات من الاسبوع ال5
يقولون آلام قوية و جذي
فخفت لاسمح الله

الله يطمن قلبي و قلبكم يا رب

 

[HoD'HoD]

غنوجة
اي صح ودي اعرف بس مو متشوقة وايد عادي عندي مابي استعيل على الرباعي احس تو الناس انا بنص السادس الحين اذا مابين باجر لي الموعد اللي وراه في مجال اعرف خصوصا انا بجهز على شهر ٣

مذهلة
المشكلة من اخر الثالث والبيبي كله مصكر ريوله وسويت خطط اكل قبل الموعد كاكاو عشان يتحرك
تلقينه يتحرك واهو متربع هههه والمرات اللي فاتح ريوله الحبل السري مغطي المنطقة الله مو كاتب اعرف الحين

الاوركيد
عادي حبيبتي جسم عن جسم يفرق دام تطمنتي على النبض لا تحاتين
انا ماكنت احس بأي الم بالبطن والظهر معنه دكتورتي قالت لي راح تحسين بالالم لي اول الرابع
بس الحمدلله ماحاشني هالشي
وعوار الظهر والحوض يبدي من الخامس لا تستعيلين عليه
والله يثبت حملج وييسره

 

[نور الضي]

اوركيد
انا مثلج ماكو الالام قويه
ولا تقارنين نفسج بالبنات كل جسم يختلف
دشيت الرابع وماكو شي
اللهم ظهري يعورني من كثر القعده انسي نفسي

 

[# غنوجة بيبي #]

^^^

الاوركيد كله طبيعي حبيبتي

انا ما انام الليل من عوار الحوض
بس يتسلط علي الهوار وقت النوم يصير شد عضلي بس لما اقوم عادي

و لما سألت الدكتوره تقول طبيعي تحملي وهن على وهن

و كل ماله يزيد و بدا معاي من الشهر الخامس و يمكن انتي بدى معاج مبجر

و بالنسبه لعوار الدوره استمر ليم دخلت الرابع عوار بطن بعدين اختفى و بدى يصير شد يعني طبيعي لان اول ثلاث اشهر يتكون البيبي يعني تحسين جنه الدوره بتنزل

و عوار الظهر بعد طبيعي بس اذا عورج تسندي او انسدحي ريحيه


كله طبيعي دام ماكو دم بس ديري بالج من الاتهابات اسم الله عليج منها

كثري ماي احتياط

 

[رفيعة الشآآن]

اوركيد جسم عن جسم يختلف

وعوار العظام اغلبه من نقص الكالسيوم وفيتامين دال فعشان جذي يختلف من وحدة لي وحدة

لاتحاتين ولاحقة على عوار الثقل

 

[الأوركيد~]

فديتكم امهات
وحده وحده
الله يطمن قلبكم
و يريح قلوبكم
و يعطيكم الولادة السهله و فوق ما تتمنون يا رب

 

[قرة عيونه]

الاوركيد تطمني اصلا بالحمل ماكو العوار اللي يعور حييل الا وقت الطلق

كله يكون عوار توسع حوض او تكون مشيمه ويكونوعوار مقدور عليه يعني مايعور حيل

بالعكس تحاتين لو جاج عوار قوي دام ان كل شيء اوك لا تخافين

 

[ملح الكون]

ياحلاتكم يالبجريات الله يقر عيونكم بضناكم وتقومون بالسلامه

 

[نور الضي]

شلونكم
انا احس بعوار نفس الشد من اخر الظهر الي الخلفيه
مدري ليش

 

[قرة عيونه]

حياتي ملح الكون تسلمين اللهم امييين

نور عادي انا حاشني شد عظلي استمر شهرين بالخامس والسادس

اشوه الحمدلله الحين خف

 

[قرة عيونه]

قائمة بجريات 2014 باذن الله


1-2 قرمووشه & عاشقة هواك ( 22 / 3)

3- قرة عيونه (28 / 3)

4- (live life (31 / 3*

5- ( fo0oshy ( 3 / 4

6- (23/4) مآيكبرني نك

7- (lawyara (28 / 4

8- ( 15/5) ليالي العاشقينه

9- (hod'hod (26 /5*

10- رفيعة الشآآن ( 27 / 5 )

11- # غنوجة بيبي # (4 / 6)

12- شربات لوز ( 24 / 6 )

13- سور المدينه (28 / 6)

14- ( 4 / 7) om_sanad

15- (bnt-usa (7 / 15

16- مذهلة2013 (16 / 7)

17 - (al_sheikha (29 / 7

18- تدخلين القلب ( 20 / 7 )

19- نور الضي (6 / 8 )

20- سكر معقود ( 8 / 8 )

21- آشوآآآق ( 2 / 9 )

22- الأوركيد~ ( 17 / 9 )

23- لوولوو_88 ( 29 / 9 )


♥♥♥♥♥♥♥♥♥♥♥♥♥


ابشركم غنيمة مقيمة اليوم ولدت وطلعت من القائمه من غير شر

الحمدلله على سلامتها والله يحفظلها البيبي ياااارب

وعقباااالنا كلنا

الحين الدور على عاشقه وقرموشه نشوف منووو بتسسسبق