ديوانيـة --> بجريآت <-- : تعالوا نفضفض ونسولف !

[lawyara]

اول الرابع كانت تيني نغزات مره صوب اليمين ومره عكس و عقب بدت اتصير رفه وساعات جنه فقاعات داخل البطن

بعدين بدت احس مثل رجقع بعضلة البطن خفيفه
بس قبل لا ادش الخامس باسبوع صارت اتبين حركه احس شي جنه يطق طقه خفيفه وصارت اقوى
طبعا حاليا لا واضحه اعرف اذا قاعده تتحرك واذا حطيت ايدي احس فيها

انشالله قريب بتحسين خصوصا اول الخامس بتلاحظيين

 

[# غنوجة بيبي #]

انا بنص الرابع و صارلي اسبوعين احس بنغزات

و من اسبوع اللي طاف احس بارتعاش نفس الرجفه داخل

و مره كنت نايمه على ظهري

حسيت شي متيبس عاليمين بالرحم و فجاه صار التيبس موجود بالنص و بعدين رد اليمين

مادري الجنين او الغازات بس توها قبل يومين

 

[lawyara]

اييييي انشالله هذي بوادر الحركه

 

[HoD'HoD]

انا بعد يومين ادش الخامس بس ليلحين ما احس بشي

قبل امس بس حسيت برفه بسيطة واليوم نغزات على ضغط مادري شلون اشرح الشعور هههه ومن زمان احس بكتلة يابسة مرة بالنص ومرة يمين

 

[# غنوجة بيبي #]

لاوريه الله يبشرج بالخير


هدهد انتي نفس اللي يصيرلي حاليا كتله يابسه و نغزات

 

[al_sheikha]

انا توني مااحس بشي غير عوار شوي ببطني

 

[# غنوجة بيبي #]

الشيخه طبعا توج بالثاني البيبي ليلحين ما تكون كل شي




بس الايام تمر بسرعه

 

[al_sheikha]

ان شاءالله يارب بنات متا يبين جنس الجنين ؟ خخخخ حيل مستعجله ^_^

 

[# غنوجة بيبي #]

انا بين في الاسبوع 13

 

[قرة عيونه]

غنوجة أنا تقريبا ع اخر الرابع قمت أتضايق من النومه ع جنب وصج أقوم ع العوار ولازم أغير وضعيتي كل شوي احس جسمي بسرعه يعورني اذا ظليت ع وضعيه وحده

بس أشوه الحين احس شوي خفت المعاناة مع ان المفروض تزيد لان كبر بطني ماشاء الله بس يمكن لآني تعودت خلاص هههههه

 

[قرة عيونه]

اي بنات اللي تحسون فيه بوادر الحركة أنا كنت احس جذي بس ماكنت أميز اذا حركه او لا بس بنص الخامس حيل صارت وأضحت وقمت أميز

الشيخه من الأسبوع ١٣ يبين بس الاكيد ع الأسبوع ١٨

اذكر رحت اول مره بالأسبوع ١٣ قالت احتمال ولد ويوم رحت بال١٨ أكدت لي

الشيخه قولي لنا موعد ولادتج عشان نضيفج بإلقائمه

 

[HoD'HoD]

الشيخة توج الله يتمم عليج يارب

يبين بالسبوع ١٢ اذا كان الدكتور شاطر بس الواضح بالاسبوع ١٩ احسن وقت

انا بين بالاسبوع ١٥ بس ماكان واضح عدل

 

[قرة عيونه]

قائمة البجريات اللي حابه نضيف اسمها تكتب موعد ولادتها

1-2 بيبي بلو & مرت الغلا (29 / 12)

3- قرة عيونه (28 / 3)

4- (Lawyara (28 / 4

5- (HoD'HoD (26 /5

6- # غنوجة بيبي # (4 / 6)

7- مذهلة2013 (16 / 7)

 

[قرة عيونه]

الله يسسسسهل عليكم بيبي بلووو ومررت الغلااا وتولدون بالسلامه

 

[# غنوجة بيبي #]

قرة الحمدلله ونستيني

يعني راح اتعود على وضعية الجنب

الله يسهلها ان شاءالله

 

[قرة عيونه]

اي غنوجة ان شاء الله بتتعودين واصلا من تبدين تحسين بالحركة بتنسين العوار لانها حييييل تونس راح تلهييج عن العوار ان شاء الله

 

[cute808]

انا معاكم بجر ولادتي 1/3

 

[# غنوجة بيبي #]

ان شاءالله يا قرة


كيوت حياج الله

 

[قرمووشه]

لاوريه الله يبشرج بالخير


هدهد انتي نفس اللي يصيرلي حاليا كتله يابسه و نغزات

اي غنوجه الكتله اليابسه هذا بيبيج
فديت قلبه الكتكًوت يتحرك فيصير يابس

كلنا حسينا جذي بكتله يابسه

وعلى الحركه لوووووول ماكنت احس في حركه البيبي كلش ملش

بس من دشيت نص الخامس بدت الحركه واضحه تبارك الرحمن

ماعليج حبوبه بتحسين بلحركه اكثر بعد شهر

الله يتمم علينا حملنا ويسهل يارب

 

[قرمووشه]

ههههههههه انا وقره عيونةة في تجمعنا كنا محتارين ليش بيبياتنا ماتحركوو
وبنص الخامس حسينا

لان البجر تحس بلحركه متأخر >>كلام دكتورتي

واهم شي النبض كل شهر اذا اوكي النبض بلعياده

خلاص يعني الوضع اوكي