ديوانيـة --> بجريآت <-- : تعالوا نفضفض ونسولف !

[قرة عيونه]

الله يعينكم صج المشكله الحين حزة برررد وع البحر بيكون برد زيادة :/

تدفوا عدل

 

[مذهلة2013]

ربي يسهل علينا ويتمم لنا على خير

 

[قرة عيونه]

اللهم آميييييين

 

[مرت الغلا]

تعبت لاعت جبدي ماحب انطر شي والي يقهر كل شوي احس بشي ومادري شنو هذا

 

[قرة عيونه]

يلا انت ان شاء الله مرت الغلا ذهب الكثير وبقا القليل

اهم شي انتي سكري كل جناطج وزهبي جنطة المستشفئ

وروحي الصالون ضبطي الحواجب وهالسوالف لووول

وبس قعدي نطري ماوراج شي وكثري استغفار ومشي وان شاء الله كلها ايام وتبشريناااا ياارب

 

[# غنوجة بيبي #]

مرت الغلا احس اللي فيج معناته بوادر الولاده يعني قربت

روحي الصالون مثل ما قالت قره

تزيني و ضبطي حواجبج

الله يهون عليج يا رب

 

[سور المدينه]

الله يسهل على الجميع انا من البجريات بس تو الناس على الولاده

 

[مرت الغلا]

صكرت جناطي وحطيتهم بالسياره وكل شغلي زاهب وصارلي اسبوع رايحه الصالون خايفه يرد يطلع الشعر وانا ماولدت هههههه
هذا همي هههههه

 

[al_sheikha]

مرحبا انا بنضم معاكم هذا اول حمل لي الله يسهل علينا يارب ^_^

 

[HoD'HoD]

شلونكم بنات

خوووش دوانية ههه انا بجر والحين بالرابع

الله يسهل علينا اجمعين ويرزقنا بنعمة الامومة

 

[# غنوجة بيبي #]

الحمدلله

انترس التجمع

الله يزيدنا يا رب و يتمم علينا

انا بالشهر الرابع و عقبال ما كلنا ندش التاسع يا رب

الشيخه الف مبروك

 

[كيميائيه]

الله يهون عليكم حبايبي
انا بالتاسع حفيت مرتين وتجهزت
ويوم طلع الشعر ولدت ههههههه

الاموه حلوه بس يبيلها صبر وطولة باااااالل
وشبعو نوم من الحين لانكم بتودعوونه

 

[HoD'HoD]

كيميائية مبروك ماياج ربي يهنيج

 

[حمرة الورد]

وناسه تجمع بعد ههههه انا كنت بجريه يوم من الأيام يصير اقرق ولا اخذ قشي واطلع

 

[lawyara]

هبا بنات

صاير ظهري يعوورني جنه بينكسر صوبىاليمين لي خاصرتي
واحس بطني ثقل

 

[Baby_Blue]

حياج الله حمرة الورد

انا اكثر شي كان يحوشني عوار ظهر بالرابع لي السادس

الثامن و التاسع الي اهوه هالفتره احس ثقل و بطني تتيبس الحمدلله عوار الظهر وايد خف

 

[# غنوجة بيبي #]

انا احس شهيتي انفتحت

واي ببجي مابي امتن

 

[To0mah]

عوار الظهر مشكلة :'(
مره قلت للدكتور فيني عوار بظهري قال لازم افحصج بس انا رفضت كنت توني داشه السادس

 

[To0mah]

عوار الظهر مشكلة :'(
مره قلت للدكتور فيني عوار بظهري قال لازم افحصج بس انا رفضت كنت توني داشه السادس

 

[مرت الغلا]

عوار الظهر طبيعي من الثقل شكو فحص بالسادس موزين

اليوم سيكلوجيه دشت ولاده ادعولها

وادعولي اولد الاسبوع الياي