ديوانيـة --> بجريآت <-- : تعالوا نفضفض ونسولف !

[bntnoura]

اي والاماكن .. اغلب اغراض البيبي خذيتهم من مذر كير ونكست الالوان والكوليكشنات حلوين وكد ومد غسل ولبس يعني ..

في اشياء تقدرين تاخذينها من اسوقع شعبيه مثل الكبابيس بس انا ما احتجت وايد لأن الافرولات كان معاهم كامل ..

وعندج بعد فوط الصغار ملوت الترجيع يبيلج اقل شي 12 وحده .. اخذيهم من اسوقه شعبيه ..

عندج الدسوس هم اخذيهم من اهناك ..

ولا تكثرين اغراض بس اخذي لي الاربعين وبعدها تسوقيله براحتج .. و البيبيات بسرعه يكبرون فلا تشترين وايد

اي صح صاجه البيبي بسرعه يكبر


بناتتتت لاتكثرون

اخذو طقمين حلوين للاستقبال

واخذو من مذكر كير و نكست

ماحبيت شعل سنتر بوينت

 

[مرت الغلا]

صباح الخير
العفوو بايو ريم

بنت النور صج ناهده عندها بالعياده رباعي ملون!!!؟ توني ادري اذا صج!؟
وباي اسبوع سوته لج!؟

 

[مرت الغلا]

شوفوا هذا يونس ب120 شكلي باخذه حق بيت اهلي

http://i.imgur.com/b5Tqpum.jpg

 

[منيرة@]

مرت الغغلا

رهيب السرير مره حبيته ينفع لو افصله عشان يكون اكبر شوي ذا احسه مره صغير

اليوم كنت في السوق ولقيت كوفله تهبلللللل تجننت عليها

واخذتها اختي تقول مو كنه بدري قلت ببدي تجهيز من الحين

كل شهر شغله لين اكمل الشنطه هع

ابي اكون متفائله ها المرة ويارب يتم حملي على خير

وافرح انا وزوجي فيه وهو بين ايدينا طيب وبصحه وخلقه تامه
يارب ياكريم

 

[كيميائيه]

بنت النور
من 3-6 كبير
اخذي عالاقل 8 او7 اوفرولات وتبانات من 0-3

 

[قرة عيونه]

قرة عيونه .. نصيحه نصيييييييييييحه


من تعرفين الجنس وتتأكدين ابدي جهزي ..

الاغلب من السابع يبدي الثقل وتتعبين بالمشي .. و النسم بيصير اصعب واصعب ..

يعني خلج اول السابع مشطبه كل شي

والله انا ودي اجهز من الحين بس الكل يقولي لا تتسرعين

فكنت ناويه ابدي من السابع بس مشكوره ع النصيحه

خلاص ببدي ع الاقل من الخامس

 

[unknown1988]

قرة عيونه دشي تجمعنا شوفي الوضع اغلبنا مالنا خلق وتعبانين .. في مجهزين وماخلصوا و اثقلوا بعد


تصير الطلعه اصعب خلج بالسابع مشطبه الاساسيات ..

و بعدين غسلي ملابس البيبي و اكويهم وجهزيهم بالثامن وجذي.. عشان تبلشين مشي

ولما تدشين التاسع تكونين مرتاحه مخلصه شغلج ع الراحه مو ورا بعض وحوسه

 

[bntnoura]

كيميائيه شكلي بسوي جذي

مرت الغلا عندها جنه ثلاثي مو ملون

اتوقع انتس تسويلج الحين ضابط

انا لما سوتلي موواحظ تقولي لي خلصتي السادس احسن

لان انا توني داشه السادس

 

[مرت الغلا]

اي اقول ولا مره شفت عندها ملون

موعدي بعد اسبوعين اروحلها ان شاء الله واشوف شيصير

 

[كيميائيه]

ماحبيت اسوس الفور دي مكتفيه بالسونار العاادي
ابي اخلي شوفة البيبي مره وحده حزت الولاده ربي يسهل

 

[Amonito]

السلام عليكم بنات

الله يهون ويسهل علينا يارب

انا بجر واحس ضايعه توني بالاسبوع العاشر

وكارهه حياتي من هالنساه استغفرالله

بالنسبه للتجهيز بجهز بعد ماعرف نوع البيبي

وحدي متشوقه مادري متى يبين ؟؟

 

[قرة عيونه]

انا رحت للدكتوره قالتلي تو الناس وعطتني موعد بالاسبوع ال١٨

تقول اكيد بيبين ان شاء الله

 

[قرة عيونه]

بنات منو عندها افكار حق غرفة نوم البيبي

 

[Amonito]

والله ماعندي فكره

احس انا للحين ضايعه مادري شسوي

بس موقفه كل اموري لين ترتفع النساة

واعرف نوع البيبي .. بس بقولج عن وحده

معاي بالدوام حبيت شغله وحده سوتها

ان ارضيه غرفه البيبي سوتها باركيه

لونه خشب فاتح وعليه صوره

هالو كيتي صغيره وموزعه

كانت ووايد حلوه وناعمه لما شفتها حبيتها

 

[قرة عيونه]

مشكوره حبي ع الفكره &#55357;&#56856;

 

[كيميائيه]

انا بخاااطري اسوي غرفه للبيبي
بس ماعندي مكان شقتي صغيره
باذن الله اذا طلعنا اسويلها غرفه
وماعندي افكار بس حلاته الالوان الفاتحه
والاثاث الفاتح البسبط

 

[كيميائيه]

بجرياات
خنسوي حركه بالقروب كله نايم
كل وحده تقولنا سنو بتسمي البيبي
وليش اختارت هالاسم

 

[Amonito]

كيميائيه خوش اقتراح

انا للحين مادري شنو نوعه

بس اذا ولد بنسميه محمد ان شاءالله

على اسم ابو ريلي الله يحفظه

واذا بنت والله للحين مادري محتاره

انا احب الاسامي القديمه وريلي يحب

اليديده فا مادري !

شنو اقتراحاتكم ؟

 

[قرة عيونه]

انا اذا ولد ان شاء الله ع اسم ابو ريلي الله يرحمه

اما اذا بنت ان شاء الله اسيل

 

[Amonito]

حلو اسم اسيل :33_1185028183::33_1185028183: