ديوانيـة --> بجريآت <-- : تعالوا نفضفض ونسولف !

[مشاعر]

مساء الخيرررر

مشكوره للاخت اللي نزلت الدوانيه

وان شاء الله نساعد بعض

 

[مشاعر]

بخصوص. اللي يتكلمون عن الخدامه

بالأول لازم تعرفين ليش تبينها؟ يعني إذا حق تنظيف ومساعده يفرق إذا تبينها حق البيبي

أنا أخذت خدامه اثيوبيه لها شهرين عندي أبيها بس حق التنظيف والترتيب كلش مالها شغل في الطبخ ولا البيبي إذا وصل بحفظ الله
اللي تبي حق البيبي يمدحون الهندية .. مادري جذي اسمع من رفيجاتي وأخواتي

 

[قَلبڪْ صًخرْ]

مشاعر زين عقب
اذا داومتي
وين تحطين البيبي ؟
عالاقل تبينها اشرراف


انا بحطه عند امي بس خدامتي تشرف
بعد امي مو قاعده عنده طول دوامي

 

[Model Look]

انا قدمت خدامتي وانا بالسابع مايت حضرتها الا عقب ما خلصت النفاس وكنت مو عاجبتني وكلش ماتجيس ولدي

لما تطمنت عدل وارتحت لها عقب اربع شهور يالله جاسته بس كنت اعلمها على شغله

 

[Model Look]

مبروك عبير وقلبونه وخوخه ربي يبارك لكم مايبتو ويجعلهم من الصالحين

 

[حكآية قلب]

يازينه من تجمع


ياحليلكم يالامهات الجدد


شلون النفااااسسسس

ووووويييع اكرررررههههه

 

[You FOR Me Only]

شسالفتكم مع الخدم خخخخخخخ

انا جربت الهنود وتحسفت فقررت هالمره اجرب اثيوبيه طبعا بس لتنظيف مالها خص بالبيبي

وبالاخر الخدم حظوظ مو ع الجنسيه و شر لابد منه الله يعينا عليهم

 

[دلوله123]

اناربعد بجريه محتاره وين اراجع و حدي ابي احد رعايه و اهتمام عنايه

 

[tota77]

السلام عليكم امهات المستقبل ..

انا يايتكم بالطريج مع استفسار

انا بجريه واراجع عند الدكتوره ماجده اليتامى ,,


والحين محتاره بالولاده وين .. يا بالسلام ولا رويال حياه !


ف شرايكم واذا عندكم فكره عن الدكتوره ماجده اليتامى .. او الدكتوره نجمه بالسلام ؟


طيعاً مراجعاتي حالياً عند شرين بعيادة ماجده ..


وشكرا :*

 

[Ranoon]

بصراحه اثيوبية كلللللللللللش ما احبها ولا اطيقها
لا حق تنظيف ولا طبخ ولا للبيبي
بكرا اذا بتروحين مكان منو يقعد حق بيبي ... ؟؟
اكيد خدامتج ... !!

بقدم على هندية .. وبستخير ربي ..
انا تقريبا ولادتي 25-8 يعني راح أقدم عليها
اخر شهر 6 يمكن ... والله اعلم


انا بكريه وكلش ما اعرف لا للعمليات وخياط وكمام
الله يستر ..

 

[مشتطـه]

اصلا اوصخ جنسية للتنظييف الاثيوبية

انحاااشي وصخه وصخه وصخه

وبدون مبالغه والله العظيم ما مرت علي وحده اثيوبيتها نظيفة

كلهم ريحة حمام استغفر الله

وينفسون ما يحبون الشغل كلش



انا عندي سيلانيه والحمدلله يهبل ولدي حبيبي

 

[مشتطـه]

السلام بالنسبة لي افضل للي تسأل


انا والده بالسلام يهبل

 

[Lédy LoOlà]

ويني عن هالتجمع الحلو ؟ :d
الله يتمم للجميع على خير وسلامة يارب
.،

 

[Model Look]

رنون الهنود قدمي من الشخهر السادس ويالله توصل يبيلها 3 اشهر وفوق

 

[وطن قلبه "]

صباحوووو ي الحلوين

بنات انا تقريبا باخر السادس الله يتمم علي يارب ...

انا اكبر وحده وماعرف متى انسب وقت للتجهيز امي تقولي بالتاسع

بس اخاف اثقل لان الحين كلش عسى ما امشي شوي الا تعبت

ماتحسون مبجر عالتجهيز ولا عادي اخلص وافتك لان محتاره وهم متحمسه اني اشتري اغراض البيبي محتاره

انصحوني

 

[الـــغـــلآ]

هالتجمع اختفى من ولدت خوخه و قلبونه : (


مسساء الخير ع الكل

وطن قلبه البنات يجهزون من الشهر الخامس او الشهر السادس

و انتي الحين دخلتي السابع شناطره خلصي ترا من الساابع يبدا الثقل و التعب و حطي احتمالات ولاده بأي وقت اسمله عليج

و عمري ما سمعت احد يجهز بالتاسع ، التاسع خليه للمشي بس اصلا ما فيج حيل تجهزين بالتاسع من التعب

 

[«ღ»Pure Soul«ღ»]

غلوويه شلونج

برد عليج هني لان التجمع هذا هادي مايضيع ردي

ماتشوفين شر وديري بالج ع صحتج والله يقومج بالسلامه

قربت الصجيه الله يسهل ولادتج

>> اذا شبكتي كلميني برايفت ناخذ راحتنا بالسوالف اكثر

 

[روزماري]

بنات الخدم حظوظ ماله شغل الجنسيه
عندنا خدم اثيوبيات ما عليهم كلام نظافه و شغل و شحلاتهم
انا الحين جبت فلبينيه حليوه و نظيفه

وطن قلبه
جهزي من الحين
انا بالسادس بديت اجهز و تقريبا خلصت بس باقيلي جم شغله للبيبي و سوالف الاستقبال
و الحين بخلص السادس على خير يارب

 

[روزماري]

توتا

ماجده اليتامى معروفه تهبل وما سمعت احد بذمها الكل يمدح فيها
و بالنسبه لي افضل رويال حياه

و الله يسهل عليج

 

[وطن قلبه "]

انا لو كيفي من الرابع مجهزه بس الوالده تزف تقولي لاتليقفين ؛ هاليومين ببدي ان شاءالله