ديوانيـة --> بجريآت <-- : تعالوا نفضفض ونسولف !

[قرة عيونه]

حتى انا اخر السابع اطلعوا فجاه

بس بس ببطني الحمدلله ماطلع مكان ثاني

 

[# غنوجة بيبي #]

قره اشوه احسن

البطن يهون و ان شاءالله كل شي يرد بالعنايه بعد الوﻻده ان شاءالله

 

[Om_Sanad]

قوه بنات شلونكم مبروك للي قرب ولادتهم

انا دشيت السادس

الحمدالله الايام تركض

 

[Om_Sanad]

مبروك للي دشول شهرهم


انا دشيت السادس

الحمدالله الايام تركض بسرعه

 

[HoD'HoD]

شلونكم بنات

مبروك لولو الله يتمم عليج ويبلغج التاسع ان شاءالله

خرعتونا باقيلي شوي اوصل اخر السابع كل شوي اجيك على بطني ماكو خطوط ليلحين الحمدلله بس امس بعد السباحة لاحظت صدري يخرع العروج زررررررقة على كل الصدر جنه مشخبطة على صدري بقلم حبر نشفت وتدهنت ولبست جان يخفون الظاهر مع الماي الحار برزو حيل

بنات وصلت نص السابع الحين وصارلي ٣ ايام فيني عوار نغزات تقريبا بنص البطن نفس اللي كانت تييني اول الاشهر تتوقعون طبيعي؟؟

 

[قرة عيونه]

حبيبتي ام سند الله يبارك فيج وعقبالج

هدهد انا ججتني نغزات بالرابع قالتلي عادي جنه تتكون المشيمه شي جذي

بس بعدها بالسابع ماحسيت نغزات لا احس بضغط من تحت صوب حوضي حيييل وكنت خايفه اخر شي قالولي طبيعي لان من الثقل

ومن نص الثامن قمت احس بنغزات تشبه الدوره بس خفيفه تروح وتجي

فمادري والله ان شاظ الله يكون اللي تحسين فيه طبيعي اذا رحتي موعدج سئلي الدكتوره

واذا كنتي تتحركين واجد فريحي هالفتره احسنلج

 

[فيلسوفة تتفلسف]

شخباركم بنات

 

[سور المدينه]

انا ليلحين ماطلعت خطوط بس الله يستر
بس حدي منقهره اباطي صار فحمه حييل اسود
يعني في امل يرجع مثل قبل بعد الولادة

 

[أمورته]

هلا فيلسوفه الحمدالله أنتي شلونج

 

[أمورته]

سور حتى انا صدري صار اسود مع انه تو الناس امي تقول كله يرد بعد الولاده بس اتوقع يبي اهتمام منااا
بشري سور راجعتي ولا بعد?

 

[HoD'HoD]

قرة
دقيت على دكتورتي قالت عادي طبيعي اذا العوار مو مستمر

انا دايما احس بالاعراض قبل موعدها مادري ليش مستعيلة ههههه

النغزات احسها نفس شكت الابرة بس على اقوى شوي جنه دبابيس ،، هذا اللي تقصدينه؟؟

ماعرف عوار الدورة وصفولي اياه انا دورتي من اول مابلغت لي اخر دورة ما احس بعوار كلش الحمدلله

يعني عوار الدورة نفس المغص؟ ولا شي يمسك البطن؟ ولا نغزات نفس الدبابيس ؟؟

 

[قرة عيونه]

اي هذا هو عوار الدوره بس خفيف

انا دورتي جنها طلق اموت واحيا لما تجيني ياااو اكرههااا

النغزات تجيني قبل الدوره بجم يوم اول ماحس فيها ادري ان اسبوع بالكثير وبتنزل

ولما تنزل يبدي العوار الصجي

حتى يوم حملت قبل موعدي حسيت بنغزات كان عبالي الدوره بس طلعت حامل الحمدلله معناته الاعراض نفس الشي

وطول حملي احس بهالنغزات بين فتره وفتره لاتخافين ان شاءالله طبيعي

 

[# غنوجة بيبي #]

واااي هدهد يعني بالسابع راح احس بالنغزات؟؟خرعتيني مااحبها


انا حاليا نفس ما قالت قره..عوار حوض من الثقل

و يقولون من الثامن تبتدي الام الدوره نفس مغص خفيف من تحت عالجوانب يروح و يرد

اكره عوار الدواره يدوووخ

بس طبيعي من الثامن نحس عشان نستعد للولاده ان شاءالله



يلا بنات قولولي ... منو متشوقه تشوف بيبيها جدامها؟؟؟
انا حدددي ودي اشوف بنتي بلحظة الولاده...شفتها بالرباعي يختي و ان شاءالله بالطبيعه غير طبعا

 

[قرة عيونه]

غنوجه كل يوم وكل ساعه تمر اشتاق للبيبي اكثررر واكثررر

يارب اولد بسرعه ويكون بصحه وسلامه

توني تهورت وسويتلي دارسين بشربه ويارب يكون خير علي واولد باجر

 

[نور الضي]

وناسه دشيت الخامس
قره
لاتلعبين بنفسج
هانت مابقي شي ان شاء الله
الله يهون عليج

 

[قرة عيونه]

والله نور اول مره اشربه وهم خايفه

بس شكثرت قريت بنات اشربوه فقلت اصلي استخاره واشرب

 

[BaЯBya]

السلام عليكم

قره توني اشووف لوول موعد ولادتي ان شاء الله ٢٦/١٠ باذن الله .. واليوم سمعت النبض وتطمنت ،، الحين حسيت اني حامل هههههه

وحياتي بدووون لاحظت انه اسمي مو معاكم

 

[# غنوجة بيبي #]

قره عسى ربي يقر عينج بشوفة ظناج

 

[HoD'HoD]

خرعتيني قرة !!! عوار دورة من نص السابع ! جنه المفروض ما احس فيه الحين

قاعدة اقص على نفسي واقول تمدد الرحم والبيبي يكبر اكثر

الحين بروح موعدي ان شاءالله خير

غنوووجة
لا تعتمدين علي انا احس بالاعراض قبل موعدها مادري ليش
يعني اللي المفروض احس فيه هالاسبوع اكون مريت عليه الاسبوع اللي طاف! شكلي بولد قبل موعدي باسبوع

 

[# غنوجة بيبي #]

لا تتفاولين يا هدهد

اذا العوار محتمل هذا مو طلق

الطلق مغص يذبح

اما اذا خفيف سألي دكتورج احسن
والله نصيحه قوليله احس بآلام الدوره مبجر
انا امي كانت تقولي من الثامن تبتدي الطلوق الكاذبه و مع هذا عوشرت فينا كلنا
لا تخافين
و يمكن تمدد
لان بالسابع يبتدي البيبي يكبر بسرعه ما شاء الله
و الثامن و التاسع نفس الشي
شوفي الدكتور شيقولج و طمنينا عليج
و ان شاءالله ما يكون الا الخير