ديوانيـة --> بجريآت <-- : تعالوا نفضفض ونسولف !

[soft.eye]

بناااات انا ماقمت اخذ فوليك اسيد صارلي ٣ اسابيع عادي اخذ الحين اخاف اقول حق دكتورتي تزفني /:

 

[اخت خالتهم]

ليش ما تاخذين ابر انا خذيتهم مرتين يريحوووووووون


و كنت اخذ حبوب دوفاستون



خلي عنج التحاميل
قولي بغير وابي دوفاستون حبوب عاديه تبلعينهم

 

[اخت خالتهم]

والله يثبت حملج يارب و تحسين بالبيبي يناااقز داخل

 

[الـــغـــلآ]

خوخاا

اهليييين بالمختفيه وينج

خوخه انتي الحين تحسين بالرفس عدل صح ؟

و بسالج متى البدايه الفعليه للرفس ؟



سوفت

ليش قاطعه الفوليك ؟؟ اذا قصدج اخذتي بدالها بريجنا بلان ميخالف اماا بالمره ما تاخذين شي غلطاااااانه اذا صج تحبين البيبي اخذيهم لان هذه اهم فتره حق تكون و تشكل الجنين لآ يصير فيه شي لآ سمح الله

 

[اخت خالتهم]

هلا غلوي


كان عندي امتحان اليوم و الحمدلله عدا على خير و الفترة اليايه امتحانات فاينل

عشان جذي دخولي قل



شلونج



اي الحمدلله احس في الحركة و انا ما حسيت بالحركة الا بداية السادس وكانت خفييييييفه وايد
و بنص السادس صرت الاحظها على بطني اذا ركزت


والحين الحمدلله واضحه خاصة من بداية الاسبوع ال٢٨ صارت اوضح


بس اللي ببطني هاااااديه يعني ما تتحرك الا شويه
كل شوي حركة او ثنتين و تنام ههههه


انتي بشري ماعرفتي جنس الجنين ؟

 

[soft.eye]

خوخه الدكتوره قالتلي التحاميل بس تاخذينهم اسبوعين مرتين باليوم وخلصت هالاسبوعين الحمدلله ع خير

وان شاء الله احس بحركااته اخييه احسه شعور حلو كنت لما احط ايدي ع بطن اختي ويتحرك ولدها تصير فيني قشعريره وعيوني تغورق من الوناسه شلون لو الحين ابطني يتحرك الله يثبت حملي يارب وماانحرم من هاللحظات الحلوه ويرزق كل محرومه

غلوي انا الدكتوره كانت معطتني بريقنا بلان وخذيته لمدة اسبوعين ووقتها ماكانت النساة باديه فيني كنت اتغدا واترس بطني بالغدا واخذها ولما بدت النساة معاي ماقدر احط لقمه بحلجي اسبوعين انا مااكل شي وقطعت البريقنا لانه كنت اكل بالكثير ٤ لقمات ع الغدا ولما اخذ الحبه كنت احس بألم قوي ابطني جنه قنبله انفجرت وارجع ع طول وطعم الحبه يظل بحلجي مااستحمل وريلي يابلي فوليك اسيد خذيت جم حبه ووقفت يصير اخذهم الحين ولا يضر !!!

 

[الـــغـــلآ]

لآ ان شاء الله المرآجعه الجآيه يبين معآي و مآ يكون معطينآ ظهره

اناا نآطره الحركه من الحين حدي مستعجله هههههه

بعدين شلون امتحان يوم الجمعه هذه نااادرا تصير

انا امتحاني بااجر الله يستر شبهبب فيه :/

 

[الـــغـــلآ]

سوفت لاا كملي الحين بريجنابلان اهم شي بأول ٣ شهور ضروري يوميا تاخذينها

 

[اخت خالتهم]

سوفت اخذي دوفاستون بس عشان يزيدلج الهرمون و يثبت اكثر

و اخذي الفوليك اسيد عادي
اهم يوقفونه بدايه الرابع



غلوي

فديت جنينج شيطووووني ياااارب يتمم لج على خير



وعلى طاري الحركة ممكن تحسون فيها بالرابع
لان يفرق من وحده ليوحده انا خواتي حسو من الرابع


انا كرمكم الله كنت غازات و امساك
و الغازات واااااايد عشان جذي ما اميز ولا اعرف

 

[اخت خالتهم]

غلوي الامتحان لان دكتورنا بيسااافر الاثنين

قال بيمتحنا اليوووم وحددت من زمااان ان اليوم
عشان. يمديه يصحح و يحط الددرجات

 

[soft.eye]

ايي ان شاء الله

ع طاري الغازات خوخه انا الدكتوره انصمدت مني يوم سوتلي سونار تبي تسمعني النبض تقول اييه ده هههههه امبي انا معاتاااااااة مع الغازات :/

 

[الـــغـــلآ]

اهااا عشان جذي خلاه اليوم
اهم شي نجيب درجات و ننجح بمعدل لان جد زهقت من الدرااااسه
والبيبي شكله صج بيطلع نفس ابوه ههههههههه

 

[اخت خالتهم]

سوفت انا من قبل لا احلل صارتلي غازات
و كرمج الله للحين معاي
و اصوات تطلع من بطني قبل النوم


يعني اهي من علامات الحمل عندي



غلوي
واااي انا بقالي سنه ونص والله كريم
و انا بنتي عنيدة ماعرفت الا بالاسبوع ١٨ والا كله مسكرة ريولها او معطيتنا ظهرها


بس هادية على يداتها امي وخالتي كلهم هادييييين

 

[soft.eye]

سبحان الله

الله يسهل علينا

انا الاسبوع الياي عندي ٣ امتحانات فاينل واااي الاحد والثلاثا والخميس متى نتخرررج ونفتك من هالدراسه ):

 

[soft.eye]

بنات موعدي تاريخ ٣٠ راح يبين معاي جنس البيبي يعني بكون بنص الثالث !!

 

[اخت خالتهم]

سوفت الله يعيناااا


اذا ولد ببين لان يكون اوضح من البنت


بس انا اختي بالثالث قالولها بنت و بالرابع طلع ولد


المهم ان من الاسبوع ال١٣ يبين واضح اذا ولد

و من الاسبوع ١٤ يكون واضح بنت او ولد

 

[ABEER FLOWER]

صباحكم جوووري

شخباركم ؟؟؟؟

سوووفت وغلوووي
ربي يتمم عليكم وتعرفون جنس بيبياتكم الحلوين : )

خوووخه
موفقه في اختباراتج وربي يخليلج بنوتج وتشوفينها بحضنج قريباً

سوفت
أضمن شي تعرفين الجنس في الشهر الخامس
يمكن تقدرين تعرفين في الشهر الثالث بس راح تكونين شاااااااكه في الأمر

أنا زوجة حماي سوّت سونار في نهاية الشهر الرابع على بداية الخامس عند دكتورة شاطره وسونارها ما يغلط يا زعم
وقالت لهاااا " بنت " ووقت الولادة طلع " ولـد " هههههه صدمه لوووووول
فيختلف من وحده لوحده

​

 

[مشتطـه]

الله يوفقكم بالامتحانات

ديرو بالكم لا تبطلوون الكتاب بالجامعه نصيحة

انا شفحتني وحده

كنت لابسه عبايه وبطني شكبره بالثامن كنت

واراجع من قلب مادة تاريخ الكويت صعبه

وتقول وااااي حامل وتدرسين حرررامممم


ساعتين جان انزف دم غززييييير !!!!

واتنوم بالمستشفى وادخل ولاده والله ستر علي الحمدلله

واخر شي بين عقب 10 ايام انه انفصال بالمشيمة

حسبي الله عليها جانها ما ذكرت الله

اهي مو رفيجتي ولا اعرفها قاعده يمي وتشوفني اراجع
وتسأل شنو اصلي و ملقوفة ؟

 

[ABEER FLOWER]

وووي شط شط

ربي ستر علييييييج
ناااااس ما تذكر الله​

 

[مناوووي]

مــسـآااء الــورد&#55356;&#57146;&#55356;&#57146;
شـلـوووونـكـمـ &#55356;&#57144;