ديوانية --<-@ {{ One Day We Will Be Slim}}

[اليكسا]

اليكسا الظاهر الكل نااايم بس انا معاج قاعدين

اي الظآآهر .. مير مايدخلون لا الظهر ولا العصر ولا بليل .. كل هذا نووم :krkrkr: نايمين عن قرررن

صج اليكسا لااازم ندلعج مايصير ندايج بنكج بناديج اكوسا شرايج والا نقي انتي دلع

اممممم لا انا بختار شي سهل

كي كي

شرايك ؟

سلام بنوتات شلونكم
اليكسا بالعااافيه عليج

وعليكم السلام

تمااااااام انتي شلوونك ؟؟؟

الله يعااااااافيك :eh_s(7):

 

[Melazlaza]

لوووووول كي كي اي والله شكلهم سبات عميق ماعليه تحمليهم نصهم حوامل و نصهم على وشكالحين شيفكني من كتون ولولو بيستلموني صح


كوكو احنا بخير شخبااارج يا رشوقة شلون عيالج الله يحفظهم

 

[Melazlaza]

يا جماعة يايتني فصلة هالوقت ودي بغوووزي وسلطة ناعمة و دقوس بوديج خاااااطري فيه عاد امي مستلمتني شتشتهين وشتشتهين حرام مابي اقولها واتعبها ولا لي خلق ادش المطبخ فيا تتبرعون وتدزولي او ان تدلوني على مطعم غير فريج صويلح لان اكله كله سمن يقتلني
هاااااااا منو تنقذني ولحد يقول شهيتيني مااااابي مناحات خلكم خوووش بنات

 

[عيون سارة]

لولو حياتو اي والله بحااااول اكل هالشغلات افيدلي

ام عامر يا قلبي مشكوووورة دايما معاي عالخط شرايج ندش فيه انا معاج بما ان حملنا مع بعض نفس التوقيت


عيون سارة بس وقفي البلعة خلج معانا انا الحين بالثاني وماااابي يزيد وزني وفي كذا حامل بتجمعنا فخل نلتزم

زيوون عوافي ماعليه من باجر التزمي مع اني ضد هالدايت افضل التخفيف لانه الجسم يحتاج كل العناصر الغذائية
اليكسا عوااافي ماشالله ارادتج تماااااام


برووووتة ماشالله شدي حيلج والله عجبتني الساعة من وين شريتيها؟

كتوووووووووووون أين انتي؟؟؟؟

اي خلاص
بتسوين ريجيم معين او تخفيف :eh_s(17):

 

[Melazlaza]

عيون سارة
الحين من النساة ما اكل الا خفايف بس ان شاء الله اذا فجت نساتي باكل اكل صحي وبخلي الكربوهيدرات بس مرة وحدة باليوم و ضروري نركز عالفواكه والخضار حرام البيبي يبي فيتامينات. انا دكتوري دايما ينصحني بالسلطة والعصير الفرش طبعا

 

[نونة حبيبها]

سلاااااااااااااااااااااااااااااااااااااااام
وحشتووووووووووووووني وحشتوووووووووووووووووووني وحشتووووووووووووووني
اليوم رجعت من ايران ..وفورا للنت
ماشاء الله تبارك الرحمن..الف الف مبرووووووووووووك لكل الي حملوا وربي يتمم لكم على خير
والله يرزق المحرومين
عاد انا منن قلب ابي بيبي بس ناوين الحج هالسنة...
وزني مدري كم بكرة بوزن..
والويكند بمر دايت سنتر علشان اشترك معاهم
بكرة دوااااااااام اهئ اهئ

 

[اليكسا]

مرحبآ ياحلوات

انا فتحت تجمع خاص لمتعبآت اتكنز - دشتي

http://www.q8yat.com/t929221.html

حيآآكم الله

 

[BiiShOoO]

شلوووونكم شخبااركمم

 

[Melazlaza]

نونة حمدلله عالسلامة و الله يبارك فيج ويرزقج بيبي سليم

هلا بشبوش انا تمام وانتي؟

 

[brat]

هاي بنات شلونكم؟

عطوف الساعة طالبتها من www.amazon.co.uk اسمها polar FA20، يبيعون هالماركة بGo Sports بس مو كل الأنواع وما حصلت نفس ساعتي
مع إني ما أحب الغوزي بس شهيتيني فيه مع دقوس وسلطة يمي يمي
وزين تسوين بالنسبة للرجيم خلال الحمل، وايد بنات يقولون لا تسوين رجيم وانتي حامل بس اهما فاهمين كلمة رجيم غلط، الرجيم صحي ومفيد للحامل لأنه يحتوي على كل العناصر اللي نحتاجها، وإذا تبين تسوين جربي رجيم دكتور محمد الربيع


نونة الحمدلله عالسلامة، الله يعينج رادة من السفر ودوام
وين رحتي بإيران؟
عاد ودي أشترك بدايت كير


هلا بيشو احنا زينين انتي شلونج؟

 

[brat]

اليوم أول ما قعدت من النوم شربت ماي دافي وليمون

تريقت بران فليكس باللوز والعسل مع حليب خالي الدسم + يوز

رحت سويت مساج لأن جسمي شاد من أمس وكان صايرلي أكثر من أسبوع مو رايحه النادي، عقبها شربت عصير جزر
بعدين تمرنت بالنادي، عالتريدمل مشيت ٤٠ دقيقة و١٠ دقايق منها ركضت (كنت بلحق هالكلاس ولا آنا كنت ناوية أتمرن ٤٥ دقيقة)
دشيت كلاس spinning تمرنت ساعة و٥ دقايق

أول ما خلصت تمرين كليت تفاحة خضرا، بعدين تغديت فتوش أمريكانا + سباغيتي دايت كير
شربت جاي أخضر

وكنت وايد يوعانه فتعشيت فتوش أمريكانا + ٢ توست أسمر بالحبوب + ٤ قفاش زعتر وزيت زيتون + ٥ حبات زيتون
وشربت زنجبيل

أحس إني كثرت وايد اليوم خاصة عالعشى، بس دام إن أكلي صحي مو خرابيط هذا أهم شي

وبعد شوي يمكن أسوي يوغا حق الشد اللي بجسمي ولأن ودي أهيء روحي حق كلاسات اليوغا

 

[Melazlaza]

بروووتة الف عاااافية حبيبتي وترى ماشالله اكلج حلووو مو وايد والاهم صحي و قوووو اهيد عالرياضة لا توقفين
صج واااايد ناس يقولون انتي اكلي عن اثنين انا اضحك شكوووو اثنين تدرين حتى لو ما اكل هم الجنين بياخذ كفايته يذوب الكالسيوم من عظامي واسناني و يتغذى لوووول ابلة لازم اشرح بس جد فكرة غلط
عن نفسي باكل اكل متوازن كل العناصر الغذائية بس باعتدال و قاعدة اتحرك طبعا وامشي مابي اتقيد بالحمل واليوم شريتلي قميص من زارا رفيجتي تقولي لا تشترين بتنتفخين قتلها لا بس بطني مو كلي ان شاءالله لان معزمة اصير حامل رشيقة بس لا يخون فيني البيبي نفس بجري انتفخت احتباس سواااائل وصرت كلي ماي جني كرة

حبيبتي عليج بالعافية الساعة حبيت فكرتها و بدش اشوف شلوونها يمكن اطلبلي وحدة

 

[Melazlaza]

برروته توني استوعب الغوزي واي حدي ابيييه ودي اعزمج عليه بس خاااايفة من خيازرين لولو و كتون ادري يقروووون اول باول
عااااد تخيلي نروح فريج صويلح مع اني موووو ذاك الزود معاه بس محد دلاني مطعم احسن منه
نطلبلنا مجبوووووس لحم وسلطة خضرة و دقوووووس بوديج و نعيييييييييييييييش
ها شرايج؟

 

[brat]

هلا عطوووف، الله يعافيج حبيبتي، اي آنا ما أعرف أسوي رجيم من غير رياضة ف no way أوقف

لووول صاجة والله فكرة إن الحامل تاكل عن أثنين غلط

زين تسوين، آنا إذا حملت إن شاء الله عقب الضعف، راح أسوي مثلج إن شاء الله، أكل صحي ورياضة، لما أشوف حوامل بالنادي حدي أتشوق، شكلهم يونس، وآنا أدري إن إذا سوينا جذي ما راح نمتن عقب الولادة، وأكبر دليل الممثلات وعارضات الأزياء

الله يعافيج، ترى الساعة صج تشجع، خاصة إذا طول اليوم بس متحركة أقل من نص تقولج lazy day

عطووووف يالخرااااب لأ آنا بيي معاج بس ما راح آكل، راح أشوفج تاكلين وأتخيل إن آنا اللي قاعده آكل لوووول، نفس لما أكون مسويه رجيم أحط حرتي بريلي بس مرات ما ياكل اللي آنا أبيه*

 

[Melazlaza]

لوووول بروتة عفية عليج والله ارادة حديد تبارك الرحمن واهم شي تبين تطلعين الحرة فيني انا تدرين اطلعها بمنو؟ بولدي لووووول وماشالله طبيعة جسمه نفسي وانا ياهل ما يمتن لا عيل نجحتي بالاختبار

ان شاءالله باذن الله بس توصلين الوزن الي تبينه تحملين و حزتها تلتزمين و صج احساس الرشاقة يهبل حتى وانا حامل
يعجبني اصرارج صج توقفين بس ما تستسلمين لا اله الا الله

 

[أم عامر]

السلام عليكم

مشتااقه لكم لي يومين غايبه

الظاهر حسدت نفسي وقمت تكرمون ارجع :eh_s(2):

غير اللوعه اللي ماسكه معاي طول اليوم ولي جت لازم اكل شي علشان تروح وهذا حالي لوعه واكل والصدمه الصبح وقفت على الميزان ولا ........................:eh_s(2):

وزني صاير 72 :eh_s(2):

رمضان شهر كاامل مازدت والحين باسبوعين كيلوين مع ان اكلي مخربط بس صار لي جم يوم اتعشى ثقيل


فمن اليوم قلت راح ادوس بريك وانتبه اكثر وراح اركز على السلطه وبروتين

واليوم اخذت حبوب للوعه علشان ماخربني غير هاللوعه

راح اسوي لي كميه سلطه واحفظها بالثلاجه بحافظه كل مايعت حطيت عليها التتبيله واكلت


عيون ساره جم لج الحين ومتى ان شاء الله موعد ولادتج

وشنو توحمتوا عليه

انا صايره احب المالح وتلوع جبدي من الحلو ودي اكل حلو بس لي اكلته لاعت جبدي

فتشوفوني ادور الشي المالح


كتوون وين الغيبه لايكون داومو عيالج المدرسه ومقابله بنتج بالمدرسه

انا عندي السنه بنتي ال3 راح تدخل اولى ابتدائي وماراح يبقى بالبيت غير عموري

 

[نونة حبيبها]

مزمز الله يسلمك حبيبتي
بروت..رحت مشهد بس لانه بس 10 ايام ...
ودايت سنتر بستقل فرصة اني 8 ساعات وبشترك بروح لهم بالويكند اسجل ,,
ام عمووور الله يعينك ع اللوعة..انا في بجري جتني اللوعة من اول ماعرف اني حامل الاسبوع 6 الين ماولدت
غير التقل كاني برميل يمشي مع اني في التاسع كنت 74
بس بالموت امشي وثقل مو طبيعي
وكنت حيل مهملة نفسي من ناحية التغذية..
هالسنة ببلش مراجعات من نهاية شوال باخذ فيتامينات ..
علشان بعد الحج الله يكتبلي الحمل السليم

 

[Queen of Sadnes]

السلام عليكم شلونكم بنات

عطوفه حبيبتي الله يسلمج ويخليلج وليدج ويرزقج الولد الصالح المتعافي ياااارب

بروووته بالعاااافيه وماشاء الله نظامج واكلج وااايد حلو keep up وشدي حيلج

نونه الحمد لله عالسلامه وزين تسوين بتشتركين عالاقل ماتقعدين تفكرين شنو بتاكلين

ام عمووور حبيبتي الله يعينج عاللوعه صج ارف عاد الوحده مع اللوعه والترجيع المفروض تضعف بس مثل ماقلتي سوي سلطه وحطي حرتج فيها كل مايعتي والله يخفف عليج وعلى كل الحوامل ياااارب

 

[om l3yal]

شلونكم بنات
ولهت عليكم مع اني علا طول معاكم
هالايام اكلي صاير صحي نوعا ما
يعني سلطة وفاكهة والله مرتاحة يعني اكلي اليوم
طلعت الصبح مو ماكلة ولا شي رحت خمجرت بالسوق حق ولدي الكبير واخذت لي بيجامات وملابس داخلية تكرمون
رجعت البيت صليت واكلت لي اربع فستقات وا بع لوزات وشابورة وحدة
توني متغدية اكلت سلطة وقطعة كباب كبر الاصبع وقفشتين عيش وشوية شوربة
الحين بالباص بنت اختي يتغير حجزها وبكمل فرارة بالسوق
والعشا يا اما روب او فاكهة او الاثنين والحمد لله
امس اكلي نص توستة مسحتها بجبن وزعتر
ورحنا برا لندن بالقطار اكلت لي شوية بطاط ليز يمكن اربع حبات وشوية سبال
وقت الغدا اكلت من بنتي كريب بالجبن والمشروم والسبانخ الفرش ثلاث لقمات والله وبدت اعراض الدامبنج جان اوقف
رجعنا وسويت عشاهم بيتزا وبوجر وبطاط
انا اكلت سلطة يونانية ماقدرت اكملها بعد العشا اكلت اناناس وشريحة مانجا وبعدها روب فات فري مع قطع كاكاو
قمت انتقي الحلو مالي مو مثل قبل خذوه فغلوه
والحمد لله علا النعمة
اليوم علا الغدا اكلم ريلي اهو بالكويت يقولي اي مطعم اناو عاد حبيبي يحب شوربته دزيت له صورة الشوربة قالي الله يخليج ييبيلي شوربة سفري معاكم
حبيبي كسر خاطري سالته شمتغدي كانت الساعة ست ونص عندكم قالي توني طالب لي بورجر من البطريق جد عورني قلبي

 

[om l3yal]

نونة الف ابحمد لله علا السلامة والله يتقبل زيارتج ان شاالله
بس ان شاالله ما نسيتيني من صالح اعمالج ودعائج