ديوانية مغتربات usa

[اختكم بالله]

هلا وغلا مج مج

انا قلت اول شي عشره بس غلط

الاجابه الصحيحة. خمسه

 

[اختكم بالله]

لغز


- ما هي الكلمة الوحيدة التي تلفظ غلط دائما؟

 

[اختكم بالله]

وينكم صبايا

 

[مجنونة حبه]

لوووووووول
قديمه

بس الحل كلمه غلط اهي دايما تلفظ غلط

 

[اختكم بالله]

هههههههههههههههههههههههههههه

شسوي مج مج قلت اعطي جو للديوانيه

 

[اختكم بالله]

مج مج ماطلعتي اليوم ؟
وشخبار مراجعاتج

 

[مجنونة حبه]

والله الكل يحن يبي يطلع بس ماسكتهم انا شوي
قلتلهم خلصو هوموركات وبروجكتات وبعدها نطلع

الحمدالله كلشي تمام
انتوا اشلونكم ان شاءالله غدا الشر عنكم

 

[اختكم بالله]

الحمدلله يارب خفت السخونه

 

[بطه فيها نطه]

مساااااااااااؤووو عليكم

ها شو الاخبار .. كيف الحال جميعااااااااااااااااااااااااااااااا

بنات اللي اسألوا عن الموقع اللي حطيته للاسف

عليه مشاكل وهذا رد اللي سالي عنه وتاكد

عاد صج كان خاطري اطلب منه ..

 

[بطه فيها نطه]

السلاااام عليكم ورحمة الله ..


وعليكم السلام ورحمة الله




دامكم كلكم مغتربات

خل نسألكم شلون الغربه مع ثلاث اطفال ومن غير خادمه .؟
وشلون الغربه عموما .؟

في البدايه اكيد صعبه .. بس راح تتعودين وتتأقلمين بسرعه ان شاء الله

بالنسبه لي الحياه حلوه بدون خدامه .. يمكن موضوع 3 اطفال صعب عليك

بس يبيلها تنظيم وقت مو اكثر ...

الغسيل مثلا يوم بالاسبوع ..

غسيل المواعين الله يعافي المشين

وانتي وطريقتك بالطبخ .. يومي او يوم وترك او متى مااشتهيتوا شي تسوينه







وايد متخوفه من الغربه ومن المسؤولية الكبيره الي راح تواجهني انا واعيالي

خصوصاً عندي بنت عمرها خمس سنين احاتي المدرسة وهل راح تتأقلم ولا لاء ؟

سهالات ان شاء الله ... لا تحاتين كلنا في البدايه جذي بس الحمدالله

مشت الحياة ...

يكفي انك مع عيالك تحت ظل زوجك ... انتي محتاجته واهو متاجك اكيد

والمره لازم تكون سند ودافع لنجاح ريلها ...

وبنتك لاتخافين عليها ... تبارك الرحمن اليهال بسرعه يندمجون ويتعلمون

لغه احسن من الكبار ...

ولاتحاتين المدارس اهني ... ياريتنا بس مثل مدارسهم

واهتمامهم بالطفل ...

وموفقه ان شاء الله ...

 

[بطه فيها نطه]

بنات بليز

اقترحوا علي احلى البرامج حق الاي باد ... تعليمي - ترفيهي - افلام - كتب .....الخ

 

[اختكم بالله]

أهلين بطوط شلونج

انا حاطه بالايباد الله يسلمج

TVU تلفزيون عربي فيه الوطن وغيرها

Pmessenger بي ماسنجر بي بي أتواصل مع البنات مج مج وكل اللي عنده ايفون اضيفهم

Marina fm راديو المارينا اتابع برنامج الديوانيه
Do you know. برنامج معلومات عامه حلو استفدت منه
Flash English. برنامج فلاش يحط انواع المأكولات ولا السيارات ولا الحيوانات عزج الله يعني بالأصح يعلم الاطفال أسامي الاشياء بالانجليزي مع اصواتهم

الاذكار

القران الكريم

برنامج الأذان توقيت الصلاة

العاب كرة قدم وسله و X O اكس او

والايميل

وبس سلامتج

 

[نظرة اعجاب]

حيااااتي مشكوووورين كلكم الي رديتوا علي وريحتوا قلبي


الله يسهل ياااارب وراح اباشركم اول بأول ان تيسرت الأمووور


بس الحين وراي ولاده وراح يكون معاي مولود وطفله بو سنتين حييل مستصعبه الطياره خصوصاً الأثنين صغار !!!

 

[منورة الكويتية]

صباحو عليكم
مساء الخير علينا

 

[Sa7aBa]

مسا الخير
احي تجمعكم
^__^

 

[new woman]

حبابي حبيت اسأل ممكن

ااجر سيارة من المطار أفضل ولا من بره يعني ولاية نيويورك ؟؟؟ وتقريبا جم تكلفتها يعني اتكفي 6 اشخاص

واذا في سايت معين اتمنى انكم اتفيدوني بصراحة انتوا عايشين اهناك واحنا بنزووركم بس شهر

وافضل سكن حق نييويورك ادري تعبتكم معاي بس منكم نستفيد

 

[نظرة اعجاب]

بنات كاليفورنيا شلونها وشلون المدارس في مدارس اسلاميه .؟

وشلون الأطبه في عرب .؟

وشلون تأجير الشقق .؟

 

[ام كوشه منكووشه]

صباااح الورد والنووير

اشلوونكم بناات اليوم عسى استمتعتوا بالويك اند ان شاءالله

هلا اختى نيو ويمن
والله احنا دايمن ناجر من المطار عشان ناخذ اغراضنا ونروح الفندق وتكون السياره معنا وتحت تصرفنا والمواقع اللى نحجز منها تعرض لج كل شركات التاجير واسعارهم وانتوا تختارون اللى يناسبكم وبس توصلون المطار تستلمونهم من فرع الشركه اللى موجود هناك:
http://www.expedia.com/

http://www.orbitz.com/

http://www.priceline.com/

وهالمواقع ممكن تحجزين منها تذاكر - فنادق- سيارات
والله يسهل لكم رحلتكم وتستمتعوون بأجازتكم ان شاءالله


هلا نظره اعجاب
حبيبتي والله ماعندي فكره عن كاليفورنيا ان شاءالله البنات اللى ساكنين فيها يفيدونج قلبي

 

[new woman]

حياتي ما قصرتي

 

[مجنونة حبه]

نظره اعجاب بالنسبه حق مدارس اسلاميه
كنت نفسج ادور بس حصلت حق الابتدائي بس في لوس انلوس ماادري صراحه
لان كل مناطق تختلف على حسب مكانج والناس الي عايشين فيها
بس ترا انا مدخله بنتي حضانه ولا تحاتين ترا يحترمون دينا واايد ويتقيدون بالاشياء الي توصينها عليهم
فلا تحاتين من هالنقطه ابدا
كلنا خفنا بالبدايه

وبالنسبه حق الدكاتره
في عرب بس بنسبه قليله لما توصلين اهناك سالي ولا سوي سيرش واتحصلين ان شاءالله