ديوانية مغتربات usa

[ام دونه]

شنول والله ماعندي فكره بس الايبود الجديد بوكامرتين على قولتهم انا ماخذته لعيالي 250من ابل ستور يمكن تحصلين ابوكامره وحده 100 دشي على موقعهم وشوفي

خوخه سلامته الغالي بس نصيحه خوخه اذا الكحه قويه ومعاها دم لا تسكتين روحي للطبيب اسأليني انا خبره عن امراض الرئه مو زين يمكن معاه التهاب بالرئه اذا حراره وكحه بس خوخه يكرم السامع يطلع بلغم؟ويمكن كحته ناشفه عشان جذي يطلع دم
فوحي حلبه مع قفشه عسل وخليه يشربها تذوب البلغم ويقدر يطلعه لما يكح

 

[ام دونه]

هلا والله شنول
انا زينه ونوره بعد الحمدلله تمام باجر موعدها عشان يجيكون على الدم ان شاءالله تكون خفت الجلطه
انتي شلونج وشلون البنوته جهزتيلها لبس عشان تكشخ لما تردون عشتو ياحلو البنات والله
انا لما اروح السوق على طول اروح قسم البنات يختي ياحلو اللبس مالهم كل مااقول ماراح اشتري هالمره مااقدر لازم امر اجيك شنو نازل جديد

 

[Miss Chanel]

هلا والله ام دووونه عسى دووم
الله يوفقها يارب بموعدها باجر وتسمعون الاخبار الي تسركم

انا الحمدالله بخير وبنتي بعد ...

اي والله شريتلها 4 نفانيف من النت
وبروح للمول وبشتريلها بجايم وجم بدله
وبدل للعيــــد مابي اشتري للعيد من الكويت لبنتي لان العيد الي طاف ادورلها جيجي
لون بدلتها ماحصلت عشششتو
طلعت روحي ياله لقيته خخخخ

لا انا ابي بو كاميرا بشتريه لولد اخوي عمره 8 سنين يعني صغير

 

[ام دونه]

دعوووووووول تسلمين بعد عمري ماقصرتي
الله يهونها عليج وتقومين بالسلامه يارب



شنول اكيد بيكون بحدود 100او زياده شوي
الله يخليلج البنوته وتجهزينها عرووووووووس

 

[Miss Chanel]

تسلمــــــين ام دوونه

والله بشوف لان مااعرفه انا له اكثر من شكل ؟؟

 

[ام كوشه منكووشه]

اهليين بناات

ام دوونه
عسى ربي ييسر مراجعة نواري ويكوون وضعها متحسن عن قبل ياارب
ويفرح قلبج بشوفة اعيالج ان شاءالله

مشمش
ان شاءالله تتطمنين علي وضعج بكره ويكوون كل شي تماام ياارب
شوفي علي ebay او امازون يمكن تحصلين

دعوول
لا تحاتين قلبي وااااايد سمعت من نااس سوالف موصح البنات اللى اقعد معاهم لا تسمعينهم شيقوالون عن الولاده اهني والمشكله ولا وحده فيهم راجعت او اولدت اهني
فا كل وااحد يفتي على ذمة وكالة يقوالون
بس من تجربتي انا خيطوني بعد الولاده وبدوون مااطلب لان الدكتور اكيد شايف ان الوضع يستدعي هالشي
قلبي توكلي على ربج وخلج من هالكلام والله يسهلها علييج ان شاءالله

نوني
حبيبتي يقوالون اذا عرف السبب بطل العجب وانتي ماشاءالله جوا عليج مره وحده عامل الغربه وحبووب منع الحمل اهيا اللى تسبب هالشغلات انا كنت اخذ منهم صج تعبت نفسيتي وبعدها تركتهم الصراحه
الله يعينج قلبي حاولي تجربين نوع ثاني يمكن هالنوع موضابط معاج دوري لج نوع شوي اخف

 

[doode cool]

السلام عليكم بنات


خوخه

شلونك الحين انشاءالله احسن وشلون ولدك الله يشفيه ي رب طمنينيا عنوه

شنول

لا تستاهل الساعه زين خذتيها حلوا عليها بالعافيه خلصتي انشاءالله من لويت الهدايا

الحمدالله علا سلامتك انشاءالله تشوفين كل خير بمراجعتك وطمنينا عنك

ام دونه

هلا بالغاليه شلونك بشرني عنك وشلون نوني انشاءالله بتحسن دايم ي رب بكرا طمنينا عنها شو صار عليها بالموعد ي رب يشفيها ويسهل امورها

نوني

شلونك شلون النفسيه اليوم اكيد من الحبوب ياسمين مضره وكاتبين عنها اتريكها اهم شي صحتك انا اخذ مرفلون وتعبتني ورحت هنا للدكتور وسويت موعد انشاءالله بكرا بغيراها واذا مانفع بقطهم وبستخدم طريقة العد والله يعين اهم سي صحتنا والله طمنينا عليك

دعول

وسعي صدرك والله يهونه لك انشاءالله تولدين بسلامه ي رب

ام الكوش

شلونك حبيتي كل شي تمام

غلوي

وينك مالك حس العسوله اكيد مسهرتك

منور مريامه وهلا الكويت وهلا وبطوط الي اختفت هي وام امحمد كيف كل البنات انشالله اوك

الحمدالله عندنا الجمعه اجازا وناسه يجي يوم هيك من الاسبوع اجازا
​

 

[Miss Chanel]

الســــــــــلام عليكم ..
شلونكم بنات

انا توني رجعت من مراجعــــــتي وتقول البيبي بخير والرحم مسكر لله الحمد
بس هذا انذار اجهاض ويمكن يطيح واحنا مانقدر نسوي شي
وماعطوني مثبت تقول ماتحتاجينه


هلا والله دودي لا والله ماخلصلت بس شريت 3 ساعات لخواتــي ...
الله يسلمج حبيبتي ..



غـــــــــــــــــريب وينكم اليوم بنــــــــــــــات ؟؟؟؟؟؟؟؟؟

 

[De3La^85]

شنووول حبيبتي عسى الله يثبته ان شاءلله ماكو الا العافيه والله يتمم عليج يا رب ,, حاولين تريحين هالجم يوم وان شاءلله خير

والاي بود مادري اذا تلقين بهالسعر الي اعرفه ان ارخص واحد بحدود الـ 200 ,,, بس جنه والله اعلم ان اذا شريتي لاب توب منهم يعطونج اي بود بس جنه عرضهم بس بالصيف مو متأكده مري ابل ستور وسأليهم

دودي وام دونه وام كوشه
الله يسلمكم مشكورين

وينكم اليوم بنات عسى ما شر هدوووء

ضيون طمنينا شصار عليج بالديره ولا للحين اهني ؟

 

[مجنونة حبه]

هاي بنوتات اشلونكم

شنول عيل ديري بالج يبيلج راحه كثر ماتقدرين
واذا الله كاتبلج ياه يتم يتم ان شاءالله

دعول شلونج عسى شغلج خلص

ام دونه ان شاءالله تحاليل بنتج كلها سليمه

 

[ام كوشه منكووشه]

السلاااام عليكم

اشلوونكم بناات وشخباركم


مشمش ا
الله يثبته ويسهل حمله ياارب
حبيبتي قد ماتقدرين ريحي نفسج

ضيوونه
درب السلامه ياقلبي
حافظج الله

دودوو
الحمدالله ان يعطونكم الجمعه اجازه علاقل شوي ترتاحون وتجددون نشاطكم

ام دوونه
بشري اشصار على مراجعة نونو ان شاءالله كل شي تمام معاكم

 

[De3La^85]

مج مج
اهليييين اشفيج ما تشاركين وايد هالايام فاقدينج والله
وشغلي والله للحين قاعده القط من كل مكان شويه بس البيبي ان شاءلله خلصت تقريبا بس باقي اغراض السباحه

ام كوشه اشلونج ؟

 

[Miss Chanel]

دعول.. مج مج .. وام كوووشه
تسلمون حبايبي

 

[مجنونة حبه]

مج مج
اهليييين اشفيج ما تشاركين وايد هالايام فاقدينج والله
وشغلي والله للحين قاعده القط من كل مكان شويه بس البيبي ان شاءلله خلصت تقريبا بس باقي اغراض السباحه

ام كوشه اشلونج ؟

ماتفقدين غلي حبيبتي
بس شوي مشغوله مع اليهال بالذات الولد اسم الله عليه بدت شطانته تبان
ونفسيه اكس بالذات لما تكونين حالج والزوج مشغول
الله يسهل عليه ويخلص هالكورس ان شاءالله :yaaaaaarb:

زين الحمدالله خلصتي شغلج وان شاءالله سهاله اغراض السبوح

بس اسلج عندج شغل وادويه النفاس ولا ماراح تستخدمينهم

 

[مريامه]

سلام بنات شلونكم شخباركم ...

 

[مجنونة حبه]

اهلين مريامه تمام والله
انتي اشلونج وشلون عطلتكم

 

[ام دونه]

مساءالخير
شلونكم شخباركم
هلا والله ام كوشه : دودي : مج مج
اليوم مراجعه نوره وطمنوني عليها الدكاتره يقولون انه مستوى الجلطه قادرين يسيطرون عليه بالادويه يعني التخثر ماقاعد يزيد والحمدلله ان شاءالله دوم
بس فرحوني بشغله انه قبل اسبوعين سوولها تحليل التجلط الوراثي طلع الحمدلله الجلطه مو وراثيه الحمدلله الحمدلله هذا اهم شي عندي
واهم يقولون انه البك لاين اللي حطوه الكويت سكر الشرايين عشان جذي صابتها 3 جلطات ورى بعض
بس راح تبقى على كورس طويل من الادويه تفاديا لاي شي لاسمح الله

الحمدلله اليوم تطمنت شوي او بالاحرى اطمن نفسي لانه اهني يخرون الاولي والتالي ويخرعونج اكثر من انهم يطمونج بس عرفتلهم خلاص

يارب يارب يارب يارب سهل عمليه نوره لا تعسرها ياكريم اكرمها الصحه والعافيه
قولو اميييييييييييييييييييييييين

ادري اذيتكم بسوالفي عن بنتي بس كلمن على همه سرى

 

[ام دونه]

خوخه وينج عسى ماشر

 

[مجنونة حبه]

يا بعد قلبي والله ام دونه مانلومج خلاص نوره بنتنا
الحمدالله عسى الله يسهل عمليتها وتشافى من كل شر

طمنتينا وان شاءالله اتيبيلنا الاخباره الحلوه عن نونو

 

[منورة الكويتية]

صباحو