ديوانية مغتربات usa

[ام دونه]

استغفر الله واتوب اليه


مائه مرة

 

[اختكم بالله]

صباح الخير ولا مساء الخير عليكم جميعا

 

[اختكم بالله]

مشتهيه اندومي مع اني ما احبها ولا. اكلها ههههههه

 

[ضي]

السلااااااام


ام دونه حبيبتي الله يشفي ابوكم العود ياااارب ويخليه لكم ويخليليج نونوو واخوانه يااااارب


شلونكم حبايبي؟

بدت عندنا العطله والجو صج كل يوم بحااال

 

[غلا شمر]

هلاااا شنول حبيبتي

انا بخير والحمال ماعليه ... يمشي حاله..

انتي شلونك ..

 

[غلا شمر]

او دونه يسلم عمرك يالغاليه ...

 

[اختكم بالله]

هلا ضيون وشنول وام دونه وغلا شمر شلووووووووووووووووونكم

 

[اختكم بالله]

 

[اختكم بالله]

عسى ربي يشافي كل مريض ويوفق كل طالب علم ويهون على كل حامل ويرزق كل من يتمنى الانجاب ويديم علينا نعمة الامن والامان اللهم اميييييييييين​

 

[مجنونة حبه]

السلام بنات اشلونكم
ا دونه الله يشافي ابوكم ويشافي كل المسلمين يارب
كوشه زين والله نصحتيني مع ان ريلي نشف ريجه واهو ينصحني مو زين تختنقين وانا الي مسويه نفسي فاهمه
عاد اقلب حق ديتول احسن

خوخه مشكوره عالدعوات الحلوه والله

باجي البنات اشلونكم وشخباركم

استغفرالله اخيرا وقف المطر مع ان الجو بارد بس اهون الشمس طالعه
بس الكسل الي موراضي يوخر عني
اي صح امس لقينا قمر دين اخيرا
يننت الريال بهالحمال

 

[اختكم بالله]

هلا مج مج شلونج ياقلبي

زين لقيتي الحمدلله

 

[مجنونة حبه]

الحمدالله تمام
اي والله زين لقينا
انتي اشلونج وشلون نونو وولدج
بشري عرفتي نوع الجنين بين

 

[ام كوشه منكووشه]

مساء الخير

اشلوونكم وشخباركم جمعيا

مج مج
عليج بالف عاافيه القمر دين
زين حصليتيه

هلا خووخه
بشري شلوون مراجعتج اليوم ان شاءالله كل شي تمام

بناات عالكلوركس انا كنت مثلكم لغاية الاسبوع اللى طااف وانا استخدم فيه بس اخر مره ريلي حده عصب كان نايم ويقوال ان ريحته قعدته من النووم اشلون انا اللى انظف فيه وقاام قطهم بصرااحه كنت حاسته مبالغ بردة فعله بس لمن رحت لدكتوره قلت اسالها

 

[اختكم بالله]

هلا مج مج الحمدلله بخير

باجر موعدي ويارب اتطمن عالبيبي ويارب ترزقني اللي اتمنى

 

[ام دونه]

هلا والله خوخه انا الحمدلله تمام انتي شلونج <الحمدلله انج مشتهيه اندومي ههههههههههه الضاهر البيبي بدا يستوعب انج بامريكا >اضحك مو تزعلين

مج مج بالعافيه قمر الدين ياااااااااااااااااااااقمر

 

[ام دونه]

خواتي حبايبي شنو اقول لزوجي يجيبلي معاه من الكويت ذكروني قلتله يجيبلي ملابس تمشي على حسب القوانين المفروضه علينا
بهار عندي امي مطرشتلي لي سنه بعد جنها تدري اني مطوله
ماادري شنو عفيه ذكروني

 

[اختكم بالله]

هلا ام دونه

قهوه -زعفران -تمر - هيل - بخور - خبز رقاق حق التشريبه ( يمه عالتشريبه اموووت فيها)
كاكاوات كويتيه ههههه حق عيالج وحليب كي دي دي ههههههههههههههههههههههه اقولج الاشياء اللي احبها

ياحلو الكويت

 

[De3La^85]

ام دونه
ماتشوفون شر والله يشافيه ان شاءلله
ووومن الكويت مثل ما قالت خوخه جيلاتين و فنيلا رشوش وعطور عربيه وخلطات ووو كريمات اذا تحتاجين شي معين لان اهني كلشي بوصفه واحنا الكريمات الي متعودين عليها اغلبها اوربيه ومو موجوده بس غيره كلشي موجود اون لاين ان شاءلله

توفي
عليج بالعافيه الرسيفر اشلون البث واضح 100% ولا نفس النت ؟
ووبسألج حق تحليل السكر لازم اروح صايمه ؟عقب باجر موعدي ان شاءلله

مج مج و كوووشه
انا مو اول ماحملت واانا تلوع جبدي من ريحه الكلوركس وما استعمله بس استعمل المناديل , ريحته وايد قويه تخنق وانا اي شي معطرر ما استحمله حتى كلونياتي وعطوراتي كلها غيرتها

خوخه
الله يطمنج باجر ان شاءلله ويرزقج الطفل السليم المعافى يارب

ضيوووووووون
اشلونج يا حلوه ؟
اشصار عليج اشريتي من كريمات ؟
اكو ماركه يمدحونها واذكر لما كنت اراجع بالكويت الدكتور مدحها لي وقالي طلبيها من النت وذاك اليوم رفيجتي تمدح الديودرنت مالهم اسمها derma doctor انا لقيتها في سيفورا شوفيها يمكن تيوز لج

بطوووطه
الحمدلله عالسلامه يلا ناطرين مشاركاتج شيدي حيلج

ام وهابي وشنوول وغلا الروح وغلا شمر و مريامه وباجي البنات اشلونكم؟؟؟

 

[اختكم بالله]

هلا والله دعول تسلمين ياقلبي

 

[ضي]

بااااااك


مج مج اشووووا انج لقيتي بالعااافيه حبيبتي


خوخه الله يسمع منج حبيبتي ويااااارب باجر تتطمنين وتطمنينا ياررب

ام دونه البنات ماقصصروا اهم شي المعطرات والخور لانه مستحيل تلاقين اهني

دعووول الاربعا ان شااااءالله بروح السوق واشو اخذهم واللا الاقي شي ٢،،، وببحث عن الماركه اللي كتبتيها،،،