ديوانية مغتربات بريطانيا

[الزيــALZAINــن]

رد : ديوانية مغتربات بريطانيا

هلا والله يا هلا ..:eh_s(7):

اييي نعم ان شاءالله مستعده شلون اطوف العرس وناسه :eh_s(9): ..












طبعا مستعده بالبيت و ازهب الاكل و الككاو و نسكافيه اشوف ان التلفزيون افضل و احسن نركز عدل.. :nbvppw:
و لا شرايج ؟؟حدي ارد و انا مبتسمه وناسه :ggdw:

 

[اسرار70]

اكييد ما ردنا على التلفزوون

اللة يديم الابتسامة والسعادة

 

[الزيــALZAINــن]

رد : ديوانية مغتربات بريطانيا

امييين يالحبيبه و منوره الموضوع :eh_s(7):..

انتي باي منطقه في بريطانيا ؟؟
و بشنو تقضين وقتج ؟؟
و شلون الاكل معاج من تيسكو و غيرهم؟؟

و انا ماشاءالله وايد اشوف سعوديات و حياهم الله لو يشاركون معانا يصير في حركة بالموضوع ..:eh_s(15):

 

[نوف لندن]

مشكورة اختي وانا قعدت هنااك بس مو دراسه وبرد مره ثانيه

 

[بسمه الم]

خووووووش موضوووووع:rerrerek:



وياليت كل وحده تذكر :
- سبب الغربه : دراااسه وبعدهاا اشتغلت تريننق وحاليااا بطاليه انطر ولادتي

-مدتها : انا بالسنه ال 6

-حالتها الاجتماعيه : بالسنه ال1 سنقل و الباجي حب وملجت وتوه تزوجت :eh_s(22):

- معلومات بسيطه بسيطه بسيطه عنها : امممم مدري :eh_s(22):

- صعوبات الغربه : الهووووم سك :eh_s(2):

-مواقف مضحكه : موااااقف الطبخ :s141:

-مطاعم مميزة: واااااااااااااااااااااااايد :tomato2:

-المنطقه : لندن

 

[مــلاك]

وااي اموت ببريطانيا واتمنى اتغرب فيها ادعوولي عشان ارد عالموضوع ههههه

 

[حبيبتي لندن]

وااي اموت ببريطانيا واتمنى اتغرب فيها ادعوولي عشان ارد عالموضوع ههههه

هلا اختي ملاك ماقدرت ارد على رسالتك لانه مشاركاتي قليله
بس انا مقيمه في بريطانيا ومو مبثعته والاسئله الي سالتيها اجوبتها في غايه السهوله

 

[ام مضاوي]

سبب الغربه

مرافقة زوج

-مدتها

مبدئيا 3 سنوات وممكن تزيد
حاليا بأول سنه فيهم ورديت الديره لاني حملت فماقدرت ارد بعد اجازة الكريسماس الا بعد ولادتي ان شالله

-حالتها الاجتماعيه

متزوجه


- معلومات بسيطه بسيطه بسيطه عنها

اممم عندي بنت و ولد

- صعوبات الغربه

شايله شغل البيت + الطبخ + تربية الاطفال برووووحج بدون مساعده خصوصا اذا ماتعودتي علي هالشي تسوينه بروحج لاقبل ولابعد الزواج
-مواقف مضحكه

واااايد مواقف مضحكه


-مطاعم مميزة

وايد
بس حبيت chiken koteg
لانه ينقذني اذا مالي خلق اطبخ ديايهم يمي يمي وحلال

]المنطقه

بين لندن و بيرمينغهام

 

[0(مـــســـ(مطير)ــــــك)0]

اهلا هلا

حابه الموضوع وان شاءالله يصير في حركه ومشاركات اكثر .

- سبب الغربه

دراسه

-مدتها
ظليت الصيف بس وراده الصيف هذا للماستر ان شاءالله


-حالتها الاجتماعيه

انسه


- معلومات بسيطه بسيطه بسيطه عنها

مادري


- صعوبات الغربه

قلة الكويتيات وانشغالهم .


-مواقف مضحكه

مافي شي فبالي الحين .. بس اللي اذكره شلون كنا نوقف الباص ههههههههههههههههه كنت مصخره ابييييييييييييييه حركات الله لايعودها ههههههه


-مطاعم مميزة

كان في مطعم هندي كنت احب اكل منه خصوصا انه حلال فأطلب مرات برياني ومرات وجبات



** بنات منو ساكنه بسكن الجامعه قاعده اسوي اوراقي الحين بس مومصتصيغه فكرة سكن الجامعه اخاف ملل او نظام معين . انتو شرايكم

انا راح اقعد فتره بروحي فأخاف من شقه .

 

[kuwait_queen82]

اهلا هلا

حابه الموضوع وان شاءالله يصير في حركه ومشاركات اكثر .

- سبب الغربه

دراسه

-مدتها
ظليت الصيف بس وراده الصيف هذا للماستر ان شاءالله


-حالتها الاجتماعيه

انسه


- معلومات بسيطه بسيطه بسيطه عنها

مادري


- صعوبات الغربه

قلة الكويتيات وانشغالهم .


-مواقف مضحكه

مافي شي فبالي الحين .. بس اللي اذكره شلون كنا نوقف الباص ههههههههههههههههه كنت مصخره ابييييييييييييييه حركات الله لايعودها ههههههه


-مطاعم مميزة

كان في مطعم هندي كنت احب اكل منه خصوصا انه حلال فأطلب مرات برياني ومرات وجبات



** بنات منو ساكنه بسكن الجامعه قاعده اسوي اوراقي الحين بس مومصتصيغه فكرة سكن الجامعه اخاف ملل او نظام معين . انتو شرايكم

انا راح اقعد فتره بروحي فأخاف من شقه .

شوفيلج سكن مع سكيورتي يعني مو اي احد يدش السكن

 

[احلا كويت]

يا حلات التجمع ..
انا مفكره اذا الله عطاني عمر ان شاء الله اكمل دراسة ببريطانيا .. بس اخلص من الجامعة اكمل ماستر باذن الله ..
شنو احسن الجامعات ببريطانيا ؟؟ ابي جامعة فيها بنات كويتيات عشان ما نحس بالغربه وابي جامعة فيها تخصص علم نفس ؟؟
و شلون حياتكم هناك شتسوون بوقت فراغكم ؟؟
من فترة و فترة ادش هالموضوع عشان اتشجع و ارفع نسبتي و اكون وحدة منكم ان شاء الله ببريطانيا ​

 

[kuwait_queen82]

يا حلات التجمع ..
انا مفكره اذا الله عطاني عمر ان شاء الله اكمل دراسة ببريطانيا .. بس اخلص من الجامعة اكمل ماستر باذن الله ..
شنو احسن الجامعات ببريطانيا ؟؟ ابي جامعة فيها بنات كويتيات عشان ما نحس بالغربه وابي جامعة فيها تخصص علم نفس ؟؟
و شلون حياتكم هناك شتسوون بوقت فراغكم ؟؟
من فترة و فترة ادش هالموضوع عشان اتشجع و ارفع نسبتي و اكون وحدة منكم ان شاء الله ببريطانيا ​

احلا كويت
حاليا المكتب الثقافي الكويتي اموقف القبول الى بعد شهر مارس و انشالله بنزلون لسته ايديده حق الجامعات المعتمده
و انشالله تيبين نسبه و تكملين في بريطانيا يارب

 

[احلا كويت]

حبيبتي انتي تسلمين .. لا وي انا ريضة شوي بقالي سنتين و نص اخلص من الجامعة ..
بس حلو ان يكون في هدف وطموح حتى لو حق بعد جم سنة ..
حياتي الله يسمع منج​

 

[ام مضاوي]

مسك مطير
حبيبتي كلللللش ما انصحج بسكن الجامعات
حمام مشترك
مافي خصوصيه
الطلبه من كل حدب وصوب وخصوصا طلبة شرق اسيا ماتتخيلين شلون السكن وراهم وماتتخيلين شلون وصاختهم
حتى الاضاءه يسكرونها مبجر وايد يوفرون بالطاقه فتحسين بضيقه مبجر وبروحه ليلهم طويييييييييييييل



احلا كويت
حبيبتي ربي يوفقج وتخلصين دراستج على وخير ويتحقق كل الي في بالج

بالنسبه للجامعات المعترف فيها او الطلبه
الجامعات المعترف فيها كل سنه تتغير
يعني في جامعات يسكرون القبول فيها تكمل 50 طالب كويتي فيها >>لان مو مسموح اكثر
وفي جامعات يكون مافي توافق بينها وبين الملحق الثقافي بالشروط
وغيره وغيره

 

[غزل العجمي]

- سبب الغربه

علااج ولدي الله يشافيه لي

-مدتها

10 اشهور والحمدالله هالشهر اخر شهر

-حالتها الاجتماعيه

متزوجه وعندي ولد فديته

- معلومات بسيطه بسيطه بسيطه عنها

ما ادري

- صعوبات الغربه

اي والله صعووبه خاصه اذا علااج بس الحمدالله ع كل حال

-مواقف مضحكه

ههههههههههههههههه واجد بدايتهااا اول ما جينا ما اعرف اطبخ ولا احب الطبخ اول شهرين زوجي يطبخ وانا اغسل الصحون وزهق قال تعلمي مني قعدت شهر اتعلم تقولون هنديه والله الهنديه تفهم بسرعه الا انا لاني ما احب الطبخ اساسا

2- كنت طالعه اتمشى ويا ولدي ومعاي العنوان السكن المهم وروح من فهامتي ابي ارد مشي لان قريب واضيع وقعد ابكي بالشارع ووقف وااحد اوريه الورقه انا ما اعرف انقلش واجد بس افهم ما اعرف ارد يقولي ما ادري وين واقعدد ابكي زياااده وجيني عجوز الله يجزاها خير بريطانيه قالت ما اعرف وين بس وديش لتاكسي وتوديني وجات الطامه الكبرا التاكسي ما يدل قال بحط ع الماجلان قال اي طلع العنوان يوم قاله شنو استانست ويوم قربنااا قمت ادلله وين < تكفين ع اخر شي روح موتي احسن هع

3- رحت اتمشي بالسنتر ويلحقني اجنبي قلت هذا بيسرررقني مت من الخوووف دخلت محل قلت بضيعه يمه منه قعد يناديني سكيوزمي سكيوزمي حقرته ولين قرب قال انتي عاجبتني انا من الدلاخه قلت هاه بالعربي هههههههههههه قال ممكن نروح كفي قلت قلت مالي الا هالجمله احلىى حل لا توهقت قلت سور نو سبيك انقلش قالي اووه مو مشكله نكون اصدقاء وعلمش قلت بوجه والله بلشه وروح ويلحقني والا اشوووف وجارنا سعودي قلت شلوونك ههههههه من الربكه هو انصدم قال هلا قلت تكفىى فكني من ها يلاحقني قال منو لفيت ابي اوريه مالقيييته يمه تقولين انشقت الارض وبلعته عقب قلت اسفه بس ممكن توصلني لبيتناا انا حيل خايفه قال هاه < ههههههههههه لو تشوفون وجهه قلت خلاص لين التاكسي قال اي زين كذا هههههههههههههه

-مطاعم مميزة

اكبر _ ممتاز _ ناندز

المنطقه يالي ساكنه فيها :

leeds​

 

[عيد الفرح]

بنات منو تدرس في نوتنجهام ضاق خلقي بروحي

 

[رهف المذهله]

هاي اشلونكم يعطيكم العافيه على هذا الموضوع انا برافق زوجي للدراسه بس خايفه من الغربه الله يستر

 

[البارونه*_^رونه]

وااااااااااااااي يااشين الغربه عذاااب هلاااااااك متى ارد بس




- سبب الغربه

علاااااااااااااااج لي

-مدتها

موودري طبعا كل سنه لازم اروح بريطانيا ويع بس الحين صاارلي يمكن 2 ونص وووو ارد ع شهررر 4
-حالتها الاجتماعيه

عزباااااء >>>هع هع طالبه


- معلومات بسيطه بسيطه بسيطه عنها

موودري شقولج معلوماات اني انا لايعه جبدي من هالديره وابي ارد كويييت بأسرع وقت

- صعوبات الغربه

ضيقة خلق من كثرر الضيقه ماتتحملين اي كلمه من احد بس تبين تتهاوشين من النفسسيه الزفت

-مواقف مضحكه

خخخخخخخخخخخخخخخخ كنا حاطين بالشقه لزقاات هذول مالات الفيرران >>>متعقدين من هالفااره

وحاطينهاا عن الباااب وانا ماشفتهاا وامشي ولا ألزق فيهااااااااا لوووول وبالغصب اشيلهاا عني مااصااردو الفااره صاادوني >>هع


مرررره كنا نتمشى برا ولا اشوف ريال وبنت مادري شيسون طبعا عيب وانا مبطله حلجي منصدمه والا القى جدامي ريال كويتي منصدم ويطالعني انا لمن شفته تفشلت قلت قطيييييييييعه ناااس ماتستحي حتى بالشااارع >>>لووول

ومرره بعد نتمشى وامي يمي ولا مااحس الا امي بالارض >>>طاايحه الحلووه
وظلت قااعده تشوف في عرب ولا لا طبعاا انا وابووي مشينا وخلينهاا


-مطاعم مميزة

ممممممم ماكدونالدز هع هع اتغشمرر

كلبه ,, مرووش ,, ماعرف اسااميهم البااجي



يسلموو

 

[brat]

هلا فيج، اي والله يبيلنا ديوانية

- سبب الغربه: دراسة ماستر

-مدتها: سنة

-حالتها الاجتماعيه: متزوجة بس زوجي مو وياي

- معلومات بسيطه بسيطه بسيطه عنها: عمري ٢٤ وماعندي عيال

- صعوبات الغربه: بالبداية كنت مستانسه لأن حلم حياتي إن أدرس بره، بس بالكرسمس رجعت الكويت ويمعات ووناسه، رجعت هني حسيت إني homesick

-مواقف مضحكه: بالصيف أهلي حجزوا cottage وشافوا بالخريطة إنه قريب من جامعتي على أساس اهما يوصلوني بالسيارة ليما أحصل لي سكن، ولا طلعت بعيده نص ساعة!! فقزرتها أول أسبوعين سكن الطلبة (كنت أدرس لغة) ولما زوجي شاف السكن انصدم وعصب ويقول حق أمي وأبوي مابيها تقعد هنييي وآنا أقوله عادي تقزوره وتجربة يديده ويالله رضا، وطبعاً الحمامات مشتركة ومره خذيت شاور بالليل قلت ماكو أحد ولما خلصت وآنا في طريجي إلى غرفتي شفت جم شخص، وأرجع الحمام، أجيك مره ثانيه ولا راحوا، أمشي أمشي، ولا في ناس، وأدش حمام ثاني أنخش لووول آخر شي اكتشفت إن طابقنا بس بنات لأسباب دينية واهوا إن آنا مسلمه وكان يمي وحده ليبيه

-مطاعم مميزة: Bella Italia, Nando's, ومطعم تركي يبيع مشاوي

قبل ويا أهلي كنا كل سنة نصيف ببريطانيا وكنت أموووت عليها، بس لما عشت فيها حسيت إني كرهتها، صج السياحة والمعيشة غيررر

 

[مدندنه]

حبيباتي المغتربات
اولا الله يوفقك ويسهل عليكم
ثانيا اقدر احس فيكم لاني جربت الغربة وان كانت مو مثلكم بالسنوات
ثالثا هذي ديوانية - والديوانية فيها سوالف ودق حنك وقال وقيل

سؤال ؟
انا رحت اكثر من مرة مانشستر ... سياحة طبعا
بس ابي اعرف هل في مكتب شحن جناط مثل لندن ؟
اللي تعرف تعطيني عنوان الله يعافيكم

ومرة ثانية ادعي ربنا ان يسهل اموركم

ومن زمان كتبت لكم موضوع عن الغربة موجود في الصفحة الاولى عل وحده تستفيد منه وتدعيلي