ديوانية محباات الميكااب .. حيــــاكم :)

[بنوتة نعومة]

مريووم رحتي لامرييه إلى في برج السحاب ؟؟؟​

 

[مريوما الحلوه]

لا مارحت دليني وين ؟ برج السحاب

 

[بنوتة نعومة]

برج السحاب بالضبط يم الصالحية​

 

[مريوما الحلوه]

اوكي اروحله السبت انشالله واردلج خبر لان بقالي الاسطوره و البوشيه اشوفهم مره وحده

 

[J.e.N.a.A.a.N]

hi
شلونكم انا الحين باخذ شاور واتمكيج بكمياجي لووووول
ولوكي
كونسيلر بوبي
كريم اضاءة من سان لوران
كريم نمبر سيفن البيج وفوقه بحط بودرة hd make up 4 ever
بينيتنت على الخدود
ماسكرا لوريال فاتل وتلسكوب
والحمرة فوكس ماك الوردية
الشدو يمكن احط برونز او بني وبيج تحت الحاجب
bye

 

[بنوتة نعومة]

نايس لووك جناتي


مريوووم روحيله ترى حلويين نفانيفه وو فخمين بنفس الوقت

و ترى اهو تبع الأسطورة ​

 

[أم منصور]

موضوعكم حلو

انا اشتري مكياج لكن ما احطه لاني اذا طلعت نو ميكب الا اذا شي بسيط جدا

وما استخدمه الا بالحفلات والحفلات مو كل يوم وكل شي اشوفه يعجبني وىخذه لكن ما احط شسوي في هذه الحالة

في البيت مو حلو حاطه فاونديشن وشدو وملونه عيوني

اكثر شي استخدم الالوان اللحمية والبرونزي واحب تكبير الشفايف

وبالنسبة للشدو اعرف ادمج الالوان بشكل حلو ومرة كنت مع عروس قاعده تمكيجها منيرة الفرج قالت لي منو مسوي مكياجك قلتلها آنا ما صدقت وهالشي رفع معنيوياتي

وصج الكل يشوف مكياج الحفلات يفكرون صالون وفوق هذا متردده اني احط مكياج واطلع فيه شسوي في هالمكياج الي عندي بدون مبالغه شارية من ايكيا العلبه البلاستيك الي تتقسم اجزاء كبيرة وتارسه علبتين مكياج كامل غير الادراج كلها بلاشرات وشدوات لمعه وغيره وكريمات اساس كل الالوان وطبي وتخيري

مشكورين خوش موضوع

 

[shushuwa]

وااااااااااااااي بنات كتبت رد شطووله وانمسح كله قـــــــــــــــــهر اوف

المهم بس قلت اني امس رحت مشرف يعني ثاني يوم حق السيل والصبح يمكن 10 ولا زحمه مافي مسافط مو من صجهم لوووووول
ورديت رحت الظهر هم زحمة جان ارووح الافنيوز
دشيت faces
ولا الي تشتغل تقولي في ماكيير من ماركة جيفنشي بروفشنال تعالي كلميه جان اقول يلا شورانا

طبعا قعد يقرق ساعتين يشرحلي على كل شي وانعجب بخطة الايلاينر مالتي جان استانس لوول
المهم وراني شي يصير بيس حق الاي شادو وعلى عظمة الخد على قولته يعطي لمعة الميي ويصير قلوس يعطي شكل طبيعي
ويقول اذا خلص يصير اكسسوار لوول اهو حاطة على جنطته مالت الميك اب;p

وهذي صورته

وشريت المسكرا المدورة اول شي ماكانت عاجبتني تخرع احسها بتدش بعيوني اذا حطيتها;S
بس بعدين قالي خل احطلج اياها بعدين حكمي عاد حطها فوق الي انا حاطته بس صج عجييبه@@ جني مركبة رموش !!
عاد مادري يكن لاني حاطة تحتها طبقتين؟؟ بس طولت رموشي حيل صارو حلويين حتى اهوه قال يخزي العيين شو بيعأدوو
كااااك
المهم وخذيت كريم حق الويه وايد مدحلي اياه وقلت مرة وحده بكمل السعر عشان اخذ هديتهم الي تشتغل قالتلي
هديتهم جنطة كبيرة وتونك وكريم ومزيل وعطر وكريم حق التجاعيد عطيته حق امي;p وقلوس

وهذي صور الي شريته

وهذي صورة ربع الهددية الباجي عند امي لوول

​

 

[pink]

أهليييين بنات .. شلونكم وحدة وحدة ؟؟؟؟


شوشوا .. ماشالله على الرموش اللي بتعئد :wqedqw: و بالعافية المشتروات ..
و ناطرين تجربتج مع البيس .. لازم نكون فكرة حق مشتروات الشهر الياي ..


بنوت .. أحلى شي لما تدلين مكان و الأهم منه تعرفين شلون ترجعين و الأهم الأهم إنج
ماتنسينه << هذا حالي مع المطار أحفظ الطريج وتالي إنساه .. و على شدوات الهوليدي
حبيتهم ماعدا واحد بط جبدي اللي فيه أخضر صاير شييييير مع إن الازرق اللي في نفس
الباليت عجيييب و واضح بس عندي نفس طقته و فشلته من حسبتي بالمرة أما باليت البنفسجي
خفت أكرر الالوان مع إنه عاجبني << بخليه تحت الدراسة و بحسم قضيته مع كولكشن البرشز


بيتوتة .. حبيبتي لاااا تترددين تاخذين هالباليت حددددّه عجيب و انتي نفسي حبيتي هالكولكشن أصلا
آنا ماخذه كل الباليتات و أكثر شي أستخدم باليت الازرق و الاخضر التفاحي وترى التمبتنغ موجود فيه
صج هاللون عجييييب حتى و آنا في البيت أستخدمه وااايد حلووو و أمس حاطه منه .. خذيه لايخلص
و ترى الشدوي ليدي مو موجود في المارينا لأني كنت بقارن بنفسجياته مع باليت كولكشن الهوليدي فقالتلي
خاااالص .. عشان جذي هونت آخذ البنفسجي حسيت مو مستعيلة عليه و قلت لها مرة ثانية بييبه معاي
عشااان أقارن .. بيتوتة جني شفته بالفنار و المهلب آنا خذت آخر وااحد على حسب كلامهم تأكدي أحسن
و قوووود لك حبيبتي ..


منوووره .. عليج بألف عااافية الحمر .. تدرين على هالكولكشن ماحسيت إني لازم آخذ منه و أقولكم شي
يضحك اللي شدني أكثر شي و لو بشتري عشااان أساميهم تشووووق ..


SeDuCTive .. شكلج رايحة ماك الفنار من قلتي ماعندهم تستر ..و صاجة يبلنا نغير الموضوع شوي
لأن هالموضوع شكله راح يفلسنا و احنا مو ناقصين ..


شهووودة .. أنصحج تاخذين بالفاوجر باليت الشدو من كالت أوف شيري تمبتنغ اللي انتي تبينه و يكون معاه
كذا لون بعد ..و باليت الشدو مال الهوليدي مادري ليش ماحبيتوه حتى لو خفيف مع إنه لأ .. وحلووو الوحدة
تغير عن الألوان القوية و الواضحة بس تراه وااااضح و مع البينت بوت يصييير أوكي .. روحي جربيه
انتي أحسن و قوليلنا رايج ..


مريوما الحلوه .. عليج بالعافية عاللي شريتيه .. و ميكاب ريميل كله حلووو مادري أرتاح مع هالماركة
و برستيج شغلهم هم ناايس وهم عندي منهم قلوووس اللي يتفخ الشفايف لونه مشمشي حلووو و ريحته
واايد حلوووة بعد على منت ..


جنى الزين .. نااايس لوك حبيبتي .. ماشالله يشووووق ..


أم منصور .. هلا و غلا فيج حبيبتي .. و ماشالله حلووو الوحدة تحط حق نفسها و الأحلى إنها تعرف حط
و الناس تشهدلها بهالشي .. الحين قوليلنا شنو عندج شي مميز بميكابج و شنو الاشياء اللي ما تستغنين عنها ؟؟؟


أم تذكار .. أهلييين حبيبتي .. و عليج بألف عااافية عالاغراااض تتهنين فيهم و الله يوفق اختج إن شالله ..


قلب بدر .. صاجة حبيبتي صايرين احنا نعرف سوالف الميكاب و اساميهم أكثر من اللي يشتغلوون و عليج
و على حبيبب الألب الاغراااض و الهدية ..


نطوووعه .. حبيبتي مثل ماقالت منووور تحصلين الشدو بالفنار طيراااان حجزيه كلشي صاير يخلص
بطريقة مو طبيعية ..


أوشال .. آنا شريت ديت نايت و بعدين رديته و قارنته مع الشانيل كل واحد غير عن الثاني و أحس يعتمد
على شنو تبين يعني آنا الحين حابة القلوسي القلاسي بنفس الوقت فيه جليتر فمالوت ماك يعطوني هالنتيجة
بس مالوت سان لوران و ماك أحس فيهم قلوس بس وااايد قلتري يعني اللون يروح والقليتر يظل موجود
و شوي لازق ما أقولج إنه مو حلووو بالعكس عجبني كذا لون من شانيل بس مودي هالأيام إني آخذ قلوس
بلمعة القلاس .. تدرين صاجة آناا فلوسي أغلبها انصرفت و متأزمة الحين و مادري شلون راح أشتري بدلة
العيد .. الفلوس انصرفت على هالميكب اللي يسامح ماااك أربع كولكشنات بشهر .. الله كريم


و باقي البنات .. شلوووونكم و إن شالله بخير ..

 

[shushuwa]

hehe:wqedqw:
بنكش
اليوم حطيت منه شوي على خدودي صار لمعه بس مادري لاني كنت حاطة fix ماك !! يمكن مو منه لوول
باجر انشالله اجربه بروحه واقولكم ;p

 

[بنوتة نعومة]

اهلين بنك


اي و الله صح كلامج لا بس طريج الافنيووز خط واحد سيييييييدة من دوامي ليه الافنيوز و نفس الشي الردة ما ألف و لا ادش دواعيس هذا احلى شي بالموضوع و توني ادري لوووووووووووووووول



يلا بناات تصبحون على خييير

باجر وراي قعدة من الصبح بروح حديقة الحيوان عزكم الله عشان نودي النزززغة بنت اختي

تصبحون على خير :***


باي :eh_s(8):​

 

[pink]

شوشوا .. آنا أقول مو من ماك فكس هذا جمال رباني طبيعي بس
خايفة من العين .. وناطرين تجربة باجر حبيبتي ..


و انتي من أهل الخير حبيبتي .. و على حديقة الحيوان ناوية أروح
هالاسبوع حق بنوتي بس الله يحنن قلب سي سيد علينا .. المفروض من
الاسبوع اللي فات بس ظروفه امنعتنا انروح إن شالله ما تتكر و نروح..
و قوليلنا شلون الوضع اهناك لأني مو حابة أروح و بروح عشان خاطرها
فقططططط ..

 

[أم منصور]

اغراض النصب والاحتيال بدون الفرش



هذا الاساس الي استخدمه للوجه والعين كيريولان خاص للمثلات كومباكت بوبا رقم 2 سيلك توج لمعه تحت الحاجب اضاءة من بوبا رقم واحد وعندي من ميك اب فور ايفر ومن مكياجي وايد يعطي شغل بالدمج الي علبته ذهبيه خذيت كل الالوان عاد ياريت استخدمهم يسمعون حسج وفي تفتيح قلم حول الشفايف والعين ماركة بينيفت للعين والشفايف يحوط الشفايف وزوايا العين باضاءة رهيبة



كريم اساس للجسم من ماركة بينيفت الي مبين صورة وحده ماغطه ريولها وفي كريم بعلبه وردية هذا يسكر اي مسام مفتوح بالوجه لما تحطين الفاونديشن انسي في مسام مفتوح وصكه وحده طبعا هذا قبل الاساس

الحمر بعدين اصورهم اعتمد على تكبير الشفايف بالتحديد ثم الروج وبعدين الجلوس

اكثر حمر السهرة ليلى هرموني حلوين علي مع الجلوس

اليومي ديور - فيرساتشي - سان لوران

 

[shushuwa]

بنك
لوووووووووووول شدعواا جان زين ,, وانشالله باجر نشوف عاد اذا طلع بوطقة صج بعصب وايد يقصوون علي;\
بس حطه على الي تشتغل كان حلو

بنووتة
Have fun باجر

ام منصور
واااو مكياجج يشووووق;** عليج بالعافية حبيبتي وليش ماتحطين حسافة عليه!!

 

[pink]

أم منصوووور .. حبيبتي والله يسلموووو على صور أغراض النصب و الاحتيال :eh_s(6):
ما شالله أغراضج تشووووق .. تتهنين فيهم و بحطتهم إن شالله .. و الصراحة
شوقتيني على الحمر و صاجة ديور وسان لوران حلوين حق اللوكات اليومية ..

 

[pink]

شوشوا .. صاااجة يا مكثر ما يقصون علينا و نشتري .. و مشكلة
نرد ننسى و تتكرر نفس المأساة .. لا إن شالله هالبرودكت فيه الخير

 

[shushuwa]

انشالله بنك اذا مافيه خير ماني شارية شي بعد
جان زين اقدر

 

[shushuwa]

يلا بنك انا بنام تصبحيين على خير حبيبتي;*

 

[أم منصور]

أم منصوووور .. حبيبتي والله يسلموووو على صور أغراض النصب و الاحتيال :eh_s(6):
ما شالله أغراضج تشووووق .. تتهنين فيهم و بحطتهم إن شالله .. و الصراحة
شوقتيني على الحمر و صاجة ديور وسان لوران حلوين حق اللوكات اليومية ..

دام في احد قاعد اصور لكم الشدو الي اعده خيال في السهرة ولا استغني عنه وبعد بحط صورة ميكب فور ايفر هالثلاث الوان اخذوهم بلا تفكير




ميكب اب فور ايفر فلاش كولر فضي كريمي ونفس الطريقة ذهبي والاسود هالثلاث ابداع

والباقاقي الي تشوفونهم اضاءات للعين والعظمة الخد والانف وتحت الحاجب وكل واحد يستخدم حسب الوان الشدو المستخدمة

والي صج اموت فيه شادو هيفاء وهبي وفاتحته لونه تشوفونه زيتي على لمعه ذهبي لكن لما تحطينه لونه اسود مو طبيعي يعطي على درجات الطاووس وما ركته nars كانو يبيعونها في دبنهمام وهذا ما استغني عنه ابدا

والمكياج خصوصا الحفلات ركزي عالعين وخففي الباقي او العكس صحيح

 

[pink]

أم منصور .. شوقتيني الصراحة .. أمس كنت رايحة فافافوم الافنيوز
و كنت عند نارس و شدواتهم فعلا عجييييبة و الحين شيشتيني زيادة
و على ميكاب فور ايفر حسااافة جمعية مشرف كانوا مسوين سيل
جان خذيت منهم يالله ملحوووقة .. بخزن اساميهم عندي عشان
أشوفهم .. يسلمووو يسلمووو حبيبتي عالصور