ديوانية محباات الميكااب .. حيــــاكم :)

[شهووده]

بنووكه

تسلمين حبيبتي ويخليلج بنيتج ..

اي اي اهي من الحين مبين مستقبلها بااهر لووول

 

[pink]

شهووده تدرين عاد أمي عندها سر ماتدري إذا اهو لي أو لاختي

بس احنا شاكين إنه لاختي لأنها تحب البيت بيتوتية نمبر 2

 

[BaiTotia]

بينك إي أروح المارينا علشان ماك وكوستا خخخخخخخخخ

لا والله أغلب أوقاتي بالبيت فيناسبني هالنك نيم عدل

 

[pink]

بيتوتية صاجة المهلب مقموت بس سوق شرق بارت اللي صوب

ستاربكس و مركز سلطان حلوووو و شرح خصوصا لارحتي الصبح

 

[شهووده]

بيتوتيه

تصدقين أنا مااحب أطلع واايد ..

يعني معدل طلعاتي معقوووول جدًا ..

وعادي يطوف علي أسبوعين موطااالعه !! ماتفرق معاي ..

والأسبوع اللي وراه طلعتين ورا بعض لووول



بس يمكن وجود سري المسكين بهالمكان كان نتيجته إني أحب دثرة اليرارات :dddds:

وتعالي شووفي يراراتي .. كل ماعدلتهم ينعفسوووون :dddds:









بنوووكه

لووول الله يهداهم عاد قطوهم بمكان سنع شدعوه عيزانين

مدرسه مسيد شي :eh_s(6):

 

[pink]

أهااا .. سوووري ظلمتج بيتوتية

 

[BaiTotia]

للحين محتفظين بالسر؟؟؟؟؟؟؟؟؟؟؟؟؟؟؟؟؟؟؟؟

إحنا كله نقطه

مانخليه

باجر بسأل أمي وين قاطه سري ههههههه

 

[pink]

أقولج شي شهووده .. سر بنتي ليلحين في

بيت أهلي .. و الله يستر لا يكون أمي مرتبة

غرفتي و قاطته .. صرت نفس أمي و تدور الدوائر

فلا تتحلطمين .. نصيحة :eh_s(6):

 

[شهووده]

بيتوتيه لا مومحتفظين فييييه لوووووول

بس كان محذوووف أصلاً ومحد يدري عنه ..

طبعًا هالحجي من زمااان .. أيام ماكنت أولى ابتدائي يمكن ..

وعقبه انقط واعليه

 

[BaiTotia]

شهودة نفسي إنتي

خصوصا أيام الدراسة

حتى العروس والإستقبالات موذاك الزود معاها

 

[شهووده]

لووووووووووووووووووووول بنوووكه

احنا بعد جذيه سر بنت إختي اللي أكبر من القزومه أم راس نااشف كان عندنا بالبيت ولقيته مره بيرارتي واخترعت لووول

بتطلع على خالتها تحب دثرة اليراراات لووول





بتاابيتوو

اي لوووول سئليهاا

 

[شهووده]

بيتوتيه

أنا أكره ماعلي روحة العروس والاستقبالات :/

خصوصًا اذا ناس موقراب وايد ..

يعني اذا قراب أكيد أحب أروح وأكشخ وصالون وبدله ..

بس اذا أحد بعيد أتعااااااااااااااااااااايز ..

ونااااادرًا أرووح !!

مشالله أعرف بنات مايخلوون عرس واستقبال إلا ويروحون ..

وشرطج يكشخوون وميك أب وتسااريح ومن صجهم !

 

[pink]

شهووده .. خوووش وراثة وحدة راس

يابس وحدة تحب دثرة اليرارات

آنا لو كنت أختج آخذ منج تعويض _03ba:

 

[BaiTotia]

إذا عرس ولا إستقبال بعيد يصير ملاقة

تقعدين عالكرسي جنج صنم

فما أحب أروح

أما القراب مجبورة لووووووول ولا محد بيني ويعبرني بعرسي خخخخخخخخخخ

 

[pink]

تدروون شنو البايخ في هالاستقبالات و العروس

قبل ما اتزوج مو شرط أروح ألحين عشان أكون

سنعة و محد ينقد علي مجبورة أروح ترى محد يقدر

إذا تقدرين و اللا لأ إنتي بيتوتية و اللا لأ .. يعني

اختي ما تحب و نادرا ماتروح عرس فلكل ناقد عليها

مع إنها تدرس طب و عندها ياهلين !!!!

 

[شهووده]

لووووول بنووكه لا شرطج الراس اليابس حتى الكبيره وارثته

وشدعوه أمهم ماتتحلطم لووووول لما ينرفزونها وتعصب تقوول اي بعد منو خالتكم ؟





بيتوتيه

اي والله صاااجه

 

[BaiTotia]

صح الوحده لا عرست مجبورة تروح

خصوصا الإستقبالات

لازم توجب

بس العروس عادي مولازم

 

[شهووده]

بنووكه أنا إختي كله تقوولي مايصير ماتيين حتى لوبعااد ..

هذا وااجب وإلا باجر الناس ماتوجبج :/

تقولي خلاص كبرتي ماعدتي صغيره ..

والحين بعد تخرجت فماعندي حجه لوووول ..


والله يعينها إختج مسكينه :/

رفيجتي بالطب مومتزوجه ولاشي وحاايسه حووسه موطبيعيه :/

 

[BaiTotia]

الله يساعدهم اللي بالطب

أحس حياتهم كلها دراسة

 

[@توتا@]

شهوده اختج صاااجه لازم نوجب بس احنا العيز ذابحنا :eh_s(6):

والله ساعات افتشل واشتحي من نفسي قصب اتل روحي تل

مشالله عليهم في ناس ما يطوفون​