ديوانية محباات الميكااب .. حيــــاكم :)

[@انا قلب بدر@]

شهوود حبيبي شلونج شخبارج

يتني اليوم عاد تتدرين الظهر دازتلي مسج تقولي وين بتقعديني وتكفيم موبي تجمعات نبي انكون بروحنه تخيلي انا اخترعت

بس والله الظليمه شينه البنت يت عندي قمه بلاحترام وعادي قعدنه نسولف وعادي بس كانت متنحه عيوني علي هههههههههههههههههههههههههههههههههههههههههههه لا تقولي شكلج بدون ملفع غير يهبل هههههههههههههههههههه

<<استانست

 

[شهووده]

هلا حبيبتي :*

لوووول أشووه عدت على خير

تدرين عااد هالسوالف ماستغربها من المرااهقات بس هاذي الله يهداها اذا من عمرج يعني مووياهل !!

أذكر إخت رفيجتي جذيه .. واااي يننتني :/ حتى كنت أقول حق رفيجتي الكلووز ( مو إختها ) إنها تخرعني أحيانًا :/

مسجات حب وغرااام .. ولماا تمدحني لووول جنه وااحد يتغزل بوحده وتقوللي أبي صوورتج

بس طبعًا كانت مراااهقه .. وحراام يعني بنيه طبيعيه ماافيها شي بس إهي جذيه شووي رقله ..






وين البنووتات مالهم حس !

 

[pink]

أهليييين بنوتاااات .. إزي الأحواااال ؟؟؟؟


شهووده .. طلعتي نفس الستارز اللي لهم معجبييين كشخة .. تدرين اليوم لما بطلت التلفزيون
قلت خل أحط على روتانا ميوزك و اللا اغنية اليسا بنصها جان أضحك تذكرت لما قلتي شفتيها
أربع مراااات .. بس الفلاتر لاعبة لعب باللون و شنو كحلها؟؟؟ شكله أسووود فحمي حتى شمسنا
العامودية االلاهوبية ما تخليه يسيح ..


بيتوووتة .. إن شالله راح أقولكم أي شي أشتريه من غيرلان بس من الوااااضح مو هالشهر الشهر
الياي طبعا السبب مااااك الله يسامحه ..


ريماااني .. الله يعينج و أحس وااايد في أشكال ما تحس و يحرقون الدم و يقصرووون العمر بعد ..
بما إنها ما تفهم و مو حاشمة نفسها و لا هامها بيتها و ريلها فعااادي تتبعون معاها أي طريقة بدون
ما تنحرجون لاااازم توقف عند حدها و تعيشوون حياتكم .. حبيبتي أحسج توج صغيرة على الهم
و المشاكل عمرج عمر الونااااسة .. وعليج بألف عاافية غريضاتج تتهنين فيهم ..


بنوووت .. الزهايمر حبيبتي حايشنا كلنااا الله يعين .. تخيلي رفيجتي الكلوز قايلتلي بيوم الاربعا إنها تبي
تستأذن من الدوام يوم الخميس لأنها تبي تسافر .. و يوم الخميس أيي الدوام متأخرة و ما أشوف سيارتها
أتصل فيها مستغربة ليش سيارتها موموجودة تقولي اشفيج آنا ماخذة اذن قايلتلج من أمس .. أمبييه يعني
حتى الاشياء المهمة أنساها و من جم يوم ناسية عيد ميلاد رفيجتي و ما قدرت أدق لأن السالفة ما تترقع
كلشششش كلشششش .. على بيضون آنا أروح بيضون بيان الباااائس و بيضون بلازا حولي ..


قلب بدر .. زميلتج من أي فصيلة؟؟!!! الصراحة تخرع و ما ينلااام لما مارتاح لها .. اسمحيلي
البنت كلششش ماتريح .. و مادامها زميلتج وبس الحمدلله مو أكثر و زين اللي سويته زيارة و افتكيتي
و عطيتيها انطباع إن علاقتج رسمية معاها ..


منووووره .. مبروووك عالبقمنتس يا سلاااام على راااحة البال .. و يسلمووو حبيبتي عخبرية الجوثن ..


سيدكتف .. صاجة حلووو التنويع و آنا كنت جذي بس مادري اشفيني على ماك يمكن عشان شكل الكولكشنات
يشدني .. آنا الباكيجنغ وااايد يغريني عشان جذي أحاول ما أدش مراكز التجميل أشوف الشكل يعجبني و يدش
بخاطري أكثر من إنه افكتف بس سويت كنترول على نفسي بس مااااك خربها ..كولكشن ورا كولكشن ما يمهل ..


أوووشال .. هااا بشري شريتي اللي تبينه من الدازل قلاس ؟؟؟؟


آنا اليوم كنت أوفر تعبانة بس هالمرة من اللي ما تتسماش للأسف يتني .. و ظليت مرتاحة في البيت الين المغرب
بس فيني طلعة بس ماقدر أسوق و أمشي تعبااانة فاختي حبيبتي تبي ترفه عن نفسها بعد الكلية - قااعدة تدرس مع
زميلاتها - فقلت لها خل نروح المهلب كان بخاطرها تشوف الدازل قلاس و آنا كماااان ما أصدق .. رحنا شرت
قلوسين و آنا ثلاث : Fantabulous , Sparking Rich & Money, Honey وعيني راحت على
كذا واحد مو عشان لونهم بس مادري احساس التملك البايخ اللي حاشني .. عاااد اللي تشتغل بماك اسمها جميلة
تقوللي خذيهم كلهم حلوووين عبالها املينه آنا شافتني رايحة ورادة على الكولكشنات مرة بروحي ومرة مع ريلي
و مرة مع اختي اشتري فيهم ماتدري شنو مكنسلة أشيااااء و مواجيب عشان هالماااك ..

 

[شهووده]

أهلييييين بنوووك :*

ماتشووفين شر حبيبتي .. والحلووه شر لابد منه شنسوي بعد :/



لوووووول لا والله موسالفة إني ستااار

بس إهي من طقة هالمراهقات اللي تحبج حب موطبيعي وعندها إنج واايد حلووه وشي استثنائي ماكو منج اثنين لوول


اممممم اي لوول أنا ترى كل مايحطوونها أقعد أبحلق بالشاااشه أبي أصيد الرسمه ..

وصاجه سووااد الكحل موووطبيعي .. مفتح لوون عيوونها واايد ..




وعليج بالعااافيه الدازل غلاسز اللي خذيتيهم ..

أنا دقيت أمس عالمهلب وردت جميله سألتها عن الأزرق قالت خالص :/

قلتلها نزل بكل مكان قالت إي .. وتوه قريت إنه بالافنيووز مونازل !!

صج داايخه !

 

[pink]

شهوووده .. الشر ماييج حبيبتي .. بس ما شالله شهووود شكلج آكتف و اجتماعية و

البناااات المراااهقات يحبوووون جذي .. إن شالله دوووم تظلين آكتف حبيبتي ..


و على الدازل الغلاس الازرق .. قالتلي جميلة إن فرعهم نازل منه اثنين

وااااحد كان تستر و الثااااااني كان من نصيبي :eh_s(6): .. عاد جان أقولها

مشكوووورة حسستيني إن لي حظ في هالدنيا .. حظ في الخسااااير بس القلوس

الازرق ريلي شاريه لي يعني مو خسااارتي .. تدرين كل ما يصير شي بينا يطفرني

و يقول ييبي اللي شريته لج هالشي الازرق !!! عاااد أقوله لا تخليني أروح أرده رفند

و أشتريه على طوووول بفلوووسي

 

[pink]

شهوووده .. احتمااال كبييير يكون نزل في الافنيوز آنا لما قالتلي

ديما إنه ما نزل كان يوم الاربعا فيمكن أمس نزل عندهم ..

و الله يعافيج حبيبتي

 

[أوشال]

ضاح الخير بنااات

عليج بالعافيه pink ..صج نبي تغيير ملينا.. بس لازم تعلميننا شنو اخذتي منهم اوكيك

واي اوشال ظاق خلقي من تذكرت سالفتج .. ما شكيتي باحد للحين؟؟ ولا في احد بين عليه شي معقوله؟

بنوته نعومه... لووووووول تدرين انا من متى اشتري ماك؟؟ من 1992!!!!!

حبيبتي سيداكتف

شكيتي وخلاص عرفتها حده مريضه ..واشكره كان مبين بس الكل يقوول تظلمينها

الحين صارت تحطن طن ميكب بالزوارة ..والله مو قاصرها شي وحالتها المادية فووق الممتازه

بس شقوول حسبي الله ونعم الوكيل فيها ...

سيداكتف بعرف جم عمرج استغربت من سنة 92 وانتي تشترين من ماك ؟؟!!

 

[شهووده]

لووووول بنووكه يمكن والله

بعد عمرري مشكووره :*




وعليييج بالعاافيه .. ان شالله دووم حظج يكون حلوو ياارب ..

ويحليله ريلج ضحكني لما يقول هذا الشي

مسكين شكله مستغرب شلون قلوس ( أو بالأحرى حمره لأنهم مايفرقون بين الحمره والقلوس ) ولونه أزرق



اممم يمكن نززل ..

بس أكييد خلص .. ماتوقع بيظل مشالله :/

 

[BaiTotia]

قووووووووووووووووووووة صديقاتي

شلونكم؟

بنات شرايكم بهذا؟؟؟؟؟؟؟؟؟

منهي فيكم مجربته؟

رفيجتي شوقتني على ديور وأنا مو مجربة غير ماسكرتهم وحمرهم وقلوساتهم

وشدواتهم مجربتهم من أختي يلوعون الجبد

 

[شهووده]

صبااح النووور حبيبتي أوشاااال ..



انزين شاللي خلاج تحسين إن إهيا اللي باقتج ؟؟

واذا إنتي متأكده ليش ماتواجهينها ؟؟

 

[BaiTotia]

ريماني حبيبتي لا تتضاقين

قلب بدر لووووووووووول الحمد لله عدت على خير مسكينة البنية ظلمناها ههههههههه

منورة وناسة خوش خصم .. المشكلة الجوثن إذا رحتله ماعرف شلون أرد نفس طريجي خخخخخخخخخخخخ مالت مو حاطين رده

وبالعافية البقمنتس

شهاهيدو سوي رسمه القطة قبل جم يوم شفت بالبيوتيوب شرح سهل إن شاالله بطبقة عن قريب

وتحت عينج كحل أو شدو جويتي

بنكوشه لوووووووووووووووووووووووووووووول مت من الضحك على الأزرق

وبالعافية عليج القلوساااااااااااااات

أوش أوششششش أستغفر الله ماتستحي!!! .. الله يعوضج إن شاالله

وعلى قولة شهودة مافكرتي تواجهينها؟

 

[pink]

شهوووده .. آنا اختصارااا للوقت أقوله حمرة ما أقوله قلوس ..

و حطيت له بالبيت القلوس الازرق قاللي حركااات و اللي محليه

إني آنا شااااريه .. ذبحننني بس مستحملة في سبيل هالقلوس

مادري لمتى ؟؟؟!!!


أوشاااال .. هالبلشر كنت باخذه بس رفيجتي ماخذته و قالتلي في أحلى

منه قصدها سوالف غيرلان فهونت حتى ما جربته .. بس ليش ما يعجبونج

شدوات ديور آنا أحبهم صج خفاااف بس نااااعمين في الحط .. بس الشي

اللي يبط الجبد فيهم إنهم يتكسرووون مادري يتفتتون بسرعة ..

 

[أوشال]

أوووشال .. هااا بشري شريتي اللي تبينه من الدازل قلاس ؟؟؟؟


آنا اليوم كنت أوفر تعبانة بس هالمرة من اللي ما تتسماش للأسف يتني .. و ظليت مرتاحة في البيت الين المغرب
بس فيني طلعة بس ماقدر أسوق و أمشي تعبااانة فاختي حبيبتي تبي ترفه عن نفسها بعد الكلية - قااعدة تدرس مع
زميلاتها - فقلت لها خل نروح المهلب كان بخاطرها تشوف الدازل قلاس و آنا كماااان ما أصدق .. رحنا شرت
قلوسين و آنا ثلاث : Fantabulous , Sparking Rich & Money, Honey وعيني راحت على
كذا واحد مو عشان لونهم بس مادري احساس التملك البايخ اللي حاشني .. عاااد اللي تشتغل بماك اسمها جميلة
تقوللي خذيهم كلهم حلوووين عبالها املينه آنا شافتني رايحة ورادة على الكولكشنات مرة بروحي ومرة مع ريلي
و مرة مع اختي اشتري فيهم ماتدري شنو مكنسلة أشيااااء و مواجيب عشان هالماااك ..

هلا بنووكوشه

عليج بالف عافية الداززال

أنا رحت الفنار اليوم ماشاء الله السوق عامرر حده زحمة وحتى ماك زززحمة

قعدت والله اكثر من ساعه وأنا اجرب ومسح اجرب ومسح الألوان حدهم عجبين احلى من كولكشن الريد شي سيد فاهين


اللي شريتهم بالانجليزي المعرب لوول ..فانتابولو - مس فزز - هوني مني - ستيبنق اوت - لايك فينوس

وجربت الأزراق وذاااب قلبي يهبل ...الأزرق سالفته سالفه

وكان خاطري بيبي سباركل لونه من برا عجيب بس اذا حطيته ياربي مو مبين كلش مووشي

وهم بير نسيستي جنه اسمه جذي لون عااب من برا بس كلش موو حلوو يوم جربته

والشوقر هم يتكتل ومافيه لمعة

وكنت ناويه اخذ الايز برش بس فاطمة قالتلي مو وايد نفس الكواليتي وقعدت اقرنهم وانا عندي جم فرشة فا أخذت

فرش الفيس مبين عليهم حلوين ويستاهلوون

تبوون اكمل قصة حياتي

رحت بيت اهلي اليوم وحدي مستانسه براوي اختي الدازال

ولا الفصعونه سابقتني وشاريه كل اللي شيتهم وزود وحاجزه من قبل لا ينزلوون تعرف وحده جنها اسمها عبير

فرع الأفنيوز تصدقون الدازال الأزرق كان نازل منه بس 3 أختي خذت اثنين والحمدلله :yaaaaaarb: عطتني واحد

بصور لكم اغراضي باجر حدي مو مصدقه لووووووول

بس ماشاء الله تجهيز أختي عجيب

بس يوم رديت البيت ريلي حبطني وايد كل ما جربت لون يقول يشابه اللي قبله :eh_s(11):
اذا اذا حطيتهم حدي مستانسه بعدين يعورني قلبي اني شريتهم وهم حسيت الوانهم متشابهه !! بس ابيهم

وشريت بعد حمرتين من حمرتي المفضلة وصديقتي الصدوقة كينا سكسي

تعبت كتبت قصة حياتي

اي بنك جم عمرج لأن انا وانتي بنكمل خمس سنين زواج بعد جم شهر

فيني فضوول بعرف دامج معاي بنفس سنة التجنيد

 

[شهووده]

أهليييييييين بتبووووت :*

شكللللله يشوووق بس مومجربته من قبل والله !!

ان شالله البناات يفيدوونج ..



ورسمة القطووه ماحسها حلووه علي واايد :/

كل ماسويها أرد أمسحها .. ماأقتنع فيهاا :/

أحسهاا حلووه علي بدون شيله ..

تهقين أقط الشيله بس حق العيد ؟؟

 

[شهووده]

لووووووووول يحليييله

أهم أساسًا مااتفرق ويااهم .. ماتشوفين ريل وش وش يقولها نفس اللي قبله

لو أقولكم أبوي شنو يقول عن القلوساات تمووتون ضحك لوووووووول

مره شافني حاطه قلووس جان يقوللي بابا موحلو هذا اللي حاطته جنه سعابيل لوووووووووووووووووووول :dddds:






وش وش

علييج بالعااافيه حبيبتي إنتي والعروسه اليديده :*

ويحلوووج وياحلووو سوالفج :*

 

[BaiTotia]

بنكوشه هذي أنا حطيت البلش مو أوشال لووووووووووووول تأثير السهر

مادري شدواتهم ماحبيتها كلش نفس كلام رفيجتي ألوانهم ناعمة

زين اللبش يعطي أي لون بالضبط؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أوشاللللللللي بالعافية الميكب

شهاهيدو لووووووووووووووووووووووووول عيل فكري بطريقة ثانية أو مو لازم تسحبين الآي لاينر

أنا للحين مو عارفهع شلبس حق العيد ولا أدري إذا ملابسي كاملة ولا في شي ناقص

 

[شهووده]

بتبوووت أنا الشي اللي موحابته بالرسمه مو السحبه اللي بنهاية العين ..

لأ البووز اللي من جداام .. أحسه يطوول عيووني !



طبعًا للحين جااري البحث والتفكير وان شالله يصير خير لي يوومها





ليش ماتقعدين تجيكين !! خوفج يوم العيد تتفاجئين إن ناقصتج شيله وإلا شي !

 

[BaiTotia]

لا شهودة عندي شيلات يديدة ومناسبة بس مادري خوفج المقاس خخخ ولا البودي

الأضحى العام صار فيني جذي .. ماعندي شيلة تناسب لأني ماكنت أبي ألبس هالبدلة ومخططة حق بدلة ثانية بس بنطلونها خون فيني كان وسيع

والبوز مولازم تسوينه!!!!!!!!!! يعني تصير جنها رسمة مارلين مونرو

 

[شهووده]

زين أشووه عيل ..

بس عاد جيكي خوفج يطلعلج شي وسيع وإلا ضيج نفس العاام ..





اممم عيل تقصدين أسوي الايلاينر اللي طاااير ومن فووق بس صح ؟؟

ومن تحت أحط كحل أو شدو جويتي .. !!






بنووكه و وش وش وين اختفوا ؟؟

 

[أوشال]

:s141:


وووبس هذي القصة من طأطأ لي ,,,,