ديوانية محباات الميكااب .. حيــــاكم :)

[مريوما الحلوه]

مشكوووووووووره شهوده وااايد واايد

 

[شهووده]

العفووو حبيبتي على شنوووو :*


مع المماارسه ايدينج تااخذ عالرسم ..

أنا قبل كانت ايديني ترجف .. ومو من أول مره تضبط الرسمه ..

الحين مع التعووود صرت أتقنهاا ومراات قليله مااتضبط وياي ..

وصرت بعد من كثر ماأجرب على عيوني كل مره شي أبتكر رسماات يديده تلوق على عيووني من بعد ماكنت لااااازقه

بنفس الرسمه ومااغيرها

 

[mannooora]

هاااااااااااي بنوتاااااااااات :*

ولهانه عليكم كلكم :*

بنوته وشوشو وبيتوتية وشهودة وسيدكتف ونحولة ومس قولدن واوشال وقلب بدر وبنوكه وريمانى ومريومه وباجر البنات ؟ اشلونكم يا حلويييين :*

 

[بنوتة نعومة]

هااااااااي


قبل شوي رديت من الافنيوز

شريت شغلات قلت جوووووود اطلع من الي انا فييه


و بعدين رحنا تعشينا بفرايديز البحر وااااااااااااااااي شنو هالعالم شنو هالبنات و الشباااب جنه رايحين club مو مطعم أثاري الناس بعااااالم و انا بعاالم << عالم الاكتئاب

احلى فراشة

مشكوورة حبيبتي بس المشكله ما تترقع

جان زين مشكلتنا هوشة و بس

لا مشكلتنا انه علاقتنا مالها نهاية

يعني ما راح تنتهي بالزواج و حلها الوحيد يا ان نظل مع بعض بدون زواج على طوول ليمن ابوي يغير مبادئه او نفترق و اتزوج واحد ثاااني :0bee2e8d89::0bee2e8d89:


<<< ببجي ​

 

[شهووده]

منوووور

تووله عليج العافيه حبيبتي :*

واحنا بعد ولهناا عليج ..

شخباارج إنتي ؟؟






بنووووت

حبيبتي إنتي :*

عليج بالعاااافيه العشااا والميك أب ..

وشسالفة البنات والشباب بفرايديز <<<<<< وحده مغبرررره صارلها سنه مووطالعه

 

[BaiTotia]

مرايم بالعافية عليج اللي شريتيه:ggdw:

شهاهيدو وناسة ماشاالله الليزر أريح أنا إن شاالله بسوي جسمي كله مليت من الشيرة والشمع اللي إحترقت منه مليون مرة:eh_s(1):

وماك باجر بدق عليهم بشوف شعندهم وماعندهم

منورة هلااا وغلا الحمد لله .. وينج سلمتي وإختفيتي:eh_s(6):

بنتة التوتة بالعافية عليج الميكب ماشاالله روعة ودي أبوقهم منج _03BA:

 

[بنوتة نعومة]

هلا شهوودة


مادري شسالفتهم ولاااا

اول ما رحنا و لا طاابووووووووووووووور عند الباب امبيه قلنا متى راح ايينا الدووور

رحت جان اقولهم ابي طاولة حق 4 اشخاص

قالت ترى بس اكو صوب ال non smoking قتلها اي اوكي عادي


و لا هالبنات كله يبون صوب ال smoking لا و وحدة قاعدة تتكلم يم الباب بصوت عالي تقول ابي صوب ال smoking ابي استانس اليوم عيدميلادي


ليش شحقه بالله

عااد انا فكرت و ربطت المواضيع في بعضها و قلت اكيد عشان الشباب لان الشباب يتكودون صوب التدخين لوووووووووووووووووووووووووووووووول بناتنا يضحكون عليهم حركاات عجيبة و غريبة

وو الاغاني وااي لأ جني بديسكو


حتى معانا كانت بنت خالي هاذي امها امريكية و عايشة بامريكا طول حياتها مع امها حتى تشبه الاجانب ما جنها كويتية كلش شقره وبيضة امريكية امريكية وو ما تعرف عربي كلش كلش تيينا بالسنة مرة المهم تقول بامريكا فرايديز مالنا مو جذي صغيير وو الكويت صج مافيها club بس هاذة نفس الشي بس هناك فيه مشروب و هني لأ

و هناك الكل فاقد و مايدري شالسالفة وو محد يدري عن الثاني اهني لاااااااااا الكل مصحصح و كلمن يخز الثاني و البنات كلهم يلمعون و حاطين ميكاب سهرة <<<< لووووووووووووووول عندها هالميكاب مال سهرة ماشافت بالعروس شنو يسوون و حدها مستغربه عالسوارفسكي بالحجاب و التفخة :dddds:

لااااا و تقول الشباب معجبن بكل البنات الي بالمطعم اي بنت تمر يخزونها لوووووووووووووووووووووووول :krkrkr:

مسكينه تعقدت :dddds::dddds:​

 

[pink]

أهلييييييين بنوتاااات ..

حدّي اشتقتلكم ؟؟؟ ما حدني عنكم غير مرض و را مرض و النفسية اللي بالحضيض:0bee2e8d89: ..

شلووووونكم كلكم حبيباتي ؟؟؟!!! إن شالله بخير ؟؟؟



شهووود .. ريماااني .. سيدكتف .. نحوووله .. سلاااامات و ما تشوفون شر يا حلواات ..
ديروا بالكم الجووو حده متقلب و في أمراااض الدنيا و الدين .. الله يحفظ الكل ..


بنوووت .. هونيها و تهون حبيبتي و جو الكآبة حايش الكل للأسف .. و زين سويتي
و غيرتي جو و شريتي ميكاب شي تحبينه نوع من التعويض .. و الله كرررريم ..


بيتوووته .. شلونج حبيبتي ؟؟! و شلووون الميكاب معاج لاجديد على الساحة الشرائية :eh_s(6): ؟؟؟


مريوما .. عليج بألف عافية الميكاب تتهنين فيهم إن شالله ..


شوشوااا .. شلووونج حبيبتي ؟؟؟ و سوالف الحواي ما عرف منها غير صابونة البابايا
و ساعات أشتري أعشاب ميرامية و اللا دارسين حق سوالف الدورة ..بس منكم نستفيد


منووور .. تسلمييين حبيبتي .. و احنا بخير دامج إنتي بخير ..


قووولدي .. بالعافية عليج الحمر حبيبتي .. آنا عندي رقم 9 و صج عجييبة .. جربي رقم
3 لونها بيج لحمي هم طبيعي و حلووو ..


أوووشال .. نطوووع .. اسطورية .. قلب بدر .. عصيمية .. قطاوي .. ازيكوو يا بنات ؟؟؟

 

[BaiTotia]

الحمد لله والشكر هيلقية اللي قاعده تقول اليوم عيد ميلادي بستانس!:eh_s(1): استانسي من قاضبج!

هلا وغلااااااااااا بنكوشة:68_asmilies-com: شخبارج شمسوية وشلون أسويه؟

وبشرينا عن أوشالي ماحاجيتيها؟

أنا تمام الحمد لله وماكو شي يديد يمكن باجر أمر ماك مو أكيد لأن عندي تحاليل قطع فعلى طريجي يمكن أروح الفنار

 

[pink]

بيتوووته .. الحمدلله بخير بس أحس مالي خلق شي من بعد المرض

أحس جسمي خااااق .. و أسوية بخير بس هم بلاعيم و نشلة و طبعا

مع العسااارة المصاحبة للمرض << عسارتها بروحها تمرضني :eh_s(14):



و أوشااال حبيبتي لا والله ما كلمتها من آخر مسج اللي قالت فيه إنها تعبانة

لأني لهيت لمن مرضت .. بس ناااوية أسأل عنها و أشوف شنو صار عليها ..

الله يقومها بالسلاااامة ..



و عسى ما شر حبيبتي حق شنو التحاليل ؟؟؟ بس تبين تتطمنين على نفسج ؟؟؟

و الفنار هم اليوم رحته و طبعاااا من دون شك تذكرتج حبيبتي :eh_s(6):

 

[شهووده]

بتااابيتووو

اي والله الليزر حدده راااحه ..

أنا الحين أسوي شواربي وتحت شفايفي وحنجي .. والـ under arms

وان شالله قلت بكمل بااجي جسمي ..








بنووووت

لووووووول بدعوا بدعوا :dddds:

وسالفة إن كل البنات يبون صووب الـ smoking لوووول معرووفه

بس أحلى شي اللي عيدميلادها وتبي تستانس


مسكينه بنت خالج حدها انصدمت واااعليه :krkrkr:








بنووووك

حبيبتي والله تشتاااقلج العااافيه :*

عااااش من شااافج .. ولهنا عليج وااايد احنا بعد ..

وإنتي هم سلاماااات وماتشوفين شر حبيبتي :*

صااجه الجو استغفر الله يمرررررض حده ..

 

[SeDuCTive]

مساء الخير .. شلونكم بنات؟

بنك.. ولهت عليج وينج مختفيه لا حس ولا خبر مكانج مبين حبيبتي
وشلون اوشال؟ انشالله ناويه ادق اسال عليها لأنها طولت علينا وانا اشتقتلها ..


بيتوتيه .. قوليلنا شصار معاج بماك.. ومالقيت طين خاوه بالحواي مالنا مخلص


بنوته.. ابداع فرايديز يبط الجبد راسي يصدع من الدي جي واليوم ويك اند يعني كل الهلاقه والقذاره هناك استغفر الله ما قد مره رحت
وما شفت اشكال وصخه تفشل والبنات قله ادب مو طبيعيه والتعليقات بالعالي لا حيا ولا مستحى !


منوره.. انا بخير حبيبتي شنو اليديد عندج


صاصا.. انا من اكون مشتطه على الطلعه ايدي ترجف بالكحل ومن اكون فاظيه وطالعه بدون هدف تلاقين مكياجي ماكو اروع منه
لوووول حاله نفسيه


مريوما.. مبروك المشتريات عقبالنا نبي نشتري بس ماكو شي يستاهل هالايام بماك..


باقي الشله انتوا فين ؟

 

[SeDuCTive]

اي والله الليزر حدده راااحه ..
أنا الحين أسوي شواربي وتحت شفايفي وحنجي .. والـ under arms
وان شالله قلت بكمل بااجي جسمي ..

صاصا وين تسوين الليزر ابي مكان ارتاحله نفسيا واسعاره معقوله لني ماعرف بالليزر وبخاطري اسوي:eh_s(6):

 

[BaiTotia]

سلامات ماتشوفين شر إنتي وأسويه

حبيبتي مشكورة لأنج تذكرتيني بس الفنار ماأحبه يقمت أنا أحب المارينا وغالبا أروح هناك لوووول بس آخر مرة دشيت ماك المارينا قبل أسبوع تقريبا فبشوف هالمرة مال الفنار شعندهم من الشغلات القديمة

والتحاليل فيني فقر دم فبجيك لأن آخر مرة سويت الحمد لله تعدل بس بعدها سحبوا مني دم شكثرررررر وهالدورة طحت على أمي تخيلي مرة وحده غشاوة على عيني ماأشوف شي وأعرق وحالتي حالة شاكه إن دمي رد نزل

 

[pink]

سيدكتف .. أهلييين حبيبتي توله عليج العافية .. مثل ما قلت المرض و الكآبة
مع الكآبة مو راضية تروح كل شي يبجيني .. الله يبعد عن الكل الكآبة و المرض ..
انتي شلووونج حبيبتي ؟؟؟ و شلوون العيانين معاكي ؟؟؟ :eh_s(6):

 

[BaiTotia]

سيداكتف

لوووووووووووول معقولة مخلص شكلهم بنات الكويت قروا كلامنا بالديوانية وخلصوه لووووووووووووووووول

تدرين مايخلون شي ماشاالله

ونسيت أقول حق بنكوشة إذا كلمتي أوشالي سلمي عليها وايد

 

[شهووده]

أهليييييين بنت العم الحلووه :*

اي لوووول تصير فيني ساعاات ..

وتخترب الرسمه وأعصب وحالتي حاله :dddds:



والليزر سلمج الله أسويه بـ care clinic

بحولي جبااال الجاابريه .. يم لااري كلينك ..

المكاان حلوو واللي يشتغلون هناك الفلبينيات السسترات والدكتوره وااايد حبوبات ..

والأسعاار جدا معقووله .. يعني أول جلسه حق المووستاش والـchin بـ25 على ما أذكر وكل مره تقل !!

الحين تقريبًا سويت 5 جلسات ماني ذاكره بالضبط !! قالتلي يااخذ وقت شوي لأن هالمكان الشعره تكون خفيفه شوي ..

والـ under arms بـ20 .. ومن أول جلسه بين الفررق مشالله ..

سويت 3 جلسات تقريبًا والحين الشعر قام يطلع خفيييف .. شعرتين وبعااد عن بعض بعد لووول ..

اذا بدك رقمهم حبيبتي أعطيج اياه ..

أحلى ماافي عياادتهم إن الموااعيد على كيييفج .. يعني ماكوو ضغط نفس يااكو أبولو ..

يمدحوونه ويقولون أسعاره وااايد زينه وأرخص جنه من عيادتي بس مااااكو مواعيد !!

 

[pink]

شهووود .. تسلمييين حبيبتي و الله يكافينا شر الامراض ..
شلووون فدوووكة الحلوووة ؟؟؟ ليلحين تتحرش باختها ؟؟! :eh_s(6):


بيتوووته .. سلاااامات حبيبتي و ما تشوفين شر إن شالله ..
هالله هالله بالسبانخ و البقدونس و البروكلي و إذا تقدرين جبدة
نص سوا ترفع نسبة الحديد بالدم بسرررعة .. ضيقتي خلقي
الصراااحة إن شالله خير و ما يطلع الحديد وااايد نازل ..

 

[شهووده]

بنوووووكه

يسلمج حبيبتي :*

فووووني القزمه الشريره تسقح ..

للحين تأذي المسيجينه واليوم تلعب معااي تطفرني كربوووونها ..

تدري إني مو بالدار وتركض تسوي هجووووووم مباااغت عاللاب توب تشلع حروف الكيبوورد

أكون مراقبتها وأدش وراها الدار وأقولها صدنااااااااااااه وتقعد تكركر فديت قلبها

 

[pink]

شهووود ..

ويسلم البنااات والله .. و مادري شنو سالفة اليهال مع الكيبورد ؟؟!