<< ديوانية طباخات كويتيات >> ملتقى هواة الطبخ * الجزء الثاني *

[<<المها>>]

صبااااااااااااااح الخيرات

شخباركم ..

 

[أحلى همبه كويتية]

صباحكم خير يارب

فلورتنا الحلوة
شخبارك

 

[<<المها>>]

صباحكم خير يارب

فلورتنا الحلوة
شخبارك

همبوش حياتي انتي وييييييينج

يامجرمه شدعوه ماتولهين ..والله امس اسأل عنج ولهت عليج وعلى قعداتنا الصباحية لووووول :ggdw:

 

[78MariMar78]

فلور
همبوش
صباحكم ورد

همبوش
شلون العرس امس
ان شاءالله انبسطتوا...

 

[<<المها>>]

هلا مرموره شخبارج حبيبتي ..

همبوش امس وين كان عرسكم ؟؟

 

[<<لمار>>]

صيحكم الله بالخير والسرور

 

[78MariMar78]

هلا فلور
بخير الله يسلمك

لمار
صباح الورد

 

[أحلى همبه كويتية]

همبوش حياتي انتي وييييييينج

يامجرمه شدعوه ماتولهين ..والله امس اسأل عنج ولهت عليج وعلى قعداتنا الصباحية لووووول :ggdw:

انا المجرمة والا انتي ؟؟ :eh_s(4):
ولهانة وكلي شوق والله
توله عليج العافية

ياختي حدي تعبانة امس كلش مالي خلق
مكتئبة على الأخر

والحين رفعت راية الحرب :denya:

والحين خلاااااااااااااص قررت وقررت وقررت
لازم اسوي عملية المعدة

آآآآآآآآآآآآآآآخر قرار
مابذني ماي أو عصير
هههههههههههه


عفية ادعولي بضبط نفسي
صحتي وانا أتحمل
خلاااااااااااااااااااص

فلور
همبوش
صباحكم ورد

همبوش
شلون العرس امس
ان شاءالله انبسطتوا...

العرس اليوم

هلا مرموره شخبارج حبيبتي ..

همبوش امس وين كان عرسكم ؟؟

اليوم حبيبتي

صيحكم الله بالخير والسرور

ياهلا ومرحب

 

[<<المها>>]

همبوش شوفي بقولج شي ..ولاتزعلين مني

طبعا كل واحد حر بحياته وهو ادرى بصحتة ..بس واجب علينا تجاهج كصديقة اننا مانسكت ..واحنا من قبل تكلمنا وهم برد الحين وبقول

همبوش والله والله عملية التحوير مو زينه على الصحة ياقلبي .. اولا ماتقدرين تحملين الا بأشراف دكتور ومتابعة من قبل الحمل الى الولاده

ثانيا ممكن تبلش مشاكل بالكلى ولقدر الله مع العمر توصل لمرحلة فشل كلوي ..

وعندج ابره الفيتامينات اللي لازم بأنتظام تاخذينها تخيلي معانا وحده بالدوام نستها شصار طاحت وحالت اغماء وترقدت بالمستشفى اسبوع

وبالاخير نقل دم والحين حامل وكل يوم والثاني مرقدينها ..

غير الشكل سبحان الله ماشفت احد سواها الا والويه يصير جنة مومياء ..يفقد جماله وصحتة يعني شالفايده الواحد يطالع ويهج يشوف وحده بملامح الستين من كثر التجاعيد ومصوفر ..

واي دكتور يقولج غير هالحجي جذاااااب تدرين لية لانهم ماديين ... ولا دكاترة برى هذا كلامهم ولايسوونها بسهوله الا لحالات ناااادره جدا

وهالكلام مو من عندي لا من وحده من زميلاتي كان وزنها 130 كيلو وبغت تسوي التحوير وراحت للمستشفى من وراء اهلها ووافق لها الدكتور وعطاها موعد للتحاليل وهالسوالف

ويوم درى ابوها خذاها لنفس المستشفى ودخل عند المدير الطبي حقهم لانه زميل ابوها وتدرين شنو قالها ؟؟ قالها ما انصحج وقالها كلام

نقيض كلام الدكتور ..تخيلي اهما نفس المستشفى والمصلحة وحده بس لانه صديق ابوها قال الصج وماشاء الله عليها بالرياضة والتمارين بالنادي

مع نظام غذائي بدون خرابيك صار وزنها الحين 60 أو اقل .. طبعا نزلت هاالوزن خلال سنتين ونص الله يتمم عليها ..

وانتي ياحبيبتي ادرى بصحتج بس فكري بدال المره 100 وبدال 100 مليون مره هذا مستقبل وحياة بدوم معاج .. ولاتنسين الاستخاره

والله ييسر امورج .. تقبلي كلامي حبيبتي..ولاتزعلين مني

 

[أحلى همبه كويتية]

وين رحتوا ؟؟

 

[<<المها>>]

صيحكم الله بالخير والسرور

صباحج ورد ..هلا لموره شخبارج عيوني

 

[78MariMar78]

فلور
كلامك مضبوط وعالعين والراس
واشكرك لاهتمتمك

احنا نبي نلجأ للعملية لأنه ملينا
وما نلتزم بنظلت غذائي معين
وما عندنا صبر سنة وسنتين....


والله يختار لنا الأفضل ان شاءالله

 

[أحلى همبه كويتية]

فلور
اسفة كل الأسف اني شغلتكم وياي بهالسالفة

والله العظيم كلامك على عيني وراسي ويفرحني
بالعكس ادري تبون الزينة لي

بس لما أشوف بنات خالي اشحلاتهم صاروا ارجع افكر بالعملية

واذا حطيت موعد بروح اشوف الدكتوربالخاص اتراجع
سبحان الله خيرة من الله

خوفتيني اكثر
خلاااااااااااااااااص هونت

ترا انا خوافة
بس والله فيه وايد بالمنتدى مسوينها وما تحسفوا ابدا

كل عملية غير

مثلا التكميم هي قص المعدة اقل خطورة بكل شي بقول حق الطبيب يقص شوية مو واااااااايد
خخخخخخخخخخخ

الحلقة فاشلة ما أفكر فيها

التحوير هذه الخطرة والعيشة فيها طول حياتك على الفيتامينات


بعد قلبي


لعلمك امي قبل مو راضية
امس تقولي ايه سويها بس شوفي لج دكتور زين وشاطر

يعني بس باقي ريلي

وانا ناوية اروح الأميري
بحط موعد واشوف الدكتور وبعدي استخييييييييييييير واقرر

يا اما يكون القرار الصح اللي في حياتي
يا القرار الأخير بعمري
ههههههههههههه

 

[أحلى همبه كويتية]

معانا وحدة بالمنتدى
كنا من سنة ونص نسوي رجيم مع بعض

طبعا تعبنا وهلكنا وما نزلنا مثل الناس

صارلها 6 شهور مسويتها ماشاء الله
نازلة تقريبا 20 كيلو
والحين حامل بعد

عمليتها التكميم
عشان جذيه تشجعت حيل

 

[<<المها>>]

ههههههه

حياتي همبوش .. الله يكتب لج الخير ياااارب ويسر لج الصالح .. وشدعوه هذا اقل واجب نقدمه لبعض لا اشغلتينا ولا شي

وصدقيني لو فيها خير جان انا سويتها .. عموما الواحد يستشير ويستخير ,,

انتي استشيري اكثر من دكتور وها دوري دكاترة الذمه والضمير وادخلي على سايتات اجنبية افضل ويكون كلامهم واضح وصريح ويمكن

تستفيدين اكثر .. واستخيري اكثر من مره .. وان شاء الله خير

 

[أحلى همبه كويتية]

شكرا فلور حبيبتي والله

افا عليج بقطع كل السجادات اللي عندي من صلاة الأستخارة
لما ارتاح

 

[بشوره الكويت]

صبحكم الله بالخير والايمان وطاعة الرحمن

اشلونكم بنات مرمرم وشايونه ولمار وهمبوش وفلور وحور والباقي الحلوين

ام ريوف الله يوفق حمودي

همبوش سويها وتوكلي علي الله الحين تغيير المسار مو بالعرض بالطور في دكتور شاطر اسمه الشرف

نصيحه مو تسوين عند الجار الله تري مجرم وايد ماتو علي ايده حتي بنت عم ريلي عمليته فاشله وعليه ليما الحين 7 عمليات

وبالعنايه ومو مترقعه واحتمال ابوها يرفع قضيه عليه وعليه صارت بغيبوبه حطي بالج في دكاتره جزارين وما يهمهم الا فلوس

ولا صحه الناس لااااااااااااااااااااااااا مثل ما قالت فلور صح السانها وصج اضعفو بس مو اكثر من 20 او 25 كيلو

بس الويه كبر بسرعه واعرف ناس وايد سووها بس اول تغيير المسار بالعرض الحين بالطول حتي ما تاخذين فيتامينات ولا

شي مو مثل العرض مدي الحياة فيتامينات وكالسيوم وحبوب

واستخيري

ليش ما تروحين لدكتور مطوع وايد ناس اضعفو علي ايده

 

[<<المها>>]

هههههههههههههههههه الله ييسر لج

وين البنات اختفوا ؟؟؟

 

[<<لمار>>]

بشورة خوفتينى من الجار الله ريلى بسوى تدبيس معدة عندة يمة خل اقولة لايسويها والمطوع انا داقة علية شهر 2 عطانى موعد السنة الجاية لوووول

 

[<<المها>>]

هلا بشوره صبحج الله بالنور والسرور

شخبارج وشخبار مريوم ..عسى عقلت ..