<< ديوانية طباخات كويتيات >> ملتقى هواة الطبخ * الجزء الثاني *

[<<لمار>>]

بنات بريتى اقطعت من مدة فاقدتها عسى المانع خير وحتى صاحبة المعالى وطمطم صارلهم جم يوم فبالى

 

[<<لمار>>]

بشورة تصدقين انا تعودت على اسمائكم بالمنتدى لمااكلم اى وحدة فيكم مااعرف اقول اسمها وانا اسمى ترى حلو بس معناة يفشل لوووووووول

 

[بشوره الكويت]

طمطم لاهيه بالدراسه والامتحانات

بس بريتي صج فاقدينها وانشاء الله المانع خير

لمار الظاهر عاديتيني من النت انتقل العدوي قمت اعاطس وانفي سكر مره وحده ووصل العطاس 10 انشاء الله خير

 

[<<لمار>>]

بشورة انا هالايام هافة على مصر احنا عندنا شقة اهناك وقبل زواجى كنا كل سنة الصيف اهناك ويمعة ووناسة فحنيت حق هالايام واهى حلوة وفيها اماكن وايد وكل ماتشتهين وجوهم زين بس عموما بالصيف كل الدول موحلوة السياحة فيها بسبة الناس واللوية

 

[بشوره الكويت]

تري حتي انا اسمي مو كويتي وقليل يسمونه خواتي كلهم اللهم بارك الا انا ما ادري فرحتهم الاولي وجدة امي وابوي مسميتني

معنا حلو بس الاسم احسه مو خليجي جنه ابناني مصري سوري اردني هاااااااااااا

 

[<<لمار>>]

وى بشورة الظاهر انتقلت لج العدوى عاد تصدقين احنا البيت كلة بداية فلونزة حتى الخدم والله مستغربة شلون كلنا بيوم واحد الظاهر فى شئ بيتى وباجر ماكو الاالبس كمام اجراء وقائى لوووووول

 

[<< أزيان >>]

والله يابنات موملحقه اقرا شي

بنتي اذتني بواجباتها

وانا الصالونه توها داقه تقول قريبه من البيت عشان اتزهب

عطوني المختصر الله يعافيكم

شصار عالطلعه

ليش مرمر ونانا وهمبوش مو اكيد ؟؟؟؟؟؟؟

ماوصلت للسبب لووووووول عاد تعرفون بلاغة الشف

 

[بشوره الكويت]

حتي اهل امي يموتون عليها وهم كل سنه فيها وصديقه خالتي عندها بعد ويحبونها موت بس زوجي ما يحبها وما يفكر

اقوله ودني بس اطالعها ما رضي ودني السوق يمدحون سوقها يقولي ما في شغل هااااااااااااا

 

[<<لمار>>]

عاد تصدقين نسيت اسمج بشورة حايشنى زهايمر الله لايواريج اياة اخاف بيوم انفسى نفسى اليوم وانا رايحة حق مرت ولد اخوى المستشفى ماوعيت على نفسى الا انا جدام باب المستشفى حتى انا منصدمة شلون وصلت قايلة بروح العصر مع ماماتى بس مخى تبرمج سبحان الله

 

[<<لمار>>]

بشورة الرياييل ماينعرفلهم انا ريلى مايواطن لبنان عداوة بينة وبينها معنة ماراح لها ولامرة اقولة جرب حلوة كلها طبيعة وخضرة ووجة حسن بس يقولى انسى مالج امل

 

[بشوره الكويت]

زيون فاتح عندنا صالون اليي تشتغل فيه اتينن نفسها وشغلها حلو جربتها واعجبتني عاد انا اذا ما عجبني يحلمون ارجع

بس هذي تبارك الرحمن خوش صالون الله يتمم علينا ومن كثر ما مدحته اختي يت حماتي بنتي وبنات حماتي ورفيجه اختي ورفيجاتي

الصراحه واسعارها مناسبه انا اقولها رخيصه تقولي شوفي لا رخيص ولا غالي بالعكس مناسب للكل حتي الهنديات يا حلو نفسهم

اهو يكون صوب الكراج بس مصافطه عند البيوت شغلهم كله روعه

 

[<<لمار>>]

زيونة الله يعينج على ابنيتج والصراحة خلاص بانزينا خلص مالنا خلق تدريس والبنات نانا ريلها بي من السفر وهمبوش ومرمر بيحاولون يقنعون ازواجهم

 

[<<لمار>>]

نعيما مقدما زيونة

بشورة شنو كتاب النخبة شجعتونى علية انتى وام ريوفى ووين احصلة

 

[بشوره الكويت]

لمار حتي ريلي تري ولا مره راح مصر

لبنان حلوه شوي والناس دائما تمدها بس تري مافيهااماكن سياحيه وايد وغاليه حتي المطاعم مو اي مطعم تدخلينه

بس لما تطفه الكهرباء وبالليل او لا تكونين بالمجمع تزهك وتطفش الواحد الصراحه اكتشفت الناس يستانسون للزحمه

وفي منهم للمراقص والحفلات والسهر اليي ماله معنا والمسخره والعياذ بالله

وعندج سوريا اماكن السياحيه حق اليهال اكثر والمطاعم ارخص بالنسبه للكويتيين والجو اروع وما تملين من كبرها وتطورة بعد

بس انا مليت منها وما افكر السنه اروحلها

 

[<<لمار>>]

وووووووينكم لاتخلونى بريحاتى

 

[بشوره الكويت]

يابوه المكتاب اليي بارض المعارض دوريه صوب السعوديه بس صار قديم لمار

اكيد اطلعت كتب يديده واكيد طلعت لها كتاب ثاني

 

[<<لمار>>]

انا مارحت سوريا ولامرة ولبنان انا لما رحتلها سكنا بالجبل حلوة وطبيعةوجو واكل طبيعى عجيب بس ماتونس واذا رحتى بوحمدون مايبقى احد بالكويت ماتشوفينة بالله شحقة مسافرة

 

[<<لمار>>]

جنة فى معرض الكتاب الحين بشورة واذا قديم ماضنتى يحطونة

 

[بشوره الكويت]

بحمدون مره رحتها وحرمت ادخله مره ثانيه عبالهم ارخيص تري مو رخيص بس يتوقعون جذي

روحي المجمعات وفي فنادق فيها العاب ونت وقهاوي مو مثل اول ما كان فيها شي وفي افخم مطاعم علي الدول وفي فندق توي يديد

اسمه بيت ادجدودنا نظيف ومرتب وهم نادي فتره عقب الافطار اس بح مريومتي واخذ لها العاب وحليب وبسكوت وانزل مع بناتي

العب علي الاجهزه وهي تيها فتره تنام ونوارتي تسبح حتي اتعرفنا علي امراتيه وسوره يا حلو نفسهم يهبلون حتي صاحب الفندق

يا حلو نفسه وطيب حيل وشايف خير مو مقصه

حتي اخته اتهبل مع افطار هم ينن وقعده شرحه وساعات العصر نصعد فوق مثل البر يا حلو القعده مع شاينا وفي يبوعون فواكه

لذيذه اشوي او مكسرات بس مو من اي واحد لان البعض مكشوف ومره شرينه تين شنو لذيذ عسل مو تين ما شاء الله

 

[ABEER FLOWER]

لموووووره ههههههه

إي من قال نحب الصور


زيون ربي يعينج على هالواجبات
ويوفقكم

و نعيماً